SAN MATEO 13:37 - Lengua Sur (Enxet) Nuevo Testamento

³⁷ Aptahak axta apchátegmowágko Jesús se'e: “Enxet apkeneykekxa nak aksok aktek ektakmela, cham'a aptaha nak Apketche énxet ma'a,

SAN MATEO 13:37 Referans Kwoze

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN MATEO 13:41

Eláphaksek sat apkelásenneykha m'a aptaha nak Apketche énxet yakwayam enxoho eyekhekxak ma'a énxet'ák apkeláneso nak melya'asáxma apnámokkok, tén han ma'a apkeláneyak nak apkeltémakxa ekmaso, cham'a appáxakxama nak Dios énxet'ák apagkok.

ROMANOS 15:18

hakte magwakye' cha'a ko'o axének ma'a aksok apkeláneya nak Cristo eñama ko'o, yakwayam enxoho atnesásekxak apkelyaheykekxoho Dios énxet'ák metnaha nak judíos. Cháxa elánéxko axta xa, cham'a seltenneyncha'a axta ko'o, tén han eñama m'a aksok selané axta,

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 13:20

Enxet ektahakxa enxoho apchápeykha m'a ektahakxa enxoho seyáphaso ko'o, heyahapmakha nahan ko'o xa; keñe m'a énxet ektahakxa enxoho seyápeykha ko'o, yáhapmakha nahan ma'a ektaha nak seyáphaso ko'o.

SAN MATEO 13:27

Apkeltennáseykxeyk axta wese' apagkok ma'a énxet'ák ektaha axta apkeltamheykha. Aptahak axta apcháneya s'e: ‘Wese', ¿táseya axta m'a aksok aktek apkenákxo axta exchep namyep apagkok? ¿Háxko eñamakxa m'a menóke ektepa nak ma'a?’

SAN MATEO 13:24

Apkeltennáha axta makham Jesús mók apyetcháseykekxoho. Aptahak axta s'e: “Máxa énxet apkeneykekxa axta aktek ektakmela namyep apagkok ma'a aptémakxa nak Wese' apwányam Dios;

SAN MATEO 10:40

“Enxet ektahakxa enxoho apma takha' kéxegke, hemok nahan ko'o xa takha'; keñe m'a ektahakxa enxoho sema takha' ko'o, emok takha' m'a aptaha nak seyáphaso ko'o.

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

HEBREOS 1:1

Xámok axta ektémakxa apkelpakhetcheso Dios ẽlyepmeyk nano', cham'a nano' axta, eñama apkeltenneykha m'a énxet'ák apkellegaso axta Dios appeywa.

SAN MATEO 13:4

Appalcheságkek axta aktek, nekha aktek axta pálwokmok ámay awáxok, keñe axta ekpálwa'a náta ektókagko.