SAN MATEO 14:2 - Lengua Sur (Enxet) Nuevo Testamento

² Aptahak axta Herodes apkelpakhetchesa apkeláneykha apxéna Jesús s'e: “Juan el Bautista ko'o neyk apxátekhágwokmok. La'a apkepwagko nak apkelana aksok sempelakkaso nak agweta'.”

SAN MATEO 14:2 Referans Kwoze

SAN MATEO 16:14

Aptahak axta apkelátegmowágko s'e: —Nápakha énxet'ák cha'a apxeyenmak xép aptaha Juan el Bautista; keñe nápakha apxeyenma aptaha exchep Elías, keñe anhan nápakha apxeyenma aptaha exchep Jeremías, tén han apxeyenma aptaha pók Dios appeywa aplegaso.

SAN JUAN 10:41

Apxámok axta énxet'ák apteyánegweykmoho Jesús. Aptahak axta anhan apkelpakmeta s'e: —Nakso' axta eykhe meláneya Juan aksok sempelakkaso nak agweta', nakso' eyke entemék ma'a ektémakxa axta apkeltenneykha Juan apxeyenma xa énxet nak.

SAN MARCOS 8:28

Aptahak axta apkelátegmowágko s'e: —Nápakha énxet'ák cha'a aptahak apxéna exchep Juan el Bautista, keñe nápakha énxet apxéna exchep aptaha Elías, keñe nahan nápakha énxet aptaha apxéna exchep pók Dios appeywa aplegaso.

SAN MATEO 11:11

Méko xama énxet apyeykhágweykmoho Juan el Bautista nepyeseksa apyókxoho énxet'ák nak; keñe m'a énxet apteme nak kónegók ma'a aptémakxa nak Wese' apwányam Dios ma'a néten, mexnawok Juan el Bautista m'a.

SAN MATEO 3:1

Apwokmek axta Juan el Bautista yókxexma meykexa énxet ma'a Judea, cham'a ekhem axta, apkeltennáha axta anhan.

SAN MARCOS 6:14

Apleg'ak axta amya'a wese' Herodes apxénákpo Jesús, hakte payhekxeyk axta amya'a apxénamap Jesús ekyókxoho yókxexma. Aptahak axta Herodes se'e: —Juan el Bautista apxátekhágwokmok, la'a apkepwagko nak apkelana aksok sempelakkaso nak agweta'.

SAN LUCAS 9:7

Apleg'ak axta amya'a Herodes apxénákpo Jesús tén han ma'a ekyókxoho aksok apkelané axta Jesús; axta ey'ásegkok ektahakxa elchetamso apwáxok, hakte nápakha énxet axta apxénak apxátekhágwokmo Juan,