SAN MATEO 11:11 - Lengua Sur (Enxet) Nuevo Testamento

¹¹ Méko xama énxet apyeykhágweykmoho Juan el Bautista nepyeseksa apyókxoho énxet'ák nak; keñe m'a énxet apteme nak kónegók ma'a aptémakxa nak Wese' apwányam Dios ma'a néten, mexnawok Juan el Bautista m'a.

SAN MATEO 11:11 Referans Kwoze

SAN LUCAS 7:28

Eltennásek ko'o kéxegke méko xama énxet apyeykhágweykmoho Juan nepyeseksa apyókxoho énxet nak; Keñe m'a énxet ekmasextoho nak kéláyo nepyeseksa énxet'ák apheykha nak ma'a aptémakxa nak Wese' apwányam Dios, mexnawok Juan ma'a.

EFESIOS 3:8

Ko'o eyke sekteme kónegók ahagko' nepyeseksa m'a elyáxeg'a ektaha nak Dios énxet'ák apagkok, cham'a apteme nak kóneg; Egkések axta eyke aksa ko'o Dios ektakmela sektamheykha yakwayam atnehek seltennáseykha amya'a ektakmela m'a énxet'ák metnaha nak judíos cham'a amya'a ekxeyenma nak ekxámokma agko' aksok eltakmela eleñama nak Cristo.

SAN JUAN 1:15

Apkeltenneykha axta Juan apxeyenma aptémakxa m'a. Aptahak axta apxéna s'e: “Cháxa sekxeyenma axta cha'a ko'o seltenneykencha'a xa, sektéma axta cha'a sekpeywa s'e. Enxet peya nak ewak netámen, apteme maxnawo ko'o, hakte aphegkek axta meykexa ko'o.”

SAN MATEO 5:19

Kéxegke ektahakxa enxoho megkólyaheykekxoho nekha ekxeyenma xa segánamakxa nak, ketsék eykhe katnehek, tén han megkólxekmósa enxoho énxet yakwayam elyahakxoho, kónegók sat kóltemésesek ma'a aptémakxa nak Wese' apwányam Dios, keñe m'a énxet ektaha nak apkelyaheykekxoho tén han ma'a ektaha nak apkelxekmósamo apnámokkok, ekha kéláyo sat kóltemésesek ma'a aptémakxa nak Wese' apwányam Dios.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN LUCAS 9:48

Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

1 SAN PEDRO 1:10

Apkeltámesamakpek axta énxet'ák ektaha axta apkellegaso Dios appeywa ektémakxa xa nelwagkásamáxche teyp nak, apkeltémók axta nahan elya'ásegwomhok ektémakxa, cham'a nano' axta. Apkelxeyenmék axta nahan ma'a apmáheyo nak egkések kéxegke Dios, eñama m'a ektémakxa nak segemleykekxoho.

HEBREOS 11:40

apkeláneykxeyk axta Dios aksok ektaha nak ektakmela agko', hakte negko'o axta xeyenmak apwáxok, yakwayam enxoho kóltemésesek apkelpéwomo xa énxet'ák nak eñama segyepetcheyo negko'o.

1 CORINTIOS 15:9

Ko'o eyke sekteme kóneg nepyeseksa énxet'ák seykha amya'a nak, megkapayhawok nahan altamhaxchek ko'o seykha amya'a, hakte ekmenxeneykha axta Dios énxet'ák apagkok.

1 CORINTIOS 6:4

Yetneyk agkok kéxegke kélpakmeteykha eñama megkaleklo kélwáxok ektahakxa kélweté keso negwánxa nak, ¿yaksak ektaha kéltegya'a nak segyekpelchémo énxet metnaha nak appasmo kélakneykekxexa?

SAN JUAN 10:41

Apxámok axta énxet'ák apteyánegweykmoho Jesús. Aptahak axta anhan apkelpakmeta s'e: —Nakso' axta eykhe meláneya Juan aksok sempelakkaso nak agweta', nakso' eyke entemék ma'a ektémakxa axta apkeltenneykha Juan apxeyenma xa énxet nak.

SAN JUAN 3:30

Kayawagkok sat nahan kélteme kéláyo m'a, keñe sat ko'o kaweywentak kélteme seláyo.

SAN JUAN 5:35

Máxa axta Juan ma'a chálewaso eyálewe elsáseykmohol'axma, yakwatakxoho axta leyawok kélwáxok kéxegke elseyexma apagkok.

SAN JUAN 1:27

cham'a peya nak ewak netámen ko'o. Mehepayhawok nahan ko'o alhexyawásesek axát'ák apkeltéto apmagkok.

SAN JUAN 7:39

Axta apxénak Jesús ma'a énxet ektahakxa enxoho apteme mey'áseyam peya exkak Espíritu, hakte axta eweyk makham Espíritu. Axta anhan kóltemésesók apcheymákpoho Jesús ma'a.

EFESIOS 2:3

Nentemegkek axta anhan negko'oxa negyókxoho xa nano' nentémakxa nak, negyetleykekxo m'a aksok negyespagkamakxa nak, ólyahakxohok axta cha'a ekyókxoho aksok negmokókxa enxoho anlána', negyetleykekxeyk axta ektémakxa elchetamso egwáxok. Axta keñamak eyéméxko henlegásesagkohok ekmaso agko' Dios eñama xa nentémakxa ekmaso nak, ekhawo nahan ma'a apxámokxoho énxet'ák nak.

2 TIMOTEO 1:10

enxekmósek kaxwo' negko'o m'a segásekhayo nak, cham'a apwa'a axta Wese' egegkok Jesucristo aptaha nak segwagkaso teyp, aptaha nak han apmaséso m'a ektémakxa axta ekmowána nétsapma, cham'a appekkenákxo axta yáxñakxoho m'a ekyennakte egnenyek megkatnegwayam enéxa nak, eñama m'a amya'a ektakmela nak.

SAN LUCAS 1:15

hakte ekha kéláyo sat kóltehek nápakto' Dios ma'a apketche peya nak etyamok. Ménhek sat vino tén han ma'a anmen agko' nak, elánhok sat nahan apwáxok Espíritu Santo amonye aptéyam ma'a.

SAN MATEO 3:1

Apwokmek axta Juan el Bautista yókxexma meykexa énxet ma'a Judea, cham'a ekhem axta, apkeltennáha axta anhan.

SAN MATEO 11:10

Juan axta m'a ektéma axta ekxeyenma eknaktáxésamaxche s'e: ‘Eyáphásek ko'o seykha amya'a ahagkok apmonye exchep, yakwayam enxoho elanaksek ámay.’

SAN MATEO 11:12

“Apkellegágkok makham Dios énxet'ák apagkok ekwokmoho keso kaxwo' nak, eyeynamókxa axta m'a apwaya axta Juan el Bautista. Keñe m'a énxet apchásenneykekxa nak apkelyennakte apkelenxáneykmek emasésók ma'a aptémakxa nak Wese' apwányam Dios.