SAN MATEO 12:27 - Lengua Sur (Enxet) Nuevo Testamento

²⁷ Kélxénchek kéxegke selántekkesa ko'o kelyekhama' eñama ekmowána m'a Beelzebú, nakso' agkok ektéma xa, ¿yaksak ekméso apmopwancha'a elántekkesek kelyekhama' m'a apkelyetleykekxa nak kéltémakxa kéxegke? Cháxa keñamak ekwetáxko ekyetna megkólakhémo kéxegke xa.

SAN MATEO 12:27 Referans Kwoze

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

SAN LUCAS 11:19

Nakso' agkok xa kélxéna nak, ¿Yaksak ekméso apkelmopwancha'a elántekkesek kelyekhama' m'a apkelyetleykekxo nak kéltémakxa kéxegke? Cháxa keñamak ekwetamaxche megkólakhémo kéxegke xa énxet'ák nak.

SAN LUCAS 19:22

Aptahak axta wese' s'e: ‘Seláneykha ekmaso aptémakxa, atnehek sat sekyekpelchémo exchep eñama eksexnenagko m'a aptahakxa nak appeywa. Apya'ásegkok agkok xép sektaha ko'o megkamopyósa alanok émók, tén han sekyekheykekxoho cha'a aksok megkatnaha nak seknegkenma ahagko', tén han seknakxama cha'a ekyexna m'a aksok megkatnahakxa nak ko'o seneykekxa,

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN MATEO 9:34

Aptahak axta énxet'ák fariseos apkelpakmeta s'e: —Kelyekhama' wese' nak ekméso apmopwána yakwayam elántekkesek kelyekhama' xa énxet nak.

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?