SAN MATEO 12:2 - Lengua Sur (Enxet) Nuevo Testamento

² Apwet'ak axta énxet'ák fariseos xa, keñe axta aptaha apcháneya Jesús se'e: —Elano, xama aksok apkelánegkok apkeltámeséyak megkólhayo nak anlának ekhem sábado nellókasamakxa nak nelyampé.

SAN MATEO 12:2 Referans Kwoze

SAN MATEO 12:10

Apheyk axta xama énxet ekyame apmek ma'a; apkeltamhok axta eykhe énxet'ák etegyaha aptemésesakxa yakwayam esexnenak Jesús. Aptahak axta apkelmaxneyeyncha'a s'e: —¿Megkamyawaxcheya kóltakmelchesók xama énxet apháxamap ekhem sábado?

SAN LUCAS 14:3

Apkelmaxneyáha axta Jesús énxet'ák apkelxekmóso nak apnámokkok ektémakxa segánamakxa, tén han ma'a énxet'ák fariseos, aptahak axta apkeláneya s'e: —¿Hẽlhoya antakmelchesók xama énxet apháxamap ekhem sábado nellókasamakxa nak nelyampé, mehẽlho' enxeykel'a?

SAN LUCAS 23:56

Xama axta elwákxo axanák, kelaneykxék axta sokmátsa tén han ma'a kéltexneykegkohol'a egyempehek. Kellókasek axta elyampé kelán'ák ekhem apkellókasamakxa axta cha'a apkelyampé énxet'ák judíos, ekhawo m'a elánemaxchexa axta katnahagkok.

SAN MATEO 12:3

Aptahak axta apchátegmowágko Jesús se'e: —¿Yagkólyetseteyk kéxegke weykcha'áhak aptémakxa axta David, cham'a eyakhama axta meyk yetlo apkelxegexma'a?

SAN MARCOS 2:24

Aptahak axta apkelmaxneyeyncha'a énxet'ák fariseos se'e: —Elano, ¿yaksak ektaha apkelánegko nak apkeltámeséyak xép ma'a aksok megkólhayo nak anlának ekhem nellókasamakxa nelyampé?

SAN LUCAS 6:2

Nápakha énxet'ák fariseos axta aptahak apkelmaxneyeyncha'a s'e: —¿Yaksak ektaha kéllana nak kéxegke aksok megkólhayo nak anlának ekhem nellókasamakxa nelyampé?