SAN MATEO 13:30 - Lengua Sur (Enxet) Nuevo Testamento

³⁰ Tásek óghok aksa kaktegagkohok xamo' ekwokmoho m'a nennakxamakxal'a apyexna hótahap; keñe sat ko'o aláphaksek ma'a énxet'ák apnakxamol'a hótahap apyexna yakwayam enxoho yánchesekxak sekxo' amonye m'a menóke, tén han enaktétek ma'a nennaktetmol'a yakwayam enxoho ewatnekxa', keñe ekxakhagwók hótahap ma'a tegma sekxátamakxal'a cha'a.’ ”

SAN MATEO 13:30 Referans Kwoze

SAN MATEO 3:12

Apsókmók nahan pála apagkok ma'a, yaxñásesek sat hótahap, elyetnakhaksek sat ma'a pa'at apák nak. Exatmok sat hótahap apagkok ma'a tegma kéltakmelchesamakxal'a, sat eyke elwatnegwakxak pa'at apák ma'a megkaspóneykxa nak táxa.”

1 TIMOTEO 5:24

Tásek cha'a katnehek ekwetamaxche ektémakxa melya'asáxma nápakha énxet'ák amonye enxoho apkelmaheyak ma'a yakwánxa enxoho kóltehek kélyekpelchémo, axayók sat eyke kataxchek ektémakxa melya'asáxma m'a pók énxet'ák nak.

1 CORINTIOS 4:5

Nágkólteme aksa kélyekpelchémo kélmók kéxegke amonye ekwayam ekhem nelyekpelchamáxchexa; kólleyx ewata' Wese' egegkok, kólleyx nahan enegkenekxak neyseksa elseyexma m'a aksok ekhágko nak neyseksa ekyaktesakxaxma, kólleyx nahan elyekpelchásesók kéxegke ektémakxa nak ekmámenyého kalának egwáxok. Keñe sat egkések ekpayheykekxa apwáxok Dios apyókxoho énxet ekpayhawo nak exkak xa.

SAN JUAN 15:6

Enxet ektahakxa enxoho mehepetcheyo ko'o kóltekkesek sat, máxa sat etnehek ma'a yámet aktog ekyamayel'a, cham'a kéláncheseykekxohol'a keñe kólchexak neyseksa táxa.

SAN MATEO 25:32

Yaknekxak sat apyókxoho pók aptémakxa énxet aphakxa. Yexpánchesek sat énxet aptémol'a apkeláneykha nekkések yexpánchesek nekkések apkelpaxkamap yát'ay.

SAN LUCAS 3:17

Apsókmók nahan hópóma apophék apagkok yakwayam yaxñásesek hótahap apaktek keñe elyetnakhaksek ma'a pa'at apák. Exátawakxak sat hótahap apaktek ma'a kélxátamakxal'a, wánxa agkok elwatnekxak sat eyke m'a pa'at apák nak, cham'a yakwánxa sat megkaspónak táxa.”

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

SAN MATEO 13:25

xama axta eknakténéxko, apwokmek axta énxet aptaha apkenmexma, apkenákxeyk axta menóke nepyeseksa hótahap, keñe axta apxega.

SAN MATEO 13:29

Wánxa agkok, aptahak axta apkeláneya wese' apagkok se'e: ‘Ma', hakte kélapteyk agkok ma'a menóke nak, kólaptohok nahan ma'a hótahap.