SAN MATEO 10:41 - Lengua Sur (Enxet) Nuevo Testamento

⁴¹ Kéxegke ektahakxa enxoho kélma takha' xama énxet aptaha nak aplegaso Dios appeywa, aptaha nak nahan apkeñama Dios, kólxawak sat aksok ekhawo m'a kélmésamol'a cha'a énxet aptaha nak aplegaso Dios appeywa; kéxegke ektahakxa enxoho kélma takha' énxet ektakmela nak aptémakxa, eñama apteme ektakmela aptémakxa, kólxawak sat aksok ekhawo m'a kélmésamol'a cha'a énxet ektakmela nak aptémakxa.

SAN MATEO 10:41 Referans Kwoze

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

2 SAN JUAN 1:8

Kólleyxmakha cha'a kéxegke yakwayam enxoho megkamassegwomek ma'a kélweté axta ekyakmageykekxa eñama kéltamheykha, yakwayam enxoho kasawhaxkohok kélxawé m'a aksok kélxawé naksa nak.

1 CORINTIOS 9:17

Elanak agkok ko'o sektamheykha eñama nak ma'a sekmáheyo ahagko' nak altennaha, payhawók aleyxek hegkések Dios ekyanmaga sektamheykha; elanak agkok ko'o sektamheykha eñama selyáteyeykegkoho, cháxa selana ko'o apkeltamhókxa alának Dios xa.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 6:18

yakwayam enxoho mékpelchek énxet'ák megkóltawa kélto kélpeykáso Dios. Wánxa sat ey'asagkohok ma'a Kélyap apha nak néten, aptaha nak han kélxegexma neyseksa kélteme kéxakko' xa, egkések sat nahan aksok apméso naksa kéxegke.

ROMANOS 16:23

Apcháphásesek nahan ekxeyenma apwáxok Gayo, sekha nak ko'o apxagkok, apchakneykekxohol'a cha'a apxagkok apyókxoho énxet'ák ekha nak melya'áseyam. Apcháphásesek nahan ekxeyenma apwáxok kéxegke Erasto, aptaha nak apkelmeykha selyakye s'e tegma apwányam nak. Apcháphásesek nahan ekxeyenma apwáxok egyáxeg Cuarto.

SAN MATEO 6:6

Kéltemék agkok kéxegke nempeywa nelmaxnagko, kóltaxnegwakxa kañe' kélxagkok, kólápekxoho nahan átog, kólmaxna Kélyap Dios aptaha nak kélxegexma neyseksók kélteme nempeywa nelmaxnagko kélxakko'. Egkések sat nahan aksok apméso naksa m'a Kélyap Dios aptaha nak apwetayo neyseksók kélyexamaxkoho kélteme nempeywa nelmaxnagko.

LOS HECHOS 16:15

Kélyakpásesek axta yegmen xa kelán'a nak, tén han ma'a ekyókxoho ekheykha nak axagkok. Keñe axta ektaha sẽláneya s'e: —Nakso' agkok kélyekpelchawo kéxegke sektaha ko'o may'áseyam Wese' egegkok, kólhem exagkok. Keltamhok axta anhan aghók ma'a.

SAN MATEO 6:4

kólyexaxkoho sat cha'a kóltehek xa, étak sat kéltahakxa kéxegke m'a Kélyap apha nak néten, cham'a kélyexamaxkoho nak cha'a kélláneya, egkések sat kéxegke aksok apméso naksa.

SAN MATEO 6:1

“Nágkóllána aksa kéltamheykha ektakmela yakwayam enxoho kólxekmósho kéltahakxa énxet'ák. Kéltemék agkok kéxegke xa, megkések sat xama aksok apméso naksa Kélyap apha nak néten.

SAN MATEO 7:8

Kéxegke ektahakxa enxoho kélmaxnagko, kólxawak sat; keñe kéxegke ektahakxa enxoho kélchetamso, kólwetekxak sat; keñe kéxegke ektahakxa enxoho kélpakméswayam nekha átog, kólmeykesesek sat.

SAN MATEO 25:44

Keñe sat etnehek elátegmowagkok énxet'ák se'e: ‘Wese', ¿Yaksak axta ekhem negwetaya exchep eyakhama meyk tén han eyakhama ekhem, tén han negwetaya apkeñémeya makhawo', tén han negwetaya aptéma meyke apáwa, tén han negwetaya apháxamákpo, tén han kélhéseykmo sẽlpextétamakxa, keñe negko'o mampasmoma?’

SAN MATEO 25:45

Keñe sat etnehek yátegmowagkok Wese' apwányam se'e: ‘Eltennásek ko'o kéxegke kéltemésesama nak cha'a énxet'ák ahagkok meleymákpoho xa ektaha nak, eltemésesegkek nahan ko'o xa mehelpasmoma xa ektaha nak.’