SAN MATEO 11:1 - Lengua Sur (Enxet) Nuevo Testamento

¹ Xama axta appenchesa Jesús apméso appeywa doce apkeltámeséyak, apxegkek axta apkeñama m'a, yakwayam enxoho elxekmósek énxet'ák, tén han eltennasha m'a amya'a eñama nak Dios, ekyókxoho nátegma xa yókxexma nak.

SAN MATEO 11:1 Referans Kwoze

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

SAN LUCAS 8:1

Apxámok axta apyawakxa tegma apmaheyak cha'a Jesús tén han ma'a nátegma apheykegkaxa axta cha'a énxet, natámen xa. Apkeltenneykha axta cha'a apxeyenma m'a aptémakxa nak Wese' apwányam Dios. Axta apkelxegexma'a m'a doce apkeltámeséyak axta,

SAN MATEO 9:35

Apweynchámeyha axta Jesús ekyókxoho nepyeseksa tegma apwányam, tén han ekyókxoho nátegma, apkelxekmósegkek axta cha'a énxet'ák kañe' apchakneykekxexa énxet'ák judíos ekyókxoho yókxexma. Aplegasegkek axta anhan amya'a ektakmela ekxeyenma nak ma'a aptémakxa nak Wese' apwányam Dios, apmasésegkek axta anhan ma'a ekyókxoho ektémakxa nak negháxamáxche, tén han ma'a nenlegeykegkoho ekmáske nak.

2 TESALONICENSES 3:10

Antamhohok axta cha'a agának kéxegke negheykencha'a axta kélnepyeseksa s'e: kéxegke ektahakxa enxoho megkólmáheyo kóltemeykha, megkólxakyek sat kélto.

2 TESALONICENSES 3:6

Elyáxeg, neltennásek negko'o kéxegke yetlo nenxeyenma Jesucristo Wese' egegkok apwesey, neltamho megkólyepetchaha egyáxeg nentémo xamo' magya'áseyam, memáheyo nak etneykha, cham'a meláneya nak han ma'a nentahakxa axta nelxekmóso negko'o kéxegke.

1 TESALONICENSES 4:2

Kélya'ásegkok kéxegke neltamhókxa axta kóltehek eñama m'a apkeltémókxa nak antehek Wese' egegkok Jesús.

LOS HECHOS 10:42

Ẽláphásek axta negko'o Jesús yakwayam óltennasha énxet'ák apcháphásama Dios yakwayam etnehek apkelyekpelchémo m'a énxet'ák meletsapma nak, tén han ma'a apkeletsapma nak.

SAN JUAN 15:14

Kéllanak agkok kéxegke m'a seltémókxa nak kóltehek, kélteme kéxegke enámokkok.

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN MATEO 28:20

Kóltamesák nahan yakwayam enxoho elyahakxohok ma'a ekyókxoho seltémókxa nak kóltehek kéxegke. Axek sat eyke cha'a ko'o kélnepyeseksa kéxegke ekyókxoho ekhem ekwokmoho ektemegwánxa néxa ekhem.

SAN MATEO 7:28

Xama axta appenchesa apkeltenneykha Jesús, pelakkasek axta apwet'a énxet'ák ektahakxa axta apkelxekmóso Jesús,

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

1 TIMOTEO 6:14

elyahakxohok ma'a sektahakxa nak seyáneya exchep, meyke apxegánegkeseyam xa sektahakxa nak seyáneya, yakwayam enxoho méko kawának kaxénchásekxohok aptémakxa exchep. Etne sat cha'a xa ektaha nak, ekwokmoho apwakto Wese' egegkok Jesucristo.

SAN MARCOS 6:12

Apkelxegkek axta Jesús apkeltámeséyak natámen xa, yakwayam enxoho yának etnekxak melya'áseyam Dios énxet'ák.

SAN LUCAS 23:5

Apyánchesakmók axta eyke apkelyennaktésamo apkelpeywa. Aptahak axta s'e: —Apkelyáteyagkok etekkesek ekmaso apyókxoho énxet negheykegkaxa eñama m'a ektémakxa nak apkelxekmóso. Axta apchénawók aptekkeso ekmaso m'a Galilea, temék nahan kaxwo' se'e Judea.