SAN MATEO 13:8 - Lengua Sur (Enxet) Nuevo Testamento

⁸ Wánxa agkok, pálwokmek axta nekha aktek ektakmelakxa xóp, tekkesek axta anhan ektakmela eknakxamáxche ekyexna m'a; cien aktek axta cha'a wokmok xama ekyexna, keñe axta mók ekyexna ekwokmo cha'a setenta aktek, keñe mók ekyexna ekwokmo cha'a treinta aktek.

SAN MATEO 13:8 Referans Kwoze

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

SAN MATEO 13:23

Aktek ekpálwayam nak ektakmelakxa xóp ekteme ekyetchesamaxkoho m'a énxet apkellegé nak amya'a kéllegaso, ey'asagkohok nahan ektémakxa, tásek nahan katnehek ekteyapma apkelyakmagkaso axnagkok apkeltémakxa, ekhawo m'a aksok eknakxamáxchel'a ekyexna. Exnágwakxohok ma'a hótahap apyexna ekteyapmol'a cien apaktek, esenhan ma'a ekteyapmol'a sesenta apaktek, esenhan ma'a ekteyapmol'a treinta apaktek.”

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

ROMANOS 7:18

Ekya'ásegkok megkeytna ko'o aksok ektakmela xama enxoho, cham'a sektémakxa ahagko' nak ko'o may'asáxma; amawho eykhe cha'a ko'o alána' aksok ektakmela, mowanchek eyke alána'.

SAN MATEO 13:7

Neyseksa yányemmék axta pálwokmok nahan nekha aktek, kektegkek axta m'a yányemmék nak, keñe axta ennapa m'a aksok aktek ekteyapma.

SAN MARCOS 4:8

Wánxa agkok, nekha aktek axta pálwokmok ektakmelakxa xóp, kektegkek axta anhan, tekkesek axta anhan ektakmela eknakxamáxche ekyexna m'a; treinta aktek axta wokmok xama ekyexna, keñe axta mók ekyexna ekwokmo sesenta aktek, keñe mók ekyexna ekwokmo cien aktek.”

SAN MARCOS 4:20

Yetneyk nahan nápakha énxet apkellegé nak amya'a kéllegaso, elyahakxohok nahan, tásek nahan katnehek ekteyapma apkelyakmagkaso apkeltémakxa ekhawo m'a aksok aktek kélcheneykekxa nak ektakmelakxa xóp. Nápakha nahan aphawók ma'a hótahap apyexna ekteyapmol'a treinta apaktek, keñe nápakha aphawo m'a hótahap apyexna ekteyapmol'a sesenta apaktek, keñe nápakha aphawo m'a hótahap apyexna ekteyapmol'a cien apaktek.”

SAN LUCAS 8:8

Wánxa agkok, pálwokmek axta nekha aktek ektakmelakxa xóp; kektegkek axta anhan, tekkesek axta anhan ektakmela eknakxamáxche ekyexna m'a, cien aktek axta cha'a wokmok xama ekyexna.” Cháxa apxéna axta Jesús xa, keñe axta anhan aptaha apyennaktésawo appeywa s'e: “¡Kéxegke ekha nak kélheyk'ák, kóleyxho!”