SAN MATEO 12:28 - Lengua Sur (Enxet) Nuevo Testamento

²⁸ Elántekkesek agkok ko'o kelyekhama' eñama apmopwána m'a Dios Espíritu apagkok, cháxa magkenatcheso ekwa'a kélnepyeseksa kéxegke m'a aptémakxa nak Wese' apwányam Dios.

SAN MATEO 12:28 Referans Kwoze

SAN LUCAS 11:20

Elántekkesek agkok ko'o kelyekhama' eñama Dios apmopwána, cháxa magkenatcheso ekwa'a kélnepyeseksa kéxegke m'a aptémakxa nak Wese' apwányam Dios.

SAN MATEO 21:43

Ekeso eñamakxa seltennasa nak kéxegke peya kólwatésesek kélteme kélpáxakxo m'a aptémakxa nak Wese' apwányam Dios, keñe sat exkekxak ma'a énxet'ák aptekkesamo nak ekyexna apkelhaxanma nak Dios.

SAN MATEO 6:33

Kaxénmakha sekxo' kélwáxok ma'a aptémakxa nak Wese' apwányam Dios, tén han kóllának ma'a ekpéwo nak kóllának nápakto' Dios, keñe sat nahan kólxawak kéxegke ekyókxoho xa aksok nak.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

ROMANOS 14:17

Háwe aptémakxa Wese' apwányam Dios ma'a nento tén han ma'a negya nak mók xama aksok, háwe ektémakxa xa, akke m'a ekpéwomo nentémakxa nak, meyke ektahakxa egwáxok, tén han ma'a ekpayheykekxa nak egwáxok eñama Espíritu Santo.

SAN LUCAS 16:16

“Axta chénamok kélmeykha segánamakxa m'a apheykegkaxa axta énxet'ák apkellegaso axta Dios appeywa, ekwokmoho m'a apwa'a axta Juan, keñe axta anhan eyeynawo kéllegaso amya'a aptémakxa nak Wese' apwányam Dios, apkelwaskápeykxók nahan apyókxoho énxet yakwayam elántexek ma'a.

SAN MARCOS 1:15

Aptahak axta apkeltenneykha s'e: “Wokmek kaxwo' ekhem ekxénamaxchexa nak katnehek, chágketwa'ak kaxwo' ma'a aptémakxa nak Wese' apwányam Dios. Kólyakmagkas kélwáxok, kólma yetlo megkólya'áseyam se'e amya'a ektakmela nak.”

SAN MATEO 21:31

¿Yaksak axta apkelyahákxoho aptahakxa appeywa apyap xa apkánet nak? —Cham'a apmonye exchek —axta aptahak apkelátegmowágko xa énxet'ák nak. Aptahak axta apkeláneya Jesús s'e: —Apmonye'e sat elántexek aptémakxa Wese' apwányam Dios ma'a énxet'ák apkelmomo nak selyakye yakwayam egkések wese' Roma, tén han ma'a kelán'ák ekyakmagkáseyak nak pók énxet ekpathetéyak ektegye selyakye. Axayok sat eyke kólántexek kéxegke. Nakso' xa sektahakxa nak seláneya kéxegke.

SAN LUCAS 9:2

Apkeláphásek axta yakwayam enxoho eltennaha m'a aptémakxa nak Wese' apwányam Dios, tén han eltakmelchesók ma'a elháxamáxche.

SAN MARCOS 16:17

Keytek sat kélnepyeseksa kéxegke aksok magkenatcheso nak agweta' kéxegke kélteme nak megkólya'áseyam se'e: kólántekkesek sat kelyekhama' yetlo kélxeyenma sekwesey ko'o; katyapok sat nahan mók ektémakxa kélpeywa;

HEBREOS 12:28

Méko kawának kaltakhesha m'a aptémakxa nak Wese' apwányam Dios segmésama nak negko'o. Agmések hana ekpayheykekxa egwáxok Dios eñama xa, ólpeykeshok hana Dios yetlo nempagkanchásamáxche, tén han yetlo negáyo, cham'a ekleklamókxa nak apwáxok antehek.

SAN LUCAS 10:11

‘¡Wokmók nahan nempalcheso negko'o xóp ánek elyepetche egmagkok eñama kélheykegkaxa kéxegke yakwayam kólya'asagkohok eyesagko kéltahakxa! Kólya'asagkoho eyágketwa'a kéxegke m'a aptémakxa nak Wese' apwányam Dios.’

SAN MARCOS 11:10

¡Tásek sat katnehek apxeyenma Dios ma'a aptémakxa nak Wese' apwányam David peya nak kawa', cham'a David aptaha axta negko'o egyap nano'! ¡Apcheymákpoho Dios apha nak néten!

SAN MATEO 12:18

“Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN MATEO 12:29

“¿Háxko katnehek etaxnegwók énxet kañe' apxagkok ma'a énxet ekha nak apyennakte, tén han elyementók ma'a aksok apagkok, cham'a melpexteta enxoho sekxo'. Wánxa aksa yepwának elyementók aksok apagkok ma'a apkelpexteta enxoho.

1 SAN JUAN 3:8

keñe m'a énxet ektahakxa enxoho apkelané mólya'asáxma, cháxa kelyekhama' énxet agkok xa, hakte kelyekhama' axta elané amonye mólya'asáxma sekxo' agko'. Axta keñamak apwaya Dios Apketche xa, yakwayam emasésak ektémakxa axta aksok elané kelyekhama'.