SAN MATEO 13:15 - Lengua Sur (Enxet) Nuevo Testamento

¹⁵ Hakte kalyeha'ak apwáxók xa énxet'ák nak, apkelapmeyk nahan apeyk'ák, apnaktenchesegkek nahan apakta'ák, yakwayam enxoho melwetyehe' tén han melegye', tén han melyekpelchágwome', yakwayam enxoho metnekxék mehey'áseyam ko'o, keñe ko'o mamasésesek ma'a ektamheykegkaxa nak.’

SAN MATEO 13:15 Referans Kwoze

SAN MARCOS 4:12

yakwayam enxoho elano', melwetyehek eyke, yakwayam enxoho anhan ellega', melyekpelchehek eyke, yakwayam enxoho nahan metnekxék melya'áseyam Dios, keñe eyakmagkásekxak Dios ma'a apkeltémakxa nak.”

HEBREOS 5:11

Xámok eykhe makham yakwayam anxének xa amya'a nak, askehek eyke óltennásekxohok egnámokkok ektémakxa xa, hakte yehémek cha'a kólya'asagkohok kéxegke ektémakxa.

2 TIMOTEO 4:4

Kamaskok sat yeyxhok ma'a amya'a ekmámnaksoho nak, wánxa sat yeyxhok ma'a ekyókxoho ektémakxa nak amya'a kéltenneykha naksal'a.

LOS HECHOS 7:57

Apkelapchek axta eyke apeyk'ák apyókxoho xa énxet'ák nak, apkelpáxamáha axta apyókxoho apwakhegwokmo Esteban.

APOCALIPSIS 22:2

kenyeyk axta yegmen ámay nepyeseksa tegma apwányam. Kenmeyk axta yámet ekyennaktésamo egnenyek neyáwa wátsam ektakmalma, kenmeyk axta nahan mók ma'a mók nekha wátsam, yókxoho pelten axta nahan cha'a katnehek ekyexno xa yámet nak, doce axta cha'a katnehek ekyexneykekxa xama apyeyam, kaltakmelchesamhok axta cha'a apyókxoho énxet'ák apheykha náxop áwa' xa yámet nak.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

SAN LUCAS 19:42

Aptahak axta s'e: “¡Awanhek ko'o seltémo kólyekpelchágwók aksok ekmowána nak kagkések meyke ektahakxa kélwáxok keso kaxwo' nak! Megkólwanchek eyke kólwetak kaxwo' kéxegke xa, hakte powásexko'.

LOS HECHOS 28:27

hakte kalyeha'ak apwáxók xa énxet'ák nak, apkelapmeyk nahan apeyk'ák, apnaktenchesegkek nahan apakta'ák yakwayam enxoho melwetyehek, tén han melegye', tén han melyekpelchágwome'; yakwayam enxoho metnekxék mehey'áseyam ko'o, keñe ko'o mamasésesek ma'a ektamheykegkaxa nak.’