SAN MATEO 12:25 - Lengua Sur (Enxet) Nuevo Testamento

²⁵ Apya'ásegkok axta Jesús ektahakxa elchetamso apwáxók xa énxet'ák nak. Aptahak axta apkeláneya s'e: “Apkexpancháseykpek agkok énxet'ák xama apkelókxa keñe etnehek apkelenmexamap, apnaktawásamap apancha'awók etnahagkok. Apkexpancháseykpek agkok nahan énxet'ák apheykha tegma apwányam, esenhan apheykha nak xama tegma, megkawegkók apheykha.

SAN MATEO 12:25 Referans Kwoze

GÁLATAS 5:15

Kólawho kéxegke, hakte kéltemék agkok kélenmexamaxche tén han kélnaktawásencha'a enxoho kélnámokkok, kélnaktawásamáxkoho kélagko' sat kóltehek kéxegke.

1 CORINTIOS 2:11

¿Yaksak énxet apwanchek ey'asagkohok ekyetno nak kañó' agko' apwáxok énxet? Wánxa ey'asagkohok ma'a espíritu apha nak apwáxok, ekhawo nak han ma'a Espíritu apkeñama nak Dios wánxa aksa ey'asagkohok ma'a aksok ekyetnama nak Dios.

SAN MATEO 9:4

Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha eyesagko nak kéxegke elchetamso kélwáxok?

APOCALIPSIS 16:19

Apkántanxo nápakha'a axta apyepteypok tegma apwányam, apkelyaknenágkek axta anhan tegma apwányam nak keso náxop, keñe axta ekxénwákxoho apwáxok Dios ma'a tegma apwányam Babilonia, yakwayam yagkok sẽllegasáseykegkoho eñama nak Dios ekyetchesamaxkoho nak anmen, cham'a aplawa axta.

HEBREOS 4:13

Yawanchek keyxánegkesek Dios ekyókxoho aksok ektaha axta apkelané, yáxñakxoho nahan katnehek apweté ekyókxoho aksok ma'a Dios, cham'a peya nak óltennásekxohok nentémakxa axta.

SAN MARCOS 2:8

Ñohok axta eyke apyekpelcha Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha ektaha nak elchetamso kélwáxok xa?

SAN JUAN 21:17

Antanxo apkelmaxneyeykekxa axta entahak. Aptahak axta makham se'e: —Simón, Juan apketche, ¿eyásekhayoya exchep? Kelapwokmek axta Pedro hakte antanxo axta entahak apkelmaxneyeykekxoho nakso' kexaha apchásekhayo. Aptahak axta apchátegmowágko Pedro s'e: —Wese', apya'ásegkok xép xa ekyókxoho nak: apya'ásegkok xép seyásekhayo ko'o. Aptahak axta apcháneya Jesús se'e: —Eltakmelches seknaktóso nekkések.