SAN MATEO 13:54 - Lengua Sur (Enxet) Nuevo Testamento

⁵⁴ apwákxeyk axta m'a ektahakxa nak apchókxa, apkelxekmósek axta énxet'ák kañe' apchakneykekxexa judíos ma'a yókxexma nak. Pelakkasek axta apkelwet'a énxet'ák, aptahak axta apkelpakmeta s'e: —¿Háxko eltámegweykenxa ekyókxoho apya'áseyak xa énxet nak? ¿Háxko kexaha ektémakxa apmopwágko nak elána' aksok sempelakkaso nak agweta'?

SAN MATEO 13:54 Referans Kwoze

SAN MATEO 7:28

Xama axta appenchesa apkeltenneykha Jesús, pelakkasek axta apwet'a énxet'ák ektahakxa axta apkelxekmóso Jesús,

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN MATEO 2:23

Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

LOS HECHOS 13:46

Apkeltennáha axta Pablo yetlo megyeye, tén han ma'a Bernabé. Aptahak axta apchátegmowágko s'e: —Neganeyaxcheyk axta negko'o anlegaksek kéxegke amya'a eñama nak Dios, kéxegke kéltaha nak énxet'ák judíos, wánxa agkok sat eyke kaxwo' ampehewakxak negko'o m'a énxet'ák metnaha nak judíos, hakte megkólmenyék kéxegke amya'a eñama nak Dios, megkaxénak nahan kélwáxok ekpayhawo yakwayam kólxawak kéxegke m'a ekyennakte egnenyek megkatnegwayam enéxa nak.

LOS HECHOS 4:13

Xama axta apkelwet'a ektahakxa axta megyeseykekxa apkeltenneykha Pedro, tén han Juan, apkelya'ásegwokmek axta aptaha énxet meyke apkelmopwancha'a tén han meyke kélxekmóso, pelakkasek axta nahan apkelwet'a xa énxet'ák nak, xénwokmek axta nahan apwáxók aptaha Jesús apkeltámeséyak.

SAN JUAN 1:11

Apwayak axta eykhe apheykegkaxa m'a ektaha nak énxet'ák apagkok, wánxa agkok axta eyke yápeykha m'a ektaha nak énxet'ák apagkok.

SAN LUCAS 2:47

Pelakkasek axta eklegáxko ektémakxa aksok apya'áseykegkoho tén han ma'a ektahakxa axta cha'a apchátegmowéyak Jesús kélmaxneyeykha.