SAN MATEO 12:42 - Lengua Sur (Enxet) Nuevo Testamento

⁴² Katnamha sat nahan wese' ekwányam eñama nak Nepyeyam cham'a ekhem nelyekpelchamáxchexa sat, cham'a kéltaha sat nahan kélyekpelchémo énxet'ák apheykencha'a nak se'e kaxwo' nak, kalsexnenak sat énxet'ák, hakte tayépok agko' axta eñamakxa eltamho keyxhok ektémakxa apya'áseykegkoho Salomón ma'a, akke exnawok Salomón aksok ekyetna nak se'e.

SAN MATEO 12:42 Referans Kwoze

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN JUAN 1:18

Méko ekwetaya aptémakxa Dios xama enxoho; axta eyke segyekpelcháseseyam negko'o m'a aptaha nak wánxa xama Dios Apketche, aptaha nak han Dios, aptaha nak han cha'a meyenyaweykha Apyap.

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

SAN MATEO 12:41

Yaknaha sat ma'a énxet'ák apheykencha'a axta tegma apwányam Nínive, cham'a ekhem nelyekpelchamáxchexa sat, cham'a kéltaha sat nahan kélyekpelchémo énxet'ák apheykencha'a nak se'e kaxwo' nak, elsexnenak sat énxet'ák hakte apkelyakmagkasegkek axta apwáxók ma'a énxet'ák apheykencha'a axta Nínive, cham'a apkelleg'a axta apkeltenneykha Jonás; akke exnawok Jonás aksok ekyetna nak se'e.

SAN MATEO 12:6

Eltennásek eyke ko'o ekyetna xama aksok ektakmela agko' se'e mexnawok ma'a tegma appagkanamap nak.