SAN MATEO 13:12 - Lengua Sur (Enxet) Nuevo Testamento

¹² Kéxegke ekyetnakxa enxoho aksok, kólmeyásekxohok sat makham mók, kayeykhágwomok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN MATEO 13:12 Referans Kwoze

SAN MATEO 25:29

Hakte kéxegke ekyetnakxa enxoho aksok, kólmeyásekxohok sat makham mók, kayeykhágwomhok sat nahan; keñe kéxegke meyke nak aksok, kóltápexcháseshok sat kólyementemekxak ma'a ekyetnakxa enxoho, antawók eykhe katnehek.

SAN LUCAS 8:18

“Kóltakmelchesho nahan kélháxenmo s'e, hakte kéxegke ekyetnakxa enxoho aksok, kólmeyásekxohok sat makham mók, keñe kéxegke meyke nak aksok, kóltápexcháseshok sat kólyementemekxak ma'a aksok kélanagkama nak keytnak kéxegke.”

APOCALIPSIS 2:5

Kaxénwakxoho apwáxok xép aptémakxa axta sekxo' metyekemxa axta, ey'ókxa makham Dios, elána makham ma'a apkeláneya axta sekxo' agko'. Sat agkok etnahak xa, kaxwo' sat ay'óta' yakwayam ataknawagwata', tén han alyementagwatak xép ma'a chálewaso ekheykegkaxa nak, cham'a mey'aweykxo enxoho exchep Dios.

SAN LUCAS 16:25

Aptahak axta apchátegmowágko Abraham se'e: ‘Hatte, kaxénwakxoho apwáxok ektakmelmo axta apha exchep apyennaktamakxa axta, keñe axta Lázaro aplegeykegkoho ekmaso agko'. Apxakak kaxwo' Lázaro ekpayheykekxa apwáxok, keñe exchep aplegágkoho xa.

SAN MATEO 21:43

Ekeso eñamakxa seltennasa nak kéxegke peya kólwatésesek kélteme kélpáxakxo m'a aptémakxa nak Wese' apwányam Dios, keñe sat exkekxak ma'a énxet'ák aptekkesamo nak ekyexna apkelhaxanma nak Dios.

SAN LUCAS 16:2

Apwóneyha axta wese' apagkok xa apkemha apmonye apkeláneykha nak. Aptahak axta apcháneya s'e: ‘¿Yaksak aksok apkeláneya sekleg'a axta amya'a apxénákpo exchep? Hexekmos ko'o weykcha'áhak ektémakxa axta aptamheykha, hakte kamaskok sat aptaha apkemha apmonye ahagkok xép.

SAN LUCAS 10:42

Xama aksok akke aksa exche' payhawók kalána'. Akke kelyésáha María m'a ektakmelakxa nak. Méko nahan kawának keymentók.

SAN LUCAS 9:26

Agkok exénak énxet aptaha sétleykha ko'o, tén han meltenneyncha'a enxoho m'a amya'a ahagkok, mexének sat nahan apwesey m'a aptaha nak Apketche énxet, cham'a apwakto sat yetlo apcheymákpoho, tén han apcheymákpoho m'a Apyap, tén han yetlo m'a apkelásenneykha apkelpagkanamap nak.

SAN MARCOS 12:9

“¿Háxko ektahakxa ekxeyenma kélwáxok kéxegke yakwánxa etnésesek ektaha nak apagkok anmen yámet kélcheneykekxa xa énxet'ák nak? Ey'ótak sat, ennahapwatak sat xa énxet'ák apkeltamheykha nak, keñe sat egkeyásekxak pók énxet'ák apkeltamheykha m'a anmen yámet kélcheneykekxa nak.

SAN LUCAS 12:48

Wánxa agkok, asextók sat eyke katnehek kéllegasáseykegkoho wese' apkeláneykha apkelané nak aksok neyseksa mey'áseyak, cham'a ekpayhawo neykhe kóllegásesagkohok. Enxet apxawé nak ekyawe apya'áseyak, awanhek sat nahan katnehek kéltémo etneykha; énxet kélásennagko nak yakwayam etneykha, kólyateyagkohok kélagko' sat nahan kólának eyanchesagkohok ma'a aptamheykha.

SANTIAGO 4:6

Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”