SAN MATEO 13:46 - Lengua Sur (Enxet) Nuevo Testamento

⁴⁶ apwet'ak agkok xama ekmomnáwa agko' la'a, keñe etakhekxa', ekxeykxak ma'a ekyókxoho aksok apagkok ekyetnakxa enxoho, keñe emok ma'a lamom ekmomnáwa nak.

SAN MATEO 13:46 Referans Kwoze

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

COLOSENSES 2:3

Cristo apteme ekyetnamakxa m'a ekyókxoho ektémakxa nak negya'ásegwayam tén han ma'a negyekpelchágwayam nak.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

SAN MATEO 13:44

“Máxa aksok ekmomnáwa ekpowásamáxkoho xama yókxexma m'a aptémakxa nak Wese' apwányam Dios. Enxet ektahakxa enxoho apweteykekxa xa aksok ekmomnáwa nak, keñe ekpowásekxak makham ma'a apwetakxa exchek; yetlo ekyawe ekpayheykekxa apwáxok exog, keñe ekxeykxak ma'a ekyókxoho aksok apagkok ekyetnakxa enxoho, keñe emok ma'a yókxexma nak.

APOCALIPSIS 21:21

Doce aksok elyakye ekhó lamom axta m'a doce átog nak, xama aksok ekyakye ekhó lamom axta cha'a elánamáxche xama átog, sawo ekyátekto elyenma agko' axta nahan ma'a ámay nepyeseksa xa tegma apwányam nak, máxa axta m'a sokpeysyamla'a elyenma.

GÁLATAS 6:14

Ko'o nak se'e, momenyék keyxkohok sekpeywa axének xama aksok enxoho, wánxa keyxkohok sekpeywa axének ma'a apketsapma axta Cristo néten aksok ektegyéso; máxa ektemésesók ko'o ekmassegweykmo enxoho ektémakxa nak aksok keso náxop, máxa nahan ektemék ko'o xa sekmassegweykmo enxoho magwanmexmo m'a ektémakxa nak keso náxop, eñama m'a apketsapma axta Cristo néten aksok ektegyéso.

SAN MATEO 13:45

“Máxa énxet aptegyeykhal'a lamom ekmomnáwa m'a aptémakxa nak Wese' apwányam Dios;

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.

APOCALIPSIS 18:12

cham'a sawo ekyátekto elyenma elmomnáwa nak, tén han ma'a sawo ekmopé elyenma elmomnáwal'a, tén han ma'a meteymog eltakmalma nak, tén han ma'a aksok elmomnáwa elánamáxkohol'a lamom, tén han ma'a apáwa apkexyawáyol'a, tén han ma'a apáwa apkeláxñeyol'a, tén han ma'a apáwa hómáyok apmomnáwal'a, tén han ma'a apyexwasél'a; tén han ma'a ekyókxoho ektémakxa nak yámet ekmátsa ekpakneyam; tén han ma'a ekyókxoho aksok kélmeykencha'awol'a elánamáxche yannapóxeg apma'ák, tén han ma'a elánamáxchel'a yámet ektakmalma, tén han ma'a elánamáxchel'a sawo ekyentaxno ekyexwasél'a, tén han ma'a elánamáxchel'a sawo ekyentaxno, tén han ma'a elánamáxchel'a meteymog elyawe eltakmalmal'a.