SAN MATEO 13:52 - Lengua Sur (Enxet) Nuevo Testamento

⁵² Keñe axta aptaha apkeláneya Jesús se'e: —Apkeltámesamakpek agkok énxet apkelxekmóso nak apnámokkok ektémakxa segánamakxa m'a aptémakxa nak Wese' apwányam Dios, máxa etnehek ma'a énxet ekhal'a apxagkok, ey'asagkohok elhexyawásekxak ma'a aksok axnagcha'ák, tén han ma'a aksok apák nak, cham'a apnegkenmakxal'a aksok apkeltakmelcheso.

SAN MATEO 13:52 Referans Kwoze

TITO 1:9

Kéméxchek meyensemek ma'a amya'a ekmámnaksoho nak, cham'a kélxekmósama axta, yakwayam enxoho nahan yepwának elwaskakkásekxohok apnámokkok, yetlo m'a nelxekmowásamáxche ektakmela nak, yakwayam enxoho anhan ellekwomhok énxet'ák apkelxeyenma nak ektaha megkamámnaksoho m'a amya'a nak.

SAN MATEO 12:35

Aksok ektakmela cha'a exének ma'a énxet ektakmela nak aptémakxa, hakte keytek aksok ektakmela m'a apwáxok, keñe m'a énxet ekmaso nak aptémakxa, aksok ekmaso cha'a exének, hakte keytek aksok ekmaso m'a apwáxok.

SAN LUCAS 11:49

“Ekeso eñamakxa aptaha axta appeywa Dios yetlo apya'áseykegkoho s'e: ‘Aláphaksek sat ko'o énxet'ák apkellegaso nak sekpeywa, tén han ma'a énxet'ák seykha amya'a ahagkok nak, etekyók sat eyke nápakha xa énxet'ák nak, kólmenxenmakha sat nahan nápakha.’

SAN MATEO 23:34

Ekeso eñamakxa peya nak ko'o aláphaksek kélnepyeseksa kéxegke énxet'ák apkellegaso nak Dios appeywa, tén han ma'a énxet'ák apkelya'áseykegkoho nak ektémakxa Dios appeywa, tén han ma'a énxet'ák apkelxekmósamo nak apnámokkok. Kólnápok sat eyke kéxegke m'a, aksok ektegyéso sat nahan kólyepetchesek nápakha, kañe' apchakneykekxexa judíos sat nahan kólnáhapmakha m'a nápakha, kólántaxmakha sat nahan nátegma kólmenxenmakha.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

COLOSENSES 1:7

Cháxa apkelxekmósa axta kéxegke egyáxeg Epafras xa, aptaha nak egyáxeg negásekhayo, cham'a sempasmoma axta nentamheykha negko'o, aptaha nak han meyenseyam apkelané aptamheykha eñama nak Cristo yakwayam epasmok kéxegke.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

SAN JUAN 13:34

Eltennásek kéxegke s'e axnagkok seltémókxa nak kóltehek: Kólteme cha'a kélásekhamaxkoho. Kólteme cha'a kélásekhamaxkoho ekhawo ektémakxa nak ko'o selásekhayo kéxegke.

EFESIOS 3:4

Kélyetsetmeyk agkok xa, kólyekpelchágwók sat sekya'ásegkoho ko'o m'a amya'a ekpowásamáxkoho eñama nak Cristo.

2 CORINTIOS 6:10

Máxa eykhe entemék sẽllapwámeykegko enxoho negko'o, wánxa agkok, akke kamassegweykmók ekpayheykekxa egwáxok. Máxa eykhe nentemék ma'a meyke aksok egagkok enxoho, wánxa agkok nenxamásesegkek eyke aksok eleñama Dios ma'a apyókxoho énxet; máxa eykhe entemék negko'o méko enxoho aksok egagkok, xámok eyke negko'o m'a aksok eleñama nak Dios.

1 TIMOTEO 3:6

Ekeso eñamakxa megkapayhawo nak etnehek énxet apxegkeso kélakneykekxexa m'a kaxwé apyakmagkaso nak apwáxok, hakte kayeykhágwomhok katnehek eyeymáxkoho apwáxok, keñe kaxhok apsexnánemap ma'a ektahakxa axta eksexnánémaxche kelyekhama'.

SAN MATEO 13:51

Aptahak axta apkelmaxneyeyncha'a Jesús se'e: —¿Kélya'ásegkoya kéxegke ekyókxoho xa? —Ehay, —axta aptahak apkelátegmowágko xa énxet'ák nak.

SAN MATEO 13:53

Xama axta apsawha apkeltenneykha Jesús xa aksok apyetcháseykekxoho nak, apxegkek axta,

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.