SAN MATEO 12:15 - Lengua Sur (Enxet) Nuevo Testamento

¹⁵ Xama axta apleg'a amya'a Jesús, keñe axta apxega. Apxámok axta énxet apyetlo, apkeltakmelcheseykmek axta Jesús apyókxoho apkelháxamap,

SAN MATEO 12:15 Referans Kwoze

SAN MATEO 10:23

Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

SAN JUAN 11:54

Ekeso eñamakxa apyexákpoho axta Jesús apweynchámeyncha'a nepyeseksa judíos, wánxa agkok aptekkek axta eyke m'a yókxexma Judea, axta apmeyákxak ma'a yókxexma meykexa énxet eyágketexa axta, cham'a nátegma keltéma nak Efraín. Aphákxeyk axta Jesús yetlo apkeltámeséyak ma'a.

SAN JUAN 7:1

Apweynchámeyha axta Jesús yókxexma Galilea natámen xa. Axta emokók exek ma'a Judea, hakte énxet'ák judíos axta apketámak apmoko yakhek ma'a.

SAN MATEO 19:2

Apxámok axta énxet apyetlákxo, apkeltakmelchesekmek axta nahan apkelháxamap ma'a.

SAN MARCOS 6:56

Kélnegkenwokmek axta cha'a apkelháxamap ámay nepyeseksa tegma apmahágkaxa enxoho Jesús, cham'a nátegma nak, tén han ma'a apyawakxa nak tegma, tén han ma'a nepyáwa tegma nak, kéltamhok axta yohok aksa kólpaknegwomhok napwa'ék apchaklamap Jesús; apkeltakmelwokmek axta anhan apyókxoho apkelháxamap ektaha axta appaknegweykmoho Jesús apchaklamap.

1 SAN PEDRO 2:21

Yakwayam kóllegagkohok axta kéxegke apkelwóneykencha'a Dios, hakte aplegágkok axta Cristo kéxegke eñamakxa, apmések axta kéxegke aptémakxa ektakmela yakwayam kólyetlakxak.

GÁLATAS 6:9

Kéméxchek negko'o mehenleklágwomek nenlané m'a nentémakxa ektakmela nak, hakte agkok henleklágwokmok negko'o, agwetak sat ekyakmageykekxa ekwokmo sat ekhem, ektémol'a annakxek ekyexna aksok negkeneykekxa.

SAN JUAN 9:4

Kéméxchek anlának aptamheykha m'a aptaha axta seyáphaso ko'o keso ekhakxoho ekhem nak, hakte kayaktések sat, cham'a magkegwagkexal'a anlának nentamheykha.

SAN LUCAS 6:12

Apmeyákxeyk axta Jesús néten egkexe yakwayam etnehek nempeywa nelmaxnagko natámen xa. Yókxoho axta'a axta aptahak nempeywa nelmaxnagko appakhetchesa Dios ma'a.

SAN LUCAS 5:22

Apyekpelchawók axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha, ektaha nak elchetamso kélwáxok kéxegke xa?

SAN LUCAS 9:11

Xama axta apkelleg'a amya'a énxet'ák, apkemhágkek axta; apkelápeyha axta Jesús xa énxet'ák nak, apkeltennáseyha axta m'a aptémakxa nak Wese' apwányam Dios, apkeltakmelchesakmek axta anhan énxet apkelháxamap.