SAN MATEO 14:19 - Lengua Sur (Enxet) Nuevo Testamento

¹⁹ Keñe axta apkeltamho Jesús exnakha néten pa'at ekpayhe m'a énxet apxámokma axta. Apkelmeyk axta m'a cinco pan nak tén han ma'a ánet kelasma nak, apsekhákxók axta néten, apmések axta ekxeyenma apwáxok Dios, keñe axta apkelyepta m'a pan nak, apkelmeyásegkek axta anhan apkeltámeséyak, keñe axta apmelassa énxet'ák ma'a apkeltámeséyak.

SAN MATEO 14:19 Referans Kwoze

SAN LUCAS 24:30

Xama axta apheyncha'a nekha mésa, apmeyk axta pan Jesús, apmések axta ekxeyenma apwáxok Dios, keñe axta apyepta nepyeseksa, apkelmeyásegkek axta anhan xa énxet'ák nak.

LOS HECHOS 27:35

Apmeyk axta Pablo pan natámen apteme appeywa xa, apmések axta ekxeyenma apwáxok Dios nápakta'awo' apyókxoho apkelxegexma'a, apyepteyk axta, keñe axta aptawa.

SAN MARCOS 6:41

Keñe axta apkelma Jesús ma'a cinco pan nak, tén han ma'a ánet kelasma, apsekhákxok axta néten, apmések axta ekxeyenma apwáxok Dios, keñe axta apkelyepta Jesús ma'a pan nak, apkelmeyásegkek axta apkeltámeséyak yakwayam enxoho emlaskok ma'a énxet'ák. Apmelasseyk axta anhan énxet'ák ma'a ánet kelasma axta.

1 CORINTIOS 11:24

keñe axta natámen apméso ekxeyenma apwáxok Dios apyepta nepyeseksa pan. Aptahak axta s'e: “Keso sekyókxoho sekmésa axta ko'o yakwayam kamátog s'e, yakwayam kapasmok kéxegke. Kóllána' sat cha'a s'e, yakwayam enxoho kaxénwakxohok kélwáxok ko'o.”

ROMANOS 14:6

Enxet appagkanma nak xama ekhem, Wese' egegkok yakwayam etnehek apcháyo eyke keñamak appagkanma xa ekhem nak. Enxet apsawhomo nak apto ekyókxoho aksok, Wese' egegkok yakwayam etnehek apcháyo eyke keñamak apsawhomo aptama xa aksok nak, egkések nahan ekxeyenma apwáxok Dios; énxet meto nak mók xama aksok, Wese' egegkok yakwayam etnehek apcháyo eyke keñamak metama xa mók xama aksok nak, egkések nahan ekxeyenma apwáxok Dios.

COLOSENSES 3:17

Kóllána cha'a yetlo kélxeyenma Wese' egegkok Jesús apwesey ekyókxoho aksok kéllanakxa enxoho esenhan ma'a kélxénakxa enxoho, kólmés nahan cha'a ekxeyenma kélwáxok Dios Egyap eñama m'a Wese' egegkok Jesús.

1 CORINTIOS 10:16

Negmáha agkok negyenágko negko'o m'a egheykok ektakmela magkenatchesol'a negmésa ekxeyenma egwáxok Dios, nempasmeykxeyk negko'o Cristo éma apagkok negyókxoho nentaha enxoho xa. Nentókagkek agkok nahan ma'a pan nentemésesamol'a nápakha'a apketkók, nempasmeykxeyk negko'o negyókxoho Cristo apyókxa, nentaha enxoho xa.

SAN LUCAS 9:14

Cinco mil axta apyókxoho m'a énxet'ák nak. Wánxa agkok, aptahak axta apkeláneya Jesús apkeltámeséyak se'e: —Kólána elyakyesagkok apheykha énxet. Cincuenta sat cha'a etnehek apyókxoho.

SAN MARCOS 7:34

Keñe axta apkenmexo néten, aptekkásók axta apkennama. Aptahak axta apcháneya énxet se'e: “¡Efata!” (Nenteme nak negko'o nempeywa: “¡Kalyagkáxekxoho!”)

1 CORINTIOS 10:31

Hawók nahan ektémakxa m'a kéltawa enxoho kélto, esenhan kélyena enxoho m'a kélya nak, esenhan ma'a kéllana enxoho mók aksok, kóllána ekyókxoho aksok yakwayam kóltemésesek apcheymákpoho Dios.

SAN JUAN 6:23

Keñe axta anhan elwákxo yántakpayhe keto' ma'a aptókakpexa axta pan natámen apméso ekxeyenma apwáxok Dios ma'a Wese' egegkok. Axta keleñamak ma'a tegma apwányam Tiberias.

SAN MARCOS 6:39

Keñe axta apkeltamho elyakyesagkok apheykha énxet néten pa'at ekpayhe.

SAN JUAN 11:41

Kéllekkek axta meteymog kélapma átog, apkenmexawók axta néten Jesús, aptahak axta s'e: —Ekmések ko'o ekxeyenma ewáxok xép Táta, hakte apleg'awók xép selmaxnagko.

SAN LUCAS 22:19

Keñe axta apma anhan pan, apmések axta ekxeyenma apwáxok Dios, apyepteyk axta, apkelmeyásegkek axta anhan apkeltámeséyak. Aptahak axta apkeláneya s'e: —Keso sekyókxoho ko'o s'e, sekmésa nak yakwayam watsapok kéxegke eñamakxa. Kólteme sat mehelwagkayam ko'o.

SAN LUCAS 9:16

Keñe axta apkelma Jesús ma'a cinco pan nak, tén han ma'a ánet kelasma, apsekhákxok axta néten, apmések axta ekxeyenma apwáxok Dios eñama m'a nento nak, apkelyepteyk axta pan, keñe axta apkelmeyásegko apkeltámeséyak yakwayam enxoho emlaskok énxet'ák.

SAN MATEO 14:18

Aptahak axta apkeláneya Jesús se'e: —Helsántegkes ko'o.

SAN LUCAS 22:17

Keñe axta apma egheykok, apmések axta ekxeyenma apwáxok Dios, aptahak axta s'e: —Kólyenák se'e, kólmés nahan cha'a kélmók;