SAN MATEO 12:8 - Lengua Sur (Enxet) Nuevo Testamento

⁸ Yetneyk apmopwána elának aksok ekhem nellókasamakxa nelyampé m'a aptaha nak Apketche énxet.

SAN MATEO 12:8 Referans Kwoze

SAN LUCAS 6:5

Aptahak axta nahan Jesús se'e: —Apwanchek elának aksok ekhem nellókasamakxa nelyampé ektaha nak Apketche énxet.

SAN MARCOS 2:28

Ekeso eñamakxa apkepwagko nak elának aksok ekhem nellókasamakxa nelyampé m'a aptaha nak Apketche énxet.

SAN MATEO 9:6

Emenyék ko'o axekmósek kéxegke ekyetna kélyaheykekxoho ektaha nak Apketche énxet yakwayam enxoho meyakmagkásekxék apkeltémakxa melya'asáxma énxet keso náxop. Keñe axta aptaha apcháneya énxet megkamopwána eltakheykha s'e: —Etnamha, emekxa aptaháno, emyekxa apxagkok.

APOCALIPSIS 1:10

Apmeyk axta ko'o sekwanmagko Espíritu Santo cham'a Wese' egegkok ekhem apagkok ekpagkanamaxchel'a, ekleg'ak axta ko'o netámen kélpeywa ekyennakte agko' ektémol'a kapáwak kélakkahaso.

1 CORINTIOS 16:2

Ekyókxoho domingo cha'a kéméxchek kéxegke kólyetnakhaksek aksok kélyókxoho nak, akke entemék ma'a ekwánxa enxoho kélweté selyakye. Kóltakmelches nahan yakwayam enxoho megkólanchásekxék ma'a sekwákxo enxoho ko'o.

1 CORINTIOS 9:21

Hawók nahan sektémakxa cha'a yakwayam atnesásekxak apteme melya'áseyam Cristo m'a énxet'ák melyaheykekxoho nak Moisés segánamakxa apagkok, axnésaxkohok cha'a ko'o m'a énxet'ák nak, neyseksa eykhe selyaheykekxoho m'a segánamakxa eñama nak Dios, hakte elyaheykekxók ma'a apkeltémókxa nak antehek Cristo.

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN MATEO 12:32

Kawomhok sat nahan meyakmagkáseykekxa Dios aptémakxa m'a énxet apxeyenma ekmaso nak ma'a aptaha nak Apketche énxet; wánxa agkok eyakmagkásekxak sat eyke Dios aptémakxa m'a énxet apxeyenma nak ekmaso Espíritu Santo neyseksók apha keso náxop, tén han ma'a egmonye sat.

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.