SAN MATEO 11:17 - Lengua Sur (Enxet) Nuevo Testamento

¹⁷ ‘Nelpáwásek negko'o yámámok nempáwasól'a, keñe kéxegke megkólnéweyncha'a, nelmeneykmásek negko'o negmeneykmaso senlapwagkasamol'a, keñe kéxegke megkóllekxagweyncha'a.’

SAN MATEO 11:17 Referans Kwoze

SAN MATEO 9:15

Aptahak axta apchátegmowágko Jesús se'e: —¿Kallapwomagkok enxeykel'a énxet'ák kéláneyeykha yakwayam epásegwók elyamhopma, neyseksa apha enxoho makham énxet yakwayam kalyamhápok nepyeseksa? Kammok sat ekhem yakwánxa kólyentemekxak énxet yakwayam nak kalyamhápok, keñe sat metawagkek aptéyak.

SAN MATEO 9:23

Xama axta apwokmo Jesús ma'a judíos apkemha apmonye apagkok apxagkok, apwetágwokmek axta apkeláneykxo aptahakxa yakwayam elpawaksek apkelmeykha m'a énxet'ák apkelpáwasamo axta cha'a apkelmeykha peya enxoho kólatawónek kélhápak, apwetágwokmek axta anhan apkellekxagweyncha'a énxet'ák ekyennakte agko'.

SAN LUCAS 15:25

“Yókxexma axta aptamháha apketche metnaha apketkok. Xama axta aptakháwo, apchágketchesakxeyk axta apxagkok, keñe axta apleg'a apkelpáwaso énxet, tén han ma'a eknéwomáxche.

SAN MATEO 11:16

“¿Yaksak ko'o ewanchek axnéshok énxet'ák keso negwánxa nak? Máxa m'a sakcha'a létkók ekheykhal'a ekyawakxal'a exma apheykegkaxa énxet'ák, ektémol'a kalyennaktéshok elpeywa kának elxegexma'a s'e:

SAN MATEO 11:18

Apwa'ak axta Juan aptaha axta meto apto tén han meya vino, apyókxoho énxet axta apkelxeyenmak ekyetna kelyekhama' Juan,

SAN LUCAS 7:32

Máxa m'a sakcha'a létkók ekheykegkohol'a kanéwagkok apheykegkaxal'a énxet aptémol'a elyennaktéshok apkelpeywa yának apkelxegexma'a s'e: ‘Nelpáwásek axta negko'o yámámok nempáwasól'a, keñe axta kéxegke megkólnéweyncha'a, nelmeneykmásek axta eykhe negmeneykmaso senlapwagkasamol'a, axta eyke kóllekxagweyha kéxegke.’

SAN LUCAS 8:52

Apyókxoho énxet axta apkellekxagweyha, chakhak axta apwáxók. Wánxa agkok, aptahak axta apkeláneya Jesús se'e: —Nágkóllekxagwaha, megkatsapak se'e kelán'a étkok nak, tenche'.

SAN LUCAS 23:27

Apxámok axta énxet apyetlo Jesús, tén han kelán'ák. Kellekxagweyha axta elano Jesús, kelpayheyha axta anhan atña'ák eñama ellapwámeyak.