SAN MATEO 13:17 - Lengua Sur (Enxet) Nuevo Testamento

¹⁷ Apxámok axta énxet'ák Dios appeywa apkellegaso, tén han ma'a énxet'ák eltakmela nak apkeltémakxa apmopmenyého elwetak se'e kélwet'a nak kéxegke, axta eyke elweteyk; apmenyék axta eykhe ellegak xa kélleg'awo nak kéxegke, axta eyke ellegeyk. Nakso' xa sektahakxa nak seláneya kéxegke.

SAN MATEO 13:17 Referans Kwoze

SAN JUAN 8:56

Payhekxeyk axta apwáxok Abraham kélyap nano' kéxegke hakte peyk axta etagkohok yakwánxa katnehek sekwé ko'o keso náxop; apwet'ak axta, awanhek axta anhan ekpayheykekxa apwáxok.

HEBREOS 11:13

Apsawhomakpók axta apkeletsapma xa énxet'ák nak neyseksa melxaweyák ma'a aksok apxeyenma axta egkések Dios; nano' axta eyke apkelya'áseyak ekmáheyo katnehek ma'a ektémakxa axta appekkencháseykekxa appeywa Dios eñama m'a melya'áseyam axta, leklamók axta apwáxók xa, apkelyekpelchágweykmoho apancha'awo' axta aptamheykegkok aptaha apkelwé yakwatakxoho keso náxop, megkatnahakxa nak apkeleñémekxa.

SAN LUCAS 10:24

hakte eltennásek ko'o kéxegke apxámokma axta eykhe énxet'ák Dios appeywa apkellegaso apkeltémo étak xa kélwet'a nak kéxegke tén han ma'a kelwese'e apkelwányam nak, axta eyke elweteyk; apmenyék axta eykhe eñak xa kélleg'a nak kéxegke, axta eyke ellegeyk.”

SAN LUCAS 10:23

Appeynchakpók axta Jesús apkelano apkeltámeséyak. Aptahak axta apkeláneya apxakcha'awók se'e: “Apkeleñémo énxet'ák apkelweté nak xa kélwet'a nak kéxegke;