SAN MATEO 13:11 - Lengua Sur (Enxet) Nuevo Testamento

¹¹ Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; akke elya'asásegwokmok xa énxet'ák nak.

SAN MATEO 13:11 Referans Kwoze

1 CORINTIOS 2:14

Enxet meyke nak apwáxok Espíritu megkamhek apwáxok aksok eleñama nak ma'a Espíritu apkeñama nak Dios, hakte ekyéháxma yána'. Mopwanchek nahan ey'ásegwomho', hakte Espíritu aksa cha'a etnehek apyekpelchémo xa.

SAN MATEO 19:11

Aptahak axta apchátegmowágko Jesús se'e: —Háwe apyókxoho énxet apmopwána ey'asagkohok se'e, wánxa m'a ektahakxa enxoho apméso Dios yakwayam ey'asagkoho'.

SANTIAGO 1:5

Yetneyk agkok kélxama kéxegke ekmasextoho nak apya'ásegwayam, kólmaxnéses Dios, Dios sat egkések ma'a apya'ásegwayam eyéméxchexa nak, hakte hegméshok cha'a Dios nenxámokxoho xa negya'ásegwayam nak meyke apmeyagweykekxa, mehenxénchásekxók nahan cha'a nentémakxa.

1 SAN JUAN 2:27

Wánxa agkok, apyetneyk eyke kéxegke Espíritu Santo apkelmeyáseyak axta Jesucristo, megkeyméxchek kólamenyého elxekmósek xama énxet enxoho, hakte Espíritu Santo cha'a elxekmósek kéxegke ekyókxoho aksok, ekmámnaksoho nahan ektémakxa nak sẽlxekmóso, háwe ekmowána amya'a. Nágkólyensem kélteme kélyepetcheyo Cristo, ekhawo m'a ektahakxa enxoho apkelxekmóso Espíritu.

1 SAN JUAN 2:20

Apmések axta kéxegke Cristo Espíritu Santo, kélyókxoho nahan yetnak kélya'ásegwayam kéxegke.

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

EFESIOS 1:9

Egya'asásegwokmek axta anhan ma'a ektémakxa nak apmopmenyého elána' ektaha nak ekpowásamáxkoho, cham'a apkeláneykekxa apagko' axta apmáheyo elána'.

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

SAN LUCAS 8:10

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios, wánxa agkok, aksok sekyetcháseykekxoho eyke eltennáseyha m'a pók énxet'ák nak, yakwayam enxoho elano', melwetyehek eyke, yakwayam enxoho nahan ellegak, melyekpelchehek eyke.

1 CORINTIOS 15:51

Wánxa agkok, emenyék eyke ko'o kólya'ásegwomhok kéxegke aksok ekpowásamáxkoho apmáheyo nak elának Dios. Mansawhaxkok sat agmaskok, hẽlyakmagkasesek sat aksa ektémakxa negyókxa negyókxoho nak,

1 CORINTIOS 2:7

Akke nenxénak negko'o m'a negya'ásegwayam ekpowásamáxkoho eñama nak Dios, cháxa appósamo axta Dios apkepmenyého elának xa, eyeynamókxa m'a amonye apkelané axta keso náxop, yakwayam enxoho hegwatámhok negko'o m'a ektémakxa nak apcheymákpoho.

SAN JUAN 6:65

Aptahak axta makham appeywa Jesús se'e: —Ekeso eñamakxa sektaha axta seláneya kéxegke, mopwanchek hey'ótak ko'o énxet mehentegkásento enxoho Táta.

1 TIMOTEO 3:9

kéméxchek etnehek ma'a meyenseyam nak amya'a ekmámnaksoho sẽlxekmósama axta negko'o, cham'a magya'ásekmo nak, etnehek nahan megkay'áseyam apwáxok.

1 CORINTIOS 13:2

Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

SAN MARCOS 4:11

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios; wánxa agkok, aksok kélyetcháseykekxoho eyke kóltennasha m'a énxet'ák mepáxakweykmo nak ma'a aptémakxa nak Wese' apwányam Dios,

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

EFESIOS 6:19

Helmaxnéses nahan ko'o xa, yakwayam enxoho hegkések Dios ma'a eyéméxchexa nak atnehek sekpeywa, yakwayam enxoho nahan wawának apakmétek yetlo meyke seyeye, tén han alyekpelchásesamhok énxet'ák ma'a amya'a melya'áseykegko axta, ektaha nak segwagkasamo teyp.

1 CORINTIOS 4:7

¿Yaksak ekteméseso exchep néten nepyeseksa apnámokkok? ¿Ya egkésók xép Dios ekyókxoho aksok? Apmésegkek agkok Dios aksok xép, ¿yaksak ektaha eyeyxkoho nak apwáxok, máxa aptahak xép ma'a apweté apagko' enxoho aksok?

1 CORINTIOS 4:1

Kéméxchek kaxének kélwáxok kéxegke nentaha negko'o nempasmeykha aptamheykha Cristo, nenxawáyak axta negko'o yakwayam ólxekmósek énxet'ák ma'a aksok ekpowásamáxkoho apkeláneykekxa axta Dios.

SAN JUAN 7:17

Apmokók agkok elának xama énxet Dios apmopmenyého, apwanchek ékpelkohok ektaha eñama Dios se'e ektémakxa nak selxekmóso, tén han ékpelkohok ma'a sektaha enxoho selxekmóso ahagko'.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

EFESIOS 1:18

Elmaxnakkek cha'a ko'o Dios seltamho elya'ásásegwók kéxegke, yakwayam enxoho kólya'ásegwomhok kéxegke m'a ektémakxa nak kélhaxneykha, cham'a kélhaxneykha apmésa axta kéxegke Dios, tén han kólya'ásegwomhok ekwánxa ektakmela agko' ma'a aksok appagkanchesama nak Dios yakwayam egkések ma'a ektaha nak énxet'ák apagkok,

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

SAN MATEO 13:10

Apya'aweykxeyk axta Jesús apkeltámeséyak, aptahak axta apkelmaxneyeyncha'a s'e: —¿Yaksak ektaha apkeltennásencha'a nak énxet'ák aksok apyetcháseykekxoho?

SAN MATEO 20:23

Aptahak axta apchátegmowágko Jesús se'e: —Kóllegagkohok sat kéxegke xa nenlegeykegkoho nak, cham'a ekyetchesamaxkoho nak xama egheykok negyal'a aksok ekmáske, akke ko'o hepayhawok wának exek énxet ekpayhókxa nak selya'asamakxa tén han ma'a nésagkalwa. Appagkanchesek eyke Táta m'a énxet ektaha nak apkelyéseykha.

SAN MARCOS 10:40

akke hepayhawok ko'o wának exek énxet ekpayhókxa nak selya'asamakxa, tén han ma'a nesagkalwa. Wánxa sat kólmések yakwayam exek ma'a énxet ektaha nak kélpagkancheso.

ROMANOS 11:25

Elyáxeg, emenyék ko'o kólya'ásegwomhok se'e aksok ekyexamaxche apkeláneykekxa nak Dios, yakwayam enxoho megkeyxkók kélpeywa kólxének ekha kélya'áseyak; nápakha énxet'ák Israel akke aptamheykegkok mema takha' amya'a, ekwokmoho sat ma'a ekwánxa enxoho apxámokma énxet'ák metnaha judíos apkelyakmagkaso apwáxók.