SAN MATEO 13:23 - Lengua Sur (Enxet) Nuevo Testamento

²³ Aktek ekpálwayam nak ektakmelakxa xóp ekteme ekyetchesamaxkoho m'a énxet apkellegé nak amya'a kéllegaso, ey'asagkohok nahan ektémakxa, tásek nahan katnehek ekteyapma apkelyakmagkaso axnagkok apkeltémakxa, ekhawo m'a aksok eknakxamáxchel'a ekyexna. Exnágwakxohok ma'a hótahap apyexna ekteyapmol'a cien apaktek, esenhan ma'a ekteyapmol'a sesenta apaktek, esenhan ma'a ekteyapmol'a treinta apaktek.”

SAN MATEO 13:23 Referans Kwoze

FILIPENSES 1:11

Kalánhok sat kélwáxok kéxegke kéltémakxa ektakmela eñama apméso m'a Jesucristo, yakwayam enxoho kóltehek kéláyo Dios, tén han kóltemésesek apcheymákpoho.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

SAN MATEO 12:33

“Tásek agkok yámet, tásek katnehek ma'a ekyexna; asagkók agkok yámet, asagkek katnehek ma'a ekyexna; ekyexna cha'a kañék kélyekpelchémo yámet.

SAN MATEO 13:8

Wánxa agkok, pálwokmek axta nekha aktek ektakmelakxa xóp, tekkesek axta anhan ektakmela eknakxamáxche ekyexna m'a; cien aktek axta cha'a wokmok xama ekyexna, keñe axta mók ekyexna ekwokmo cha'a setenta aktek, keñe mók ekyexna ekwokmo cha'a treinta aktek.

COLOSENSES 1:6

Payhekxeyk nahan kaxwo' ekyókxoho yókxexma xa amya'a kéltennáseykencha'a axta kéxegke, tekkesesek nahan aksok eltakmela eleñama néten énxet'ák, ekhawo ektahakxa axta anhan kélnepyeseksa kéxegkáxa, cham'a sekxo' axta kélleg'a kéxegke ektémakxa segásekhayo Dios, cham'a kélya'ásegwokmo axta nahan ektaha ekmámnaksoho m'a ektémakxa nak segásekhayo Dios.

SAN MATEO 3:8

Kólteme ektakmela kéltémakxa yakwayam enxoho kataxchek eyámnaksoho kélyakmagkaso kélwáxók.

SAN LUCAS 13:9

Lapmaxchek sat keyxek sektemésesa enxoho xa, sat agkok keyxnak, keñe sat eyaktének.’ ”

1 SAN JUAN 5:20

Negya'ásegkok nahan negko'o m'a apwaya axta Dios Apketche, tén han segmésama negya'ásegwayam yakwayam agyekpelkohok ma'a Dios aptaha nak apmámnaksoho. Negyepetcheyók negko'o m'a aptaha nak apmámnaksoho, cham'a Jesucristo aptaha nak Dios Apketche. Cháxa Dios aptaha nak apmámnaksoho xa, aptaha nak han eñamakxa ekyennakte egnenyek megkatnegwayam enéxa.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

COLOSENSES 1:10

yakwayam enxoho kólewának kóltehek ma'a eyéméxchexa nak etnahagkok Wese' egegkok énxet'ák apagkok, kóllának cha'a m'a ekleklamókxa nak apwáxok antehek Wese' egegkok, tén han kóltehek ma'a ekyókxoho nentémakxa ektakmela nak, tén han kólyekpelchágwomhok agko' ma'a Dios.

HEBREOS 8:10

Sat katnehek seláneso ekhémo mók nelpakhetchásamáxkoho énxet'ák Israel se'e, cham'a natámen sat xa. Aptahak axta Wese' egegkok apxéna s'e: apekkenchesek sat ko'o apwáxok seltémókxa etnahagkok xa énxet'ák nak, atáxésesek sat nahan apwáxok. Ko'o sat atnehek Dios apagkok xa énxet'ák nak, keñe sat etnahagkok énxet'ák ahagkok xa énxet'ák nak.

HEBREOS 4:2

Hakte ẽllegasegkek axta nahan negko'oxa xa amya'a ektakmela nak, ekhawo ektémakxa axta kéllagaso xa énxet'ák nak; wánxa agkok chakho' axta eyke kéllegasama amya'a xa énxet'ák nak, hakte axta etnék melya'áseyam nepyeseksa m'a énxet'ák apkelyaheykekxoho axta xa amya'a nak.

