SAN MATEO 11:21 - Lengua Sur (Enxet) Nuevo Testamento

²¹ “Sagkek sat katnehek kéltemésesakxa kéxegke kélheykha nak tegma apwányam Corazín, sagkek sat nahan katnehek kéltemésesakxa kéxegkáxa kélheykha nak tegma apwányam Betsaida, hakte kaxtemek axta elánamáxche aksok sempelakkaso agweta' ma'a tegma apwányam Tiro tén han ma'a Sidón, cham'a elánamáxko axta kélnepyeseksa kéxegke, nano' axta elyakmagkasek apwáxók, exekmóshok axta anhan aptamhágkaxa apkelyakmagkasa apwáxók, elántaxnekxak axta m'a apáwa sẽlwaxkamo nak, énegkenagkok axta anhan apyetseksa'ák táhap.

SAN MATEO 11:21 Referans Kwoze

LOS HECHOS 12:20

Apkeltaknagkamók apagko' axta wese' Herodes énxet'ák apheykha tegma apwányam Tiro tén han ma'a Sidón, wánxa agkok, hawók axta eyke mók apkelpakmeyesma xa énxet'ák nak yakwayam elmahagkok aphakxa Herodes, aplekwokmók axta apkeltamho epasmok ma'a énxet apwesey axta Blasto, apkemha apmonye aptakmelcheso Herodes aksok apagkok axta m'a. Blasto axta kélásenneykxak kélmaxné Herodes yakwayam elásekhekxohok makham, hakte elxawagkohok axta cha'a nento eñama aphakxa wese' apwányam Herodes xa énxet'ák apheykha nak Tiro tén han ma'a apheykha nak Sidón.

SAN JUAN 12:21

Apyo'ókmek axta Felipe xa énxet'ák nak, cham'a Felipe aptaha axta apkeñama tegma apwányam Betsaida, yókxexma Galilea. Entahak axta amya'a apcháneyákpo Felipe s'e: —Wese', neltamhok negko'o agwetak Jesús.

SAN LUCAS 9:10

Xama axta apkelwákxo aphakxa Jesús ma'a apkeltámeséyak, apkeltennáseyha axta Jesús ma'a ektahakxa axta aksok apkeláneyak. Mók nekha axta apkelya'ásak Jesús apxakcha'awók xa, axta apkelya'áseykxak ma'a nátegma eltamhomaxchexa axta Betsaida.

SAN MARCOS 6:45

Apkeltamhok axta Jesús elchenátwakxak apkeltámeséyak yántakpayhe natámen xa, apkeltamhok axta elyeykhekxak apmonye'e neyp yakwayam elwakxak ma'a tegma apwányam Betsaida, keñe axta Jesús apkeláphasa énxet'ák.

SAN MATEO 15:21

Apxegkek axta Jesús apkeñama m'a, axta apmahágkok ma'a yókxexma Tiro tén han ma'a Sidón.

SAN JUDAS 1:11

Sagkók sat katnehek kéllegasáseykegkoho xa énxet'ák nak, hakte apkelyetleykekxek ma'a aptémakxa axta Caín. Selyakye apkelmopmenyého nahan keñamak apkelxeganeykmo, ekhawo aptémakxa axta Balaam, eletsapok sat nahan eñama apkelenmexeykha apnámokkok xa énxet'ák nak, ekhawo aptémakxa axta Coré.

SAN JUAN 1:44

Nátegma Betsaida axta apkeñamak Felipe, cham'a apkeleñamakxa axta Andrés tén han Pedro.

SAN LUCAS 6:17

Aptekkek axta Jesús néten egkexe yetlo xa énxet'ák nak. Apkenegwakteyk axta ekpayhakxa axta xóp. Axta nahan apchaknákxak apxámokma ektaha apyetleykha m'a, apxámok axta anhan énxet'ák apkeleñama m'a ekyókxoho yókxexma Judea, tén han apkeleñama m'a tegma apwányam Jerusalén, tén han apkeleñama m'a nepyáwa tegma apwányam Tiro tén han ma'a tegma apwányam Sidón, apheykegko axta neyáwa wátsam ekwányam. Apkelwokmek axta yakwayam enxoho yeyxwomhok Jesús apkeltenneykha, tén han yának kóltakmelchesesók ma'a ektémakxa axta apkelháxamap.

SAN MARCOS 8:22

Apkelwokmek axta tegma Betsaida, kélyentegkesek axta Jesús xama énxet meyke apakta'ák, kéltamhok axta anhan epaknegwomho'.

SAN MARCOS 7:31

Apxegákxeyk axta makham Jesús apkeñama m'a yókxexma Tiro, apyeykhágwokmek axta tegma apwányam Sidón, apkelyeykhágkek axta nahan tegma apwányam yókxexma Decápolis, apwokmek axta wátsam ekpayhegwayam Galilea.

SAN MARCOS 3:8

Xama axta eklegáxko ektahakxa aksok apkelané Jesús, apxámok axta anhan énxet'ák apkeleñama Judea apteyánegwokmoho, Jerusalén axta anhan apkeleñamak énxet, tén han apkeleñama m'a yókxexma Idumea, axta anhan apkeleñamak ma'a neyp wátsam Jordán ekpayho nak ekteyapmakxa ekhem. Axta anhan apkeleñamak énxet ma'a nepyáwa tegma apwányam Tiro tén han ma'a Sidón.

SAN MATEO 18:7

¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

SAN MATEO 11:22

Wánxa agkok, eltennásek eyke ko'o peya kóllegásesagkohok ekmaso agko' kéxegke, megkaxók sat kéllegasáseykegkoho m'a énxet'ák apheykencha'a axta tegma apwányam Tiro, tén han ma'a tegma apwányam Sidón, cham'a ekhem nelyekpelchamáxchexa sat.

LOS HECHOS 27:3

Mók ekhem axta entahak nelwákxo tegma apwányam apyetno nak neyáwa wátsam apwesey nak Sidón, tásek axta aptemésesakxa Julio aptaha axta sẽlpextétamo apwese' Pablo nelwokmo axta m'a, apcha'awók axta etnehek meyk'a énxet'ák ektaha axta apkelásekhayókxa Pablo, apkeltamhok axta nahan emok takha' xa énxet'ák nak.

SAN LUCAS 4:26

Axta eyke kólaphasók Elías yakwayam epasmok tampe' ekheykha axta Israel xama enxoho, wánxa axta m'a tampe' ekha axta nátegma Sarepta, keto' axta tegma apwányam Sidón ma'a.

SAN MARCOS 7:24

Apxegkek axta Jesús apkeñama m'a, yókxexma Tiro axta apmahágkok. Aptaxnegwokmek axta xama tegma meltamho étakpok; mopwanchek axta eyke apmoko exyenmok.

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

APOCALIPSIS 6:12

Xama axta ekwokmo seis apleklo Nekkések Apketkok yampápa kélapma, enmexawok axta ko'o, keñe axta ektepa ekyawheykha xóp. Peysamákxek axta anhan ekhem ektémol'a apáwa appeysyam nentaxno magkenatchesol'a apketsapma egmók, apyexwasé axta nahan aptamhákxak pelten, máxa axta aptahak ma'a ektémakxal'a éma,

APOCALIPSIS 11:3

Aláphaksek sat ko'o apkánet ektaha nak ekmámnaksoho apkelxeyenma amya'a ahagkok, yetlo apkelántaxno apáwa sẽlwáxakxamo nak, ellegaksek sat nahan ko'o sekpeywa ekweykmoho mil doscientos sesenta ekhem.”