SAN MATEO 12:3 - Lengua Sur (Enxet) Nuevo Testamento

³ Aptahak axta apchátegmowágko Jesús se'e: —¿Yagkólyetseteyk kéxegke weykcha'áhak aptémakxa axta David, cham'a eyakhama axta meyk yetlo apkelxegexma'a?

SAN MATEO 12:3 Referans Kwoze

SAN LUCAS 6:3

Aptahak axta apchátegmowágko Jesús se'e: —¿Yagkólyetseteyk kéxegke weykcha'áhak aptémakxa axta David, cham'a eyakhama axta meyk yetlo apkelxegexma'a?

SAN MARCOS 12:10

“¿Yagkólyetseteyk kéxegke eknaktáxésamaxche ektéma nak ekpeywa s'e?: ‘Tamhákxeyk kaxwo' meteymog kélmamenyého kólmaha m'a meteymog apyamasma axta énxet'ák apkeláneyak nak tegma.

SAN MATEO 21:16

Aptahak axta apcháneya Jesús se'e: —¿Apleg'aya ektahakxa nak sakcha'a létkók? Aptahak axta Jesús apchátegmowágko s'e: —Ehay, ekleg'é'. ¿Yagkólyetseteyk kéxegke weykcha'áhak eknaktáxésamaxche ekxeyenma xa, ektéma nak ekxeyenma s'e: ‘Xép keñamak xa elmeneykmasa nak sakcha'a létkók, tén han ma'a sakcha'a létkók megkayamasma nak neme eltemésesa apcheymákpoho Exchep.’

SAN MARCOS 12:26

¿Yagkólyetseteyk kéxegke Moisés weykcha'áhak apagkok, ekxeyenma nak nennakxétekhágwayam, cham'a ekyetnamakxa nak han kéltáxéso ekxeyenma m'a eyálewoma axta xama yámet étkok? Aptahak axta Dios apcháneya Moisés se'e: ‘Ko'o sekteme Abraham Dios apagkok, Isaac, tén han ma'a Jacob.’

SAN MATEO 22:31

¿Yagkólyetseteyk kéxegke aptéma axta apxeyenma Dios ektémakxa nennakxétekhágwayam se'e?

SAN MATEO 12:5

¿Yagkólyetseteyk nahan Moisés segánamakxa apagkok ekxeyenma nak meláneykegkok melya'asáxma énxet'ák appasmo nak apkelmaxnéseso Dios énxet'ák apagkok, mellókasemek eykhe apkelyampé ekhem sábado nellókasamakxa nak nelyampé?

SAN LUCAS 10:26

Aptahak axta apchátegmowágko Jesús se'e: —¿Háxko ektémakxa eknaktáxésamaxche segánamakxa antehek? ¿Yaksak apwetaya exchep apkelyetsetma?

SAN MATEO 19:4

Aptahak axta apchátegmowágko Jesús se'e: —¿Yagkólyetseteyk kéxegke ektémakxa nak ekxeyenma eknaktáxésamaxche m'a aptaha axta apkelané kéxegke sekxo' agko', ‘apkelanak axta énxet tén han kelán'a’?

SAN MATEO 12:2

Apwet'ak axta énxet'ák fariseos xa, keñe axta aptaha apcháneya Jesús se'e: —Elano, xama aksok apkelánegkok apkeltámeséyak megkólhayo nak anlának ekhem sábado nellókasamakxa nak nelyampé.

SAN MATEO 12:4

Aptaxnegwokmek axta Dios tegma appagkanamap apagkok, aptókagkek axta anhan ma'a pan kélpagkancheso axta Dios, cham'a megkólhayók axta etwok David tén han ma'a apkelxegexma'a, wánxa aksa etwok ma'a énxet'ák appasmo nak apkelmaxnéseso Dios énxet'ák apagkok.