SAN MATEO 10:35 - Lengua Sur (Enxet) Nuevo Testamento

³⁵ Ekwa'ak axta ko'o yakwayam atnesásekxak apkenmexma apyap énxet, keñe kelán'a katnehek enmexma m'a egken, keñe katnekxak enmexma yepyámog ma'a atánegken;

SAN MATEO 10:35 Referans Kwoze

SAN MATEO 10:21

“Yának sat etekyók apkelyáxeg énxet, keñe sat apyepmeyk yának etekyók ma'a apketchek; keñe sat ma'a kélketchek etnekxak apkenmexma apyepmeyk, elnápekxak sat nahan.

SAN LUCAS 21:16

Kawomhok sat appelakkaseso yának kólmaxchek kéxegke m'a kélyap, tén han kélchána, kélyáxeg, tén han ma'a kélteme kélnámokkok, tén han ma'a kélxegexma'a nak. Kóltekyók sat nahan kélnápakha kéxegke,

SAN MARCOS 13:12

Yának sat etekyók apkelyáxeg énxet, keñe sat apyepmeyk yának etekyók ma'a apketchek; keñe sat kélketchek etnekxak apkelenmexma m'a apyepmeyk, ennápekxak sat nahan.

SAN MATEO 24:10

Apxámok sat énxet apkelyenseyam apteme melya'áseyam ma'a ekhem sat, etaknaweykxak sat cha'a pók apagko' énxet, etlakkasesek sat nahan cha'a yának emakpok pók.

SAN LUCAS 12:53

Yenmexekxak sat apketche énxet, keñe sat ma'a apketche yenmexekxak apyap; kanmexekxak sat étche m'a kelán'a, keñe sat étche kanmexekxak ma'a egken; enmexma sat katnekxak yepyámog ma'a atánegken, keñe sat atánegken katnekxak enmexma m'a yepyámog.”