SAN MATEO 12:18 - Lengua Sur (Enxet) Nuevo Testamento

¹⁸ “Keso seyásenneykha ko'o s'e, ko'o axta selyéseykha, aptaha nak han seyásekhayo, leklamok nahan ewáxok aptémakxa. Agkések sat nahan ko'o Espíritu ahagkok, eltennasha sat nahan apyókxoho énxet'ák ma'a ekxeyenma nak ko'o ewáxok ektaha ekpéwomo.

SAN MATEO 12:18 Referans Kwoze

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

SAN JUAN 3:34

énxet aptaha nak Dios apcháphaso, wánxa aksa exének ma'a amya'a eñama nak Dios, hakte memyágwakxék egkések Dios ma'a Espíritu apagkok.

1 SAN PEDRO 2:4

Kólyo'ókxa kéxegke Wese' egegkok Jesús aptaha nak meteymog megkamassegwayam, cham'a apyamasma axta énxet'ák, keñe axta Dios aptaha apkelyéseykha xa meteymog nak, ekxeyenma nahan apwáxok ektaha ektakmalma agko'.

2 SAN PEDRO 1:17

Axta negwethok negko'o m'a apmésa axta Dios Egyap ekyawe kéláyo tén han apcheymákpoho, cham'a nenleg'a axta anhan aptaha appeywa Dios se'e: “Keso hatte seyásekhayo nak ko'o s'e, aptaha nak selyéseykha ahagko' ko'o.”

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

COLOSENSES 1:1

Ko'o Pablo sekteme Jesucristo seykha amya'a apagkok eñama Dios apmopmenyého atnehek, egyáxeg Timoteo ko'o sekxegexma

EFESIOS 1:6

Ekeso eñamakxa neltemésesa nak cha'a negko'o apcheymákpoho Dios, eñama m'a segméso naksa axta ektémakxa nak segemleykekxoho, cháxa keñamak nahan sempasmo nak negko'o Dios xa, eñama m'a Apketche aptaha nak apchásekhayo.

LOS HECHOS 14:27

Xama axta apkelwákxo tegma apwányam Antioquía Pablo tén han Bernabé, apchánchesakxeyk axta m'a énxet'ák ektaha nak apkeltamheykha kélakneykekxexa, apkeltennáseyha axta ekyókxoho aptemésesamakxa Dios Pablo tén han Bernabé, apkeltennáseyha axta anhan ektahakxa apkelya'asásegwokmo Wese' egegkok ma'a énxet'ák metnaha nak judíos, yakwayam enxoho nahan etnahagkok melya'áseyam.

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

SAN LUCAS 23:35

Apháha axta énxet apkeláneyncha'a m'a, wokmók axta apkesméso Jesús ma'a énxet'ák apkelámha apmonye'e axta nepyeseksa judíos. Aptahak axta apcháneya s'e: —Apkelwagkasegkek axta teyp énxet, ewagkasakpoho apagko' teyp kaxwo' nak, eyámnaksoho enxoho aptaha Mesías apkeñama Dios, tén han ektaha enxoho Dios apkelyéseykha.

SAN LUCAS 9:35

Keñe axta ektepa kélpeywa neyseksa yaphopé. Entahak axta s'e: “Keso hatte ko'o s'e, aptaha axta selyéseykha, kóleyxho appeywa.”

SAN LUCAS 3:22

Apweywentek axta Espíritu Santo apkenmágkaxa Jesús, máxa axta aptahak wáx'ay apwetákpo. Legáxchek axta anhan kélpeywa eñama néten. Entahak axta s'e: —Xép apteme hatte seyásekhayo, selyéseykha ahagko' axta ko'o.

SAN MARCOS 9:7

Keñe axta ekweywento yaphopé, cháhapwa'ak axta nahan pesese agkok xa énxet'ák nak. Neyseksa yaphopé axta tépak kélpeywa. Entahak axta s'e: “Keso hatte seyásekhayo nak ko'o s'e: kóleyxho appeywa.”

SAN MARCOS 1:11

Legáxchek axta kélpeywa eñama néten. Entahak axta s'e: “Xép apteme hatte seyásekhayo aptaha axta anhan ko'o selyéseykha.”

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN MATEO 12:17

Cháxa ektahakxa axta ektaha m'a apkeltenneykencha'a axta Isaías, aptaha axta Dios appeywa aplegaso, aptéma axta apkeltenneykencha'a s'e: