SAN MATEO 11:22 - Lengua Sur (Enxet) Nuevo Testamento

²² Wánxa agkok, eltennásek eyke ko'o peya kóllegásesagkohok ekmaso agko' kéxegke, megkaxók sat kéllegasáseykegkoho m'a énxet'ák apheykencha'a axta tegma apwányam Tiro, tén han ma'a tegma apwányam Sidón, cham'a ekhem nelyekpelchamáxchexa sat.

SAN MATEO 11:22 Referans Kwoze

SAN MATEO 11:24

Eltennásek eyke ko'o kéxegke peya kóllegásesagkohok ekmaso agko', megkaxók sat kéllegasáseykegkoho m'a énxet'ák apheykencha'a axta tegma apwányam Sodoma, cham'a ekhem nelyekpelchamáxchexa sat.”

SAN MATEO 10:15

Sagkók agko' sat katnehek kéllegasáseykegkoho énxet'ák apheykha xa tegma apwányam nak, cham'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykha axta yókxexma Sodoma, tén han ma'a Gomorra.,

1 SAN JUAN 4:17

Cháxa ektémakxa nak ektemegweykmo ekmámnaksoho ekyetnama negyeseksa negko'o Dios segásekhayo xa, yakwayam enxoho megkatneykha egwáxok negko'o m'a ekhem nelyekpelchamáxchexa sat; hakte hawók negko'o nentémakxa neyseksa negha náxop ma'a aptémakxa nak Jesucristo.

SAN MATEO 12:36

Eltennásek ko'o kéxegke peya kólxénekxohok ektémakxa kélpeywa naksa m'a ekhem nelyekpelchamáxchexa sat.

SAN LUCAS 10:14

Wánxa agkok, sagko' agko' sat eyke katnehek kéllegasáseykegkoho kéxegke m'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykencha'a axta tegma apwányam Tiro, tén han ma'a tegma apwányam Sidón.

2 SAN PEDRO 3:7

Wánxa agkok, táxa ekwányam akke kaxwo' kélpagkanchásak yakwayam kólmasésók néten tén han keso náxop, keso negwet'awo nak ekhágko s'e negwánxa nak, eñama apkeltémo m'a Dios. Kasawhohok sat kamásesók táxa ekyókxoho xa, cham'a ekhem nelyekpelchamáxchexa sat, yakwánxa sat kólmasésók énxet'ák elmasagcha'a nak apkeltémakxa.

2 SAN PEDRO 2:9

Ey'asagkohok cha'a aptemésesakxa Wese' egegkok emyók ma'a énxet ektaha nak appagkanchásamap Dios, ey'asagkohok nahan cha'a yakwánxa etnésesek ellegásesagkohok ma'a énxet'ák elmasagcha'a nak apkeltémakxa, ekweykmoho ekhem nelyekpelchamáxchexa sat.

HEBREOS 2:3

¿Háxko sat antehek ólegketaxchek negko'o mantakmelchesa enxoho m'a nelwagkásamáxche teyp ektaha nak ektakmela agko'? Wese' egegkok Jesús apagko' axta ektaha aplegaso apmonye xa nelwagkásamáxche teyp nak, axta senxekmóso negko'o ektaha ekmámnaksoho m'a énxet'ák ektaha axta apkellegé.

SAN MATEO 11:21

“Sagkek sat katnehek kéltemésesakxa kéxegke kélheykha nak tegma apwányam Corazín, sagkek sat nahan katnehek kéltemésesakxa kéxegkáxa kélheykha nak tegma apwányam Betsaida, hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánamáxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, énegkenagkok axta anhan apyetseksa'ák táhap.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.

APOCALIPSIS 20:12

Ekwet'ak axta ko'o apchakneyncha'a amonye ekyetnakxa taháno ektakmalma énxet'ák apkeletsapma axta, cham'a meyke kéláyo nak tén han ma'a ekyawe kéláyo nak. Kélmeykásegkek axta weykcha'áhak, axta anhan kélmeykásak ma'a mók weykcha'áhak eknaktáxésamaxchexa nak apkelwesey m'a peya nak elxawagkok ekyennakte apnenya'ák. Kéltemék axta sekxo' kélyekpelchémo énxet'ák, cham'a ektémakxa enxoho aksok apkeláneyak, keñe axta anhan kéltaha kélyekpelchémo m'a ektémakxa nak ekyetno weykcha'áhak eknaktáxésamaxche apkeltémakxa xa énxet'ák ektaha axta apkeletsapma.