SAN MATEO 11:23 - Lengua Sur (Enxet) Nuevo Testamento

²³ Kéxegke kélheykha nak tegma apwányam Capernaum, ¿kélaneykeya kóltemésesek kéxegke meyke ekhémo? Kólchexak sat kéxegke ekweykmoho kaño' agko' máxek sẽlmaséseykenxa nak. Tegma apwányam Sodoma axta agkok keláneyxchek aksok sempelakkaso nak agweta', elánéxko axta kélnepyeseksa kéxegke, étek axta makham ma'a tegma apwányam nak ekwokmoho keso negwánxa nak.

SAN MATEO 11:23 Referans Kwoze

SAN MATEO 4:13

Apyeyk'ak axta tegma apwányam Nazaret, axta eyke aphákxak ma'a tegma apwányam Capernaum, cham'a apyetnama nak neyáwa wátsam ekpayhegwayam, yókxexma apheykegkaxa axta Zabulón énxet'ák apagkok, tén han ma'a Neftalí.

APOCALIPSIS 11:8

Kaxnagkok sat nahan aphopák ámay nepyeseksa tegma apwányam kélya'áseykegkoho nak, cham'a kélyepetchesamakxa axta anhan aksok ektegyéso Wese' apagkok, cham'a kéltéma nak Sodoma kélyetcháseykekxoho, tén han kélyetcháseykekxoho m'a Egipto.

SAN JUDAS 1:7

Hawók axta ektémakxa Sodoma tén han Gomorra, tén han nátegma apheyak axta nepyáwa tegma apwányam apkeltémakxa xa Dios apkelásenneykha apkeleñama axta néten, hakte apkeláneykegkek axta ekmaso nentémakxa mansexta, apchahayók axta elmoma apwáxók ma'a ekmaso nentémakxa enmexma nak negyókxa. Ekeso eñamakxa apkellegágkoho nak neyseksa táxa megkatnegwayam enéxa, keñe ekyetna kélésakxa m'a apyókxoho énxet'ák nak.

LOS HECHOS 2:27

hakte meheyensemek sat xép ma'a neyseksa takhaxpop, megyohok sat nahan kathápok apyókxa énxet ektaha nak apchásenneykha.

SAN LUCAS 14:11

Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa', keñe sat kéxegke kéltemesásamáxche nak mékoho, ekha kéláyo sat kóltemesásekxa'.

SAN MATEO 16:18

Keñe ko'o sekxéna exchep aptaha Pedro, neltéma nak meteymog. Axamásekxak sat ko'o énxet'ák ahagkok ekyetnakxa xa meteymog nak; yawanchek sat nahan kamasesók nétsapma xa.

SAN MATEO 8:5

Xama axta aptaxnegwokmo Jesús ma'a tegma apwányam Capernaum, apyo'ókmek axta xama sẽlpextétamo apkemha apmonye romano apkeltamho epasmok.

SAN LUCAS 16:23

“Apsekhákxok axta néten neyseksa aplegeykegkoho elmaheykegkaxa eghagák ma'a énxet ekxámokma axta aksok apagkok. Makhawók axta apwet'ak apha xamo' Lázaro Abraham.

SAN LUCAS 4:23

Aptahak axta apchátegmowágko Jesús se'e: —Ekya'ásegkok peya kóltehek helának se'e: ‘Pánakte egyap, etakmelwomho apagko' xép.’ Kóltehek sat nahan helának se'e: ‘Elána nahan apchókxa m'a aksok nenleg'a axta negko'o amya'a apkelana m'a Capernaum.’

SAN MATEO 17:24

Xama axta apwokmo Jesús yetlo apkeltámeséyak tegma apwányam Capernaum, apteyánegwokmok axta Pedro m'a énxet'ák ektaha axta apchanchesáseykekxa selyakye tegma appagkanamap. Entahak axta amya'a kélmaxneyeyncha'a Pedro s'e: —¿Epekkenhoya cha'a selyakye yakwayam egkések tegma appagkanamap apkelxekmóso nak kéxegke?

SAN MATEO 10:15

Sagkók agko' sat katnehek kéllegasáseykegkoho énxet'ák apheykha xa tegma apwányam nak, cham'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykha axta yókxexma Sodoma, tén han ma'a Gomorra.,

SAN LUCAS 10:15

Kéxegke kélheykha nak tegma apwányam Capernaum, ¿kélaneykeya kóltemésesek kéxegke meyke ekhémo? ¡Kólchexak sat kéxegke ekweykmoho kañók agko' máxek sẽlmaseseykenxa!

LOS HECHOS 2:31

Apwetayak axta eyke David Mesías apxátekhágwayam amonye ekteme m'a, ékeso eñamakxa apxéna axta xa, apxeyenmék axta nahan peya métek cha'a kañe' takhaxpop Mesías, tén han apxeyenma peya megkatsagkasaxchék ma'a apyókxa nak.

APOCALIPSIS 1:18

sekteme nahan mamassegwayam. Etsepmeyk axta ko'o, kaxwo' eyke ekheyk megkatnegwayam enéxa. Yetneyk ko'o ketchesama átog sekmowána alkok átog ma'a apkelmaheykegkaxa nak apkeletsapma axta.

APOCALIPSIS 6:8

Enmexawok axta ko'o m'a, ekwet'ak axta yatnáxeg yáma apyátekto, keñe m'a ektaha axta apchánte apwesey nétsapma. Keñe axta m'a neptámen sekwet'a nahan apxegakmo apkeñama nak ma'a ektémakxa nak wese' nétsapma. Apkelxawágkek axta apmopwancha'a yakwayam elnápok nápakha énxet nekha yókxexma keso náxop eñama m'a kempakhakma, tén han ma'a meyk segakhe nak, tén han eñama m'a negmasé nak, yetlo apchahé m'a aksok nawha'ák ello elleykencha'a nak keso náxop.

APOCALIPSIS 20:13

Wátsam ekwányam axta nahan apkelenyektak ma'a ektaha axta apkeletsapwayam kañe' wátsam ekwányam, ektémakxa wese' ekwányam nétsapma axta anhan apkelenyektak ma'a ektaha axta apkeletsapma; kéltemék axta nahan kélyekpelchémo apyókxoho xa énxet'ák nak, cham'a ektémakxa axta aksok apkeláneyak.