2 TESALONICENSES 2:10

Emha sat nahan ma'a ekyókxoho ektémakxa nak ekmaso nentémakxa yakwayam enxoho elyexanchesha énxet'ák peya nak elmahagkok sẽlmasésamakxa, hakte mopmenyék axta emok takha m'a amya'a ekmámnaksoho nak, mopmenyék axta nahan yásekhohok, yakwayam eykhe exkak apkelwagkásamap teyp.

1 TESALONICENSES 4:1

Elyáxeg, neltennásek negko'o kéxegke yetlo nenxeyenma apwesey Wese' egegkok Jesús neltamho kóllenxanmohok kéllané m'a nentahakxa axta nelxekmóso kéxegke, yakwayam enxoho kalkohok apwáxok Dios kéltahakxa (ekhawo xa kéltahakxa nak).

FILIPENSES 4:17

Akke ko'o kaxéneykha ewáxok ma'a nenxawé naksa nak aksok, kéxegke eyke emenyék ko'o kólyánchesagkohok ma'a kéltémakxa ektakmela nak nápakto' Dios.

2 CORINTIOS 9:10

Dios sat egkések kéxegke ekyókxoho aksok yakwayam kólchenekxak, ewánegkesesek sat nahan, etekkesesek sat nahan ekyawe ekyakmageykekxa eñama xa megkólmeyagweykekxa aksok kélagkok nak, cham'a Dios segmésamol'a cha'a aktek yakwayam agkenekxak, tén han ma'a aksok nentamol'a cha'a.

LOS HECHOS 17:11

Cháxa énxet'ák judíos aptaha axta eltakmela apwáxók xa, axta kaxnók ma'a énxet'ák apheykha nak tegma apwányam Tesalónica, ñohok axta apkelma amya'a eñama nak Dios yetlo ekmayheykegkoho apwáxók. Yókxoho ekhem axta anhan cha'a apkeltámesamap ma'a ektémakxa nak eknaktáxésamaxche yakwayam enxoho elwetak ektaha kexaha nakso' ma'a ektémakxa axta amya'a kéllegaso.

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

SAN JUAN 8:47

Enxet ektahakxa enxoho Dios énxet apagkok, yeyxhok ma'a amya'a eñama nak Dios, háwe eyke kéxegke Dios énxet'ák apagkok, ékeso eñamakxa megkólmoko nak kóleyxho Dios appeywa.

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

SAN MARCOS 10:15

Agkok exneyásékpohok sakcha'a énxet apma enxoho takha' m'a aptémakxa nak Wese' apwányam Dios, mopwanchek etaxnegwók ma'a.

SAN MARCOS 4:20

Yetneyk nahan nápakha énxet apkellegé nak amya'a kéllegaso, elyahakxohok nahan, tásek nahan katnehek ekteyapma apkelyakmagkaso apkeltémakxa ekhawo m'a aksok aktek kélcheneykekxa nak ektakmelakxa xóp. Nápakha nahan aphawók ma'a hótahap apyexna ekteyapmol'a treinta apaktek, keñe nápakha aphawo m'a hótahap apyexna ekteyapmol'a sesenta apaktek, keñe nápakha aphawo m'a hótahap apyexna ekteyapmol'a cien apaktek.”

SAN MATEO 3:10

Kélpekkenwokmek kaxwo' póte m'a yámet awhak nak, yakwayam kayakténnaxchek kepmenák. Ekyókxoho yámet ekmaso nak ekyexna, kayakténaxkohok cha'a, neyseksa táxa nahan kólchexa'.

HEBREOS 6:7

Enxet'ák apkelxawéyak nak aksok eltakmela eleñama Dios apteme apkelyetchesamakpoho m'a xóp ekyamol'a mámeye ekpálweykta, cham'a ekmésamol'a ektakmela apnakxo aksok ekyexna m'a énxet'ák ektaha nak apkeltamheykha.

SAN LUCAS 8:8

Wánxa agkok, pálwokmek axta nekha aktek ektakmelakxa xóp; kektegkek axta anhan, tekkesek axta anhan ektakmela eknakxamáxche ekyexna m'a, cien aktek axta cha'a wokmok xama ekyexna.” Cháxa apxéna axta Jesús xa, keñe axta anhan aptaha apyennaktésawo appeywa s'e: “¡Kéxegke ekha nak kélheyk'ák, kóleyxho!”