SAN MATEO 10:5 - Lengua Sur (Enxet) Nuevo Testamento

⁵ Apkeláphásek axta Jesús xa doce apkeltámeséyak nak yetlo apméso appeywa ektéma nak se'e: “Nágkólmohok sekxo' yókxexma apheykegkaxa nak énxet'ák metnaha nak judíos, nágkólántaxnegwom nahan nepyeseksa tegma apwányam yókxexma Samaria;

SAN MATEO 10:5 Referans Kwoze

SAN JUAN 4:9

Entahak axta eyátegmowágko kelán'a s'e: —¿Yaksak ektaha selmaxneya nak yegmen?, xép neykhe apteme judío, ko'o eyke sekteme Samaria kelán'a. Hakte mepakhetchesek axta cha'a énxet'ák judíos ma'a apheykha nak Samaria.

1 TESALONICENSES 2:16

Negmokók agkok cha'a negko'o óltennasha amya'a eñama Dios ma'a énxet'ák metnaha nak judíos yakwayam enxoho nahan elwagkasakpok teyp, wánxa agkok, meheghók eyke cha'a énxet'ák judíos. Cháxa ektahakxa nak ekyeykhágwokmoho apteme melya'asáxma xa. Kaxwo' eyke, wa'ak yakwayam ellegásesagkohok ekmaso agko' Dios xa énxet'ák nak.

SAN LUCAS 17:16

Apkeltekxekwákxeyk axta aptapnák apkenmágkaxa Jesús, apkelpólentek axta anhan náxop yakwayam egkések ekpayheykekxa apwáxok Jesús. Samaria axta apkeñamak xa énxet nak.

LOS HECHOS 10:45

Pelakkasek axta apkelwet'a m'a énxet'ák judíos melya'áseyam axta Jesús aptaha axta apkelxegexma'a Pedro apkelwokmo m'a, cham'a apkelxawágko axta Espíritu Santo énxet'ák metnaha nak judíos,

SAN LUCAS 9:2

Apkeláphásek axta yakwayam enxoho eltennaha m'a aptémakxa nak Wese' apwányam Dios, tén han eltakmelchesók ma'a elháxamáxche.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN JUAN 20:21

Keñe axta aptaha makham apkeláneya Jesús se'e: —¡Meyke ektahakxa kélwáxok sat katnehek kéxegke! Eláphásek ko'o kéxegke ekhawo ektahakxa axta seyáphaso ko'o Táta.

SAN JUAN 7:35

Keñe axta aptaha apkelpakhetcháseykpoho énxet'ák judíos se'e: —¿Háxko apmokókxa emhagkok apxéna nak magwanchek agwetekxa'? ¿Enxeykel'a peyk emhagkok ma'a apheykegkaxa nak judíos apkekhegwayam nak mók nekha, yakwayam enxoho elxekmósek énxet'ák melya'áseyak nak Dios?

SAN JUAN 4:5

Apwokmek axta Jesús nátegma ekwesey Sicar yókxexma Samaria, keto' axta xóp apmeyáseykekxexa axta apketche Jacob ma'a, cham'a apketche apwesey axta José, appagkancheso axta yakwayam egkések.

SAN LUCAS 10:33

Appéwok axta anhan apxega xama énxet apkeñama Samaria m'a ámay nak. Xama axta apwet'a, apyósek axta apkelano.

SAN MATEO 4:15

“Yókxexma apheykegkaxa nak Zabulón énxet'ák apagkok tén han ma'a Neftalí, cham'a ekpayho nak neyp wátsam Jordán, ekpayho nak han neyáwa wátsam ekwányam, tén han ma'a yókxexma Galilea, apheykegkaxa nak énxet'ák melya'áseyak nak Dios.

LOS HECHOS 8:1

Apkenmáha axta nahan Saulo m'a. Leyawók axta apwáxok ektahakxa apmatña Esteban. Cháxa ekhem eyeynókxa axta kélmenxeneykha ekwányam énxet'ák ektaha axta melya'áseyam Jesús ma'a tegma apwányam Jerusalén. Apkexpakneyk axta apyókxoho énxet apteme axta melya'áseyam ma'a yókxexma Judea tén han ma'a Samaria. Axta eyke elxegak ma'a énxet'ák seykha amya'a.

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN JUAN 4:20

Apkelpeykesamok axta cha'a Dios ẽlyepmeyk nano' negko'o s'e néten egkexe nak, apkelánamákpoho apkeleñama nak Samaria, keñe kéxegke kéltaha nak judíos kélxeyenma eyéméxko kólpeykeshok Dios ma'a tegma apwányam Jerusalén.

SAN LUCAS 10:1

Apkelyésáha axta anhan Wese' egegkok setenta y dos énxet natámen xa, apkánet axta cha'a apkeláphásak Jesús amonye apxega, apkeláphásek axta elmahagkok yókxoho nátegma, cham'a apmokókxa axta emhagkok Jesús.

SAN MATEO 22:3

Apkeláphásek axta apkelásenneykha apkeltamho eltennásekxak ma'a énxet'ák ektaha axta apkeláneyeykha, axta eyke emokok epásegwók xa énxet'ák nak.

SAN MARCOS 6:7

Apkelwóneyha axta Jesús doce apkeltámeséyak, apkánet axta cha'a apkeláphásak, apkelmések axta apkelmopwancha'a elántekkesek espíritu elmasagcha'a.

SAN LUCAS 9:1

Apchánchesákxeyk axta Jesús doce apkeltámeséyak, apkelmeyásegkek axta apkelmopwancha'a yakwayam elántekkesek ekyókxoho ektémakxa kelyekhama', tén han yakwayam eltakmelchesók ma'a elháxamáxche.

SAN JUAN 17:18

Eláphásek nahan ko'o xa nepyeseksa énxet'ák apkelyetleykekxa ektémakxa náxop xa énxet'ák nak, ekhawo ektahakxa axta nahan seyáphaso exchep nepyeseksa énxet'ák keso náxop.