SAN MATEO 10:33 - Lengua Sur (Enxet) Nuevo Testamento

³³ keñe m'a énxet mehexeyenma nak ko'o nápakta'awo' énxet'ák, maxének sat nahan ko'o xa nápakto' ma'a Táta apha nak néten.

SAN MATEO 10:33 Referans Kwoze

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

SAN LUCAS 9:26

Agkok exénak énxet aptaha sétleykha ko'o, tén han meltenneyncha'a enxoho m'a amya'a ahagkok, mexének sat nahan apwesey m'a aptaha nak Apketche énxet, cham'a apwakto sat yetlo apcheymákpoho, tén han apcheymákpoho m'a Apyap, tén han yetlo m'a apkelásenneykha apkelpagkanamap nak.

SAN LUCAS 12:9

Enxet mexeyenma nak ko'o sekwesey nápakta'awo' énxet'ák, megkólxének sat nahan apwesey nápakta'awo' Dios apkelásenneykha.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

2 SAN PEDRO 2:1

Yetneyk axta anhan énxet'ák Dios appeywa apkellegaso apkelmopwána amya'a nepyeseksa énxet'ák Israel. Sat nahan katnehek kélnepyeseksa kéxegkáxa, etyapok sat kélnepyeseksa kéxegke énxet'ák apkelxekmóso apnámokkok megkamámnaksoho nak. Etakmelcheshok sat elyexakpohok elxekmósek énxet'ák ma'a ektémakxa nak elchetamso apwáxok sẽtsagkasamo nak, mexének sat Jesús aptaha Wese' apagkok, aptaha axta apkelwagkaso teyp xa énxet'ák nak, eñama aptamhéyak xa ektaha nak. Cháxa peya nak kañék ekmanyehe kélmaséseyam xa énxet'ák nak.

SAN MARCOS 14:30

Aptahak axta apchátegmowágko Jesús se'e: —Antanxo sat katnehek xép mexeyenma sekwesey keso axta'a nak, amonye ekteme ánet elpáwa tat'a. Nakso' xa sektahakxa nak sekpeywa seyáneya exchep.

SAN MARCOS 8:38

Agkok exénak énxet aptaha sétleykha ko'o, tén han meltenneyncha'a enxoho amya'a ahagkok nápakta'awo' ma'a énxet'ák apyenseyam nak apkelyetlo Dios, tén han ma'a melya'asáxma nak, mexének sat nahan apwesey aptaha nak Apketche énxet ma'a, cham'a apwakto sat yetlo apcheymákpoho eñama Apyap, tén han yetlo m'a apkelásenneykha apkelpagkanamap nak.

SAN MARCOS 14:72

Yetlókók axta anhan ekteme ánet ekpáweykekxa tat'a, keñe axta ekxénwákxoho apwáxok Pedro aptémakxa axta apkenagkama Jesús se'e: ‘Amonye ekteme ánet ekpáwá tat'a sat katnehek antanxo mexeyenma exchep sekwesey.’ Keñe axta apwana.

SAN LUCAS 22:57

Axta eyke exénak Pedro. Aptahak axta s'e: —Kelán'a, may'ásegkok ko'o xa ekxéna nak.