SAN MATEO 13:44 - Lengua Sur (Enxet) Nuevo Testamento

⁴⁴ “Máxa aksok ekmomnáwa ekpowásamáxkoho xama yókxexma m'a aptémakxa nak Wese' apwányam Dios. Enxet ektahakxa enxoho apweteykekxa xa aksok ekmomnáwa nak, keñe ekpowásekxak makham ma'a apwetakxa exchek; yetlo ekyawe ekpayheykekxa apwáxok exog, keñe ekxeykxak ma'a ekyókxoho aksok apagkok ekyetnakxa enxoho, keñe emok ma'a yókxexma nak.

SAN MATEO 13:44 Referans Kwoze

COLOSENSES 2:3

Cristo apteme ekyetnamakxa m'a ekyókxoho ektémakxa nak negya'ásegwayam tén han ma'a negyekpelchágwayam nak.

SAN LUCAS 14:33

Sat agkok kólchexeyk kéxegke ekyókxoho aksok kélagkok ekyetnakxa enxoho, megkólwanchek kóltehek seltámeséyak.

SAN MATEO 6:21

Hakte, kaxénmakha cha'a kélwáxok ma'a ekhágkaxa enxoho ekxámokma aksok kélagkok.

SAN MATEO 19:29

Kéxegke ektahakxa enxoho kélyamasma kélxagkok, kélyepma, kélyáxa, kélyepmeyk, kélchána, kélketchek, xóp kélagkok esenhan, eñama selyetlo ko'o, kayeykhágwomhok sat kélxawé aksok, kólxawak sat nahan ekyennakte kélnenya'ák megkatnegwayam enéxa.

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.

SAN MATEO 19:27

Aptahak axta apcháneya Pedro s'e: —Negkexakkek axta negko'o ekyókxoho aksok egagkok, keñe negyetlawa exchep. ¿Yaksak sat anxawak negko'o?

SAN MATEO 19:21

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

ROMANOS 15:4

Naktáxesamaxchék axta yakwayam henxekmósek negko'o m'a ekyókxoho amya'a ekyetnama axta eknaktáxésamaxche nano' agko', yakwayam enxoho keytek negko'o nelhaxneykha eñama m'a magyenseyam tén han ekpayheykekxa egwáxok segméso nak eknaktáxésamaxche.

SAN MATEO 13:24

Apkeltennáha axta makham Jesús mók apyetcháseykekxoho. Aptahak axta s'e: “Máxa énxet apkeneykekxa axta aktek ektakmela namyep apagkok ma'a aptémakxa nak Wese' apwányam Dios;

HEBREOS 10:34

Apyósekak axta kéllanyo kéxegke m'a énxet'ák apheykha axta sẽlpextétamakxa, yetlo ekpayheykekxa kélwáxok axta anhan kél'awók kélyementama aksok kélagkok, hakte kélya'ásegkok kéxegke ekyetna aksok ektakmela agko' ma'a néten, ektaha nak han megkamassegwayam.

SAN JUAN 6:35

Aptahak axta apkeláneya Jesús se'e: —Ko'o sekteme pan apyennaktésamo nak apnenyek énxet, kéxegke ektahakxa enxoho sey'eykekta' ko'o, megkakhekxék sat cha'a meyk, keñe m'a ektahakxa enxoho mehey'áseyam ko'o, megkakhekxék sat cha'a ekhem.

COLOSENSES 3:16

Keytek sat cha'a kélwáxok kéxegke ekyókxoho amya'a eñama nak Cristo. Kólxekmós cha'a kélnámokkok, kólwaskakkásekxoho nahan cha'a kélnámokkok yetlo kélmeykha m'a ekyókxoho ektémakxa nak kélya'ásegwayam. Kólmeneykmes negmeneykmaso eñama nak salmos, tén han ma'a negmeneykmaso nak, tén han ma'a negmeneykmaso aptekkeso nak egwáxok Espíritu apkeñama nak Dios, yetlo kélméso ekxeyenma kélwáxok Dios.

SAN MATEO 13:46

apwet'ak agkok xama ekmomnáwa agko' la'a, keñe etakhekxa', ekxeykxak ma'a ekyókxoho aksok apagkok ekyetnakxa enxoho, keñe emok ma'a lamom ekmomnáwa nak.

SAN MATEO 13:47

“Máxa nahan yám'én kélyamasma kañe' wátsam ekwányam ma'a aptémakxa nak Wese' apwányam Dios, keñe kalmok ekyókxoho ektémakxa kelasma.