SAN MATEO 14:3 - Lengua Sur (Enxet) Nuevo Testamento

³ Herodes axta apkeltémo emakpok Juan tén han apkeltémo kólyentemekxa yetlo kélpextete cadenas ma'a sẽlpextétamakxa. Kelán'a ekwesey Herodías axta keñamak aptaha Herodes xa, ektaha axta aptáwa m'a apyáxeg apwesey axta Felipe.

SAN MATEO 14:3 Referans Kwoze

SAN MARCOS 6:17

Herodías axta keñamak apkeltamho Herodes emakpok Juan, apkeltamhok axta kóltétek cadenas kañe' sẽlpextétamakxa. Felipe axta aptáwa Herodías, aptaha axta Herodes apyáxeg, keñe axta Herodes aptamheykekxo aptáwa xa kelán'a nak.

SAN MATEO 4:12

Xama axta apleg'a amya'a Jesús kélhésekmo Juan sẽlpextétamakxa, apmahágkek axta yókxexma Galilea.

SAN MARCOS 6:22

Taxnegwokmek axta Herodías étche m'a neyseksa ektámáxche nento, keltayha axta ekneywencha'a m'a, leyawok agko' axta apwáxok Herodes ektahakxa eknéweykha Herodías étche, leyawok axta anhan apwáxók énxet'ák aptóko axta xamo' aptéyak Herodes. Ekeso eñamakxa aptaha axta apcháneya kelán'a étkok wese' s'e: —Hélmaxna aksok eyámenyéxa enxoho, agkések sat.

SAN MARCOS 6:19

Ekeso eñamakxa ektaknagkama axta Herodías ma'a Juan, máheyok axta eykhe kakhek, yawanchek axta eyke.

SAN MATEO 11:2

Aplegágweykxeyk axta amya'a ektahakxa aptamheykha Cristo Juan neyseksa apha axta sẽlpextétamakxa. Keñe axta apkeláphasa nápakha énxet ektaha axta apkelyetlo Juan,

SAN LUCAS 13:1

Apkelmeyákxeyk axta aphakxa Jesús nápakha énxet, cham'a ektaha axta xa, kéltennáseyha axta anhan Jesús apkeltémo Pilato etekyók nápakha énxet'ák apkeleñama Galilea neyseksók apkennapma aksok nawha'ák apméso Dios, keñe ekyepetchákxo aksok nawha'ák éma agkok kélméso Dios éma apagkok xa énxet'ák nak.

SAN MATEO 14:6

Wokmek axta ekhem apteyekemxa wese' Herodes, néweyha axta Herodías étche nápakta'awo' énxet'ák ektaha axta apkeláneyeykha Herodes, leyawók agko' axta apwáxok Herodes,

SAN MARCOS 6:14

Apleg'ak axta amya'a wese' Herodes apxénákpo Jesús, hakte payhekxeyk axta amya'a apxénamap Jesús ekyókxoho yókxexma. Aptahak axta Herodes se'e: —Juan el Bautista apxátekhágwokmok, la'a apkepwagko nak apkelana aksok sempelakkaso nak agweta'.

SAN MARCOS 8:15

Aptahak axta apkeláneya Jesús apchésa s'e: —Kóllano, kólawho fariseos kempáseyak apagkok, tén han ma'a Herodes kempáseyak apagkok nak.

SAN LUCAS 3:1

Quince apyeyam axta weykmok apteme wese' apwányam Roma m'a Tiberio, keñe axta Poncio Pilato aptaha wese' apchásenneykha apkeláneykha yókxexma m'a Judea, keñe axta Herodes aptaha wese' m'a Galilea, keñe axta apyáxeg Felipe aptaha wese' m'a Iturea tén han ma'a Traconite, keñe axta Lisaneas aptaha wese' m'a Abilinia.

SAN LUCAS 8:3

Juana, Cuza aptáwa axta anhan ma'a, aptaha axta wese' Herodes apkeláneseykha aksok apagkok; Susana axta anhan ma'a, tén han ma'a ekyókxoho kelán'ák ekpasmoma axta cha'a Jesús eñama ekméso aksok agkok ekyetnakxa enxoho.

SAN LUCAS 13:31

Apkelwokmek axta anhan nápakha énxet'ák fariseos. Aptahak axta apcháneya Jesús se'e: —Emhok sat mók nekha, Herodes apmokók yakhek xép.

SAN LUCAS 23:7

Xama axta kéltennasa aptaha apkeñama Galilea, apcháphásek axta aphakxa Herodes, aptaha axta wese' apchásenneykha apkeláneykha yókxexma Galilea, chakhawók axta anhan apmahágkaxa Herodes ma'a tegma apwányam Jerusalén.

SAN LUCAS 23:11

Keñe axta aplágwokmo Herodes tén han ma'a sẽlpextétamo apagkok, apáwa aptakmela axta kéltaxneyásekxak Jesús ektémol'a wese' apkelnakta peya yesmésakpok. Keñe axta Herodes apcháphásekxo makham Jesús aphakxa Pilato.

LOS HECHOS 4:27

“Nakso', apchaknákxeyk axta Herodes tén han Poncio Pilato xamo' ma'a énxet'ák metnaha nak judíos, tén han ma'a énxet'ák Israel, amya'a axta apkelaneykxak yakwánxa kóltemésesek Jesús aptaha nak Xép apkelyéseykha yakwayam etnehek Mesías.

LOS HECHOS 12:1

Cháxa apcheynamókxa axta anhan apmenxeneykha wese' apwányam Herodes Dios énxet'ák apagkok ektéma axta xa.