SAN MATEO 12:46 - Lengua Sur (Enxet) Nuevo Testamento

⁴⁶ Apkeltennáha axta makham Jesús nepyeseksa énxet'ák, cham'a ekyo'ókmo axta egken, tén han ma'a apkelyáxeg, mokók axta kapakhetchesek. Yókxexma axta chaknáha,

SAN MATEO 12:46 Referans Kwoze

SAN MATEO 13:55

¿Háweya yántéseksek apkelanél'a apketche xa, háweya anhan egken ma'a María? ¿Háweya Santiago apepma' xa, tén han ma'a José, tén han ma'a Simón, tén han ma'a Judas?

SAN JUAN 2:12

Apmeyákxeyk axta Jesús tegma apwányam Capernaum natámen xa. Egken axta apxegexma, tén han apkelyáxeg, tén han apkeltámeséyak; apháha axta yakwatakxoho m'a.

SAN JUAN 7:5

Wokmók axta anhan apkelyáxeg apya'áseyam Jesús.

SAN JUAN 7:3

Aptahak axta apcháneya apkelyáxeg Jesús se'e: —Ney exnekxa aksa s'e. Emyekxa' sat makham ma'a Judea, yakwayam enxoho étak aksok apkelané exchep ma'a apkeltámeséyak apheykha nak ma'a.

LOS HECHOS 1:14

Yaknekxohok axta cha'a apyókxoho m'a, yakwayam etnahagkok nempeywa nelmaxnagko yetlo mók xam'a kelán'ák, María axta m'a Jesús egken, Jesús apkelyáxeg'a axta anhan ma'a.

SAN MARCOS 6:3

¿Háweya yántéseksek apkelanél'a xa, María étchel'a, Santiago apepmal'a, tén han ma'a José, Judas, tén han ma'a Simón? ¿Enxoho anhan kaxneykha apkelyáxeg so negyeseksa nak negko'o? Axta keñamak megkólhaxno apkeltenneykha Jesús xa.

GÁLATAS 1:19

Axta eyke alwet'ak nápakha seykha amya'a, Santiago axta aksa ekwet'ak aptaha nak Wese' egegkok apyáxeg.

1 CORINTIOS 9:5

Payhawók eykhe nahan negko'o xa annaklawha egnakteyegka'a megkalya'áseyam nak Wese' egegkok, ekha enxoho, ekhawo aptamheykegkaxal'a pók seykha amya'a nak, ekhawo aptamheykegkaxal'a nahan ma'a Wese' egegkok apkelyáxeg apancha'awo nak, tén han ma'a Cefas.

SAN JUAN 7:10

Xama axta apkelwegkepa apkelyáxeg, keñe axta anhan apmahágko Jesús ma'a apchaknákxexa axta énxet'ák, apyexákpók axta eyke, axta exekmowáseykpohok énxet'ák.

SAN LUCAS 2:48

Pelakkasek axta ekwet'a m'a enchána; entahak axta eyáneya egken se'e: —Hatte, ¿yaksak ektaha sentemésesama nak negko'o xa? Awanhek negko'o ekyetnakhayo egwáxok negketama exchep, apyap tén han ko'o.

SAN LUCAS 8:10

Aptahak axta apchátegmowágko Jesús se'e: “Apkelya'asásegwokmek kéxegke Dios aksok elyexamaxche eleñama nak ma'a aptémakxa nak Wese' apwányam Dios, wánxa agkok, aksok sekyetcháseykekxoho eyke eltennáseyha m'a pók énxet'ák nak, yakwayam enxoho elano', melwetyehek eyke, yakwayam enxoho nahan ellegak, melyekpelchehek eyke.

SAN MARCOS 2:21

“Megkólwanchek kólyepetchesha apáwa aphápak kélyepetchásencha'a enxoho m'a apáwa nápakha aphaxnagkok nak, hakte ketchetsék etnekxak kélyenyesa enxoho m'a apáwa nápakha aphaxnagkok nak, keñe eyánchesagkohok apkelyeptamap ma'a apáwa aphápak nak.

SAN JUAN 2:5

Entahak axta nahan eláneya énxet'ák ektaha axta kélásenneykha s'e: —Kólyahakxoho sat aptahakxa enxoho apkeláneya Jesús

SAN LUCAS 2:33

Pelakkasek axta elleg'a Jesús enchána aptahakxa axta Simeón apxéna m'a sakcha'a nak.

SAN JUAN 2:1

Antanxo ekhem axta entahak keñe axta elánéxko sẽlyamhopma m'a tegma apwányam Caná, yókxexma Galilea. Wokmek axta anhan Jesús egken ma'a.

SAN LUCAS 2:51

Keñe axta apkelyetlákxo enchána m'a tegma apwányam Nazaret, aphákxeyk axta yetlo apkelyaheykekxoho enchána m'a. Xéneykha axta awáxok egken ekyókxoho xa.

SAN MATEO 2:20

“Exatakha', ema sakcha'a tén han xa egken, emyekxa makham ma'a Israel, hakte apkeletsekkek kaxwo' ma'a énxet'ák apmáheyo axta yakhek sakcha'a.”

SAN MATEO 2:11

Keñe axta apkelántaxnegwokmo kañe' tegma, apwet'ak axta sakcha'a yetlo m'a egken María; apkeltekxeyágkek axta aptapnák xóp apkelpeykáso. Apkelmeykásegkek axta atña'ák yántéseksek kélxátamo axta cha'a aksok elmomnáwa, apmések axta sawo ekyátekto ekmomnáwa, tén han ma'a aksok ekmátsa agko' la'a ekpakneyam éten agkok, tén han ma'a yámet ánek ekmátsa ekpakneyamla'a.

SAN MATEO 1:18

Axta temék apteyékmo Jesucristo s'e: María axta egken, pagkanmeyk axta yakwayam katnehek atáwa m'a José; wetáxchek axta ektaha lóso' amonye yakwayam kalyamhopagkok eñama apmopwána m'a Espíritu Santo.

SAN JUAN 19:25

Kenmáha axta egken Jesús ma'a nekha apyexnakxa axta aksok ektegyéso, axta anhan ma'a Jesús egken yáxeg, María axta anhan ma'a, ektaha axta Cleofás aptáwa, María Magdalena axta anhan kenmáha m'a.

SAN LUCAS 1:43

¿Yaksak kexaha ektaha ektakmela nak ko'o setnahakxa, cháxa ekxegakmo nak Wese' egegkok egken setnaha meyk'a?

SAN MATEO 12:47

kéltennásekxek axta Jesús. Entahak axta amya'a apcháneyákpo s'e: —Yókxexma exchek kenmáha egken tén han apkelyáxeg, xép xeyk kélmokók kólpakhetchesek.

SAN LUCAS 2:34

Keñe axta apkelmaxnésásegko Simeón, aptahak axta anhan apcháneya María, Jesús egken se'e: —Kalano, appagkanákpek se'e sakcha'a nak, yakwayam enxoho exámak énxet'ák Israel apkelxegányam, exámak esenhan apteme apkelmeyámap. Etnehek sat nahan magkenatcheso apkeñama Dios, cham'a peya sat exámhok énxet megkaleklo apwáxok,