SAN MATEO 12:22 - Lengua Sur (Enxet) Nuevo Testamento

²² Kélyentegkek axta aphakxa Jesús xama énxet meyke apakta'ák tén han meyke appeywa, kelyekhama' ektawáseykha axta m'a. Apwetáseykxeyk axta exma Jesús tén han aptekkesásekxo appeywa.

SAN MATEO 12:22 Referans Kwoze

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

SAN MARCOS 3:11

Xama axta apwet'a énxet elántaxno axta apwáxók kelyekhama', apkeltekxeyágkek axta aptapnák xóp apkenmágkaxa. Aptahak axta apkelyennaktésawo apkelpeywa s'e: —¡Xép apteme Dios Apketche!

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

2 TESALONICENSES 2:9

Yetlo ekpasmo Satanás sat ewak xa énxet megyéso nak yenmexmakha Dios; ewak sat yetlo ekyawe agko' apmopwána, tén han yetlo apxekmóso ekyókxoho ektémakxa m'a aksok melwetaya nak énxet tén han ma'a aksok ekpelakkasamo nak kataxchek, wánxa agkok, megkamámnaksoho eyke.