SAN MATEO 13:3 - Lengua Sur (Enxet) Nuevo Testamento

³ Apkeltennáseyha axta ekxámokma amya'a apyetcháseykekxoho. Aptahak axta apkeláneya s'e: “Apxegkek axta énxet yakwayam epalchesagkok eknekxak aktek.

SAN MATEO 13:3 Referans Kwoze

SAN MARCOS 4:13

Ektahak ko'o seláneya kéxegke s'e: “¿Yagkólyekpelchak kéxegke s'e aksok sekyetcháseykekxoho nak? ¿Háxko nahan katnehek kólya'ásegwomhok ekyókxoho m'a aksok sekyetcháseykekxoho nak?

SAN MARCOS 4:33

Cháxa ektahakxa axta apkeltennáseykha énxet'ák Jesús apkelxekmósa m'a amya'a apagkok nak, aptahak axta cha'a apyetcháseykekxoho xa ektaha nak, cham'a apkelya'ásegkaxa axta cha'a xa énxet'ák nak.

SAN MATEO 13:53

Xama axta apsawha apkeltenneykha Jesús xa aksok apyetcháseykekxoho nak, apxegkek axta,

SAN MARCOS 12:12

Apmokók axta eykhe emok Jesús xa énxet'ák nak, hakte apyekpelchawók axta apyetcháseykxoho aksok Jesús apxéna xa énxet'ák nak. Wánxa agkok, apyenyókek axta eyke aksa, hakte énxet'ák axta apkelakak, apkeltakhákxeyk axta.

SAN JUAN 16:25

“Eltennásek xeyk kéxegke xa, cham'a sekyetcháseykxoho exchek cha'a, kammok sat eyke ekhem yakwánxa sat maltennasha kéxegke m'a sekyetcháseykekxoho nak, apeykeseshok sat seltennaso m'a aptémakxa nak Táta.

SAN LUCAS 12:41

Aptahak axta apkelmaxneyeyncha'a Pedro s'e: —Wese', ¿negko'oya aksa ẽltennáseyha xa aksok apyetcháseykekxoho nak, apyókxoho énxet enxeykel'a?

SAN LUCAS 8:10

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios, wánxa agkok, aksok sekyetcháseykekxoho eyke eltennáseyha m'a pók énxet'ák nak, yakwayam enxoho elano', melwetyehek eyke, yakwayam enxoho nahan ellegak, melyekpelchehek eyke.

SAN MARCOS 12:1

Apchénawók axta apkeltennáseykha Jesús aksok apyetcháseykekxoho. Aptahak axta apkeláneya s'e: “Apkenákxeyk axta anmen yámet xama énxet, aphaxtegkesek axta anhan; apkelanak axta anhan apkelyakhapmakxa anmen yámet ekyexna, apkelanak axta anhan tegma netno' yakwayam enxoho elanha, keñe axta apmasásencha'a xóp apagkok ma'a énxet'ák ekha axta apkeltamheykha yakwayam etakmelchesek, keñe axta apxega mók nekha.

SAN MARCOS 3:23

Apkelwóneyha axta Jesús xa énxet'ák nak, keñe axta aptaha apkeltenneyncha'a apyetcháseykekxoho s'e: “¿Háxko katnehek katekkesaxkohok agko' ma'a Satanás?

SAN MATEO 24:32

“Kólya'asagkoho kéxegke ektémakxa nak senxekmóso yámet ekwesey nak higo: Keltásek agkok naw'ék aktegák yámet ekwesey nak higo, keñe katyapok áwa', keñe kólya'asagkohok kéxegke eyágketwokmo m'a ekméxanmakxal'a.

SAN MATEO 22:1

Apkeltennáseyha axta makham Jesús énxet'ák aksok apyetcháseykekxoho. Aptahak axta apkeláneya s'e:

SAN MATEO 13:4

Appalcheságkek axta aktek, nekha aktek axta pálwokmok ámay awáxok, keñe axta ekpálwa'a náta ektókagko.