SAN MATEO 12:45 - Lengua Sur (Enxet) Nuevo Testamento

⁴⁵ Keñe kaxog, kánchesekxak ma'a siete kelyekhama' elmasagcha'a agko' nak, megkaxnawo xa mók nak, kasawhaxkohok nahan kalántaxnegwók xa énxet apwáxok nak, keñe kayeykhágwomhok agko' ektahakxa xa énxet nak, megkaxók ma'a ektémakxa axta sekxo'. Sat nahan katnehek xa énxet'ák elmasagcha'a nak apkeltémakxa keso negwánxa nak.”

SAN MATEO 12:45 Referans Kwoze

SAN LUCAS 11:26

Keñe kaxog, kánchesekxak ma'a siete kelyekhama' elmasagcha'a agko', megkaxnawo nak xa mók nak, keñe kasawhaxkohok kalántaxnegwók ma'a énxet apwáxok nak, keñe kayeykhágwomhok ektémakxa axta sekxo' agko' xa énxet nak.”

SAN MARCOS 5:9

Aptahak axta apkelmaxneyeyncha'a Jesús se'e: —¿Háxko apwesey exchep? Aptahak axta apchátegmowágko s'e: —Legión ko'o sekwesey, hakte nenxámok negko'o.

SAN MARCOS 16:9

Apxekmowáseykpekxók axta sekxo' María Magdalena, natámen apxátekhágwayam Jesús ma'a amonye elsaye ekhem eyeynókxa ekxega semanal'a, cham'a María apkelántekkesesama axta awáxok siete kelyekhama'.

HEBREOS 10:39

Háwe negko'o neleñama nepyeseksa m'a énxet'ák apkelyenseykmo nak apteme apcháyo Dios, cham'a apkelmahágko nak yakwánxa kólmasesók, akke negko'o nelxegexma'a m'a énxet'ák peya nak elwagkasakpok teyp eñama apteme melya'áseyam.

SAN MATEO 23:24

¡Kéxegke kéltaha nak meyke kélakta'ák kélpeykesáseyak apxega kélmók! ¡Kólleyhok cha'a kéxegke páye aptaxnegwa'a enxoho egheykok kélagkok, keñe kólnaksapok ma'a yágyatnáxeg!

SAN MATEO 12:24

Xama axta apkelleg'a énxet'ák fariseos xa, aptahak axta apkelpakmeta s'e: “Kelyekhama' wese' agkok ekwesey Beelzebú nak ekméso apmopwána yakwayam elántekkesek kelyekhama' xa.”

EFESIOS 6:12

Hakte mólnápexchek negko'o énxetók xamo', akke nennápexchek ma'a kelyekhama' elásenneykha eleñama nak tekhenxet, cham'a ekha nak elmowána, ekha nak han kélyaheykekxoho, cham'a eláneykencha'a nak keso náxop ekyaktésamakxa nak exma.

SAN MATEO 23:15

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Kólsawhekxohok cha'a kélweynchámeykha keso náxop, tén han ma'a wátsam ekwányam nak, yakwayam enxoho elyetlakxak énxet kéltémakxa kéxegke. Kélwet'ak agkok nahan énxet apyetleykekxa kéltémakxa kéxegke, kóltemésesek cha'a eyéméxko agko' kólya'aksek sẽlmasésamakxa xa énxet nak, kayeykhágwomhok cha'a yakwánxa kóltemésesek kéllegasáseykegkoho kéxegke xa énxet'ák nak.

SAN MATEO 12:44

‘Atakhohok sat ma'a exagkok, cham'a sektepakxa axta.’ Takháwok agkok, keñe kóteyágwakxak énxet apwáxok ektémol'a tegma meyke ekha kañe', kéláxñeso, tén han kéltakmelcháseykekxoho kañe'.

SAN MATEO 17:21

Wánxa agkok, yetlo nempeywa nelmaxnagko akke awanchek katyapok xa kelyekhama' ektéma nak, tén han yetlo m'a manto nak nento olpeykeshok Dios.