SAN MATEO 10:3 - Lengua Sur (Enxet) Nuevo Testamento

³ Felipe axta anhan ma'a, Bartolomé axta anhan; Tomás axta anhan ma'a, Mateo axta anhan, cham'a apkelmomo axta cha'a selyakye yakwayam kólmések wese' Roma; Santiago axta anhan ma'a aptaha axta Alfeo apketche, Tadeo axta anhan;

SAN MATEO 10:3 Referans Kwoze

LOS HECHOS 1:13

Xama axta apkelwákxo m'a nepyeseksa tegma apwányam, apkelchenátweykxeyk axta tegma netno', cham'a aphágkaxa axta. Pedro axta m'a, Juan axta anhan, Santiago axta anhan, tén han Andrés, Felipe, Tomás, Bartolomé, Mateo, axta nahan ma'a Santiago aptaha axta Alfeo apketche, Simón axta anhan ma'a kéltéma axta Celote, Judas axta anhan ma'a, aptaha axta Santiago apketche.

SAN MARCOS 3:18

Andrés axta anhan ma'a, Felipe axta anhan, tén han Bartolomé, tén han Mateo, tén han ma'a Tomás, Santiago axta anhan ma'a aptaha axta Alfeo apketche; axta anhan ma'a Tadeo, Simón axta anhan ma'a, kéltéma axta Celote,

SAN MARCOS 2:14

Neyseksa apxega axta apwet'a Leví, Alfeo apketche. Axta aphak ma'a apkelmomakxa axta cha'a selyakye yakwayam kólmések wese' Roma. Aptahak axta Jesús apcháneya s'e: —Hétlogma. Apkempákxeyk axta néten Leví, keñe axta apyetlawa.

SAN MATEO 9:9

Apxegákxeyk axta makham Jesús apkeñama m'a, apwetágwokmek axta xama énxet apwesey axta Mateo, cham'a aphama axta elmomaxchexa selyakye yakwayam kólmések wese' Roma. Aptahak axta apcháneya Jesús s'e: —Hétlawha ko'o. Keñe axta apkempákxo néten Mateo, apyetlókek axta anhan Jesús.

SAN JUAN 21:2

Apháha axta Jesús apkeltámeséyak ma'a: Simón Pedro, Tomás, apkeltamhomakpo axta Apkánet Appalleykmoho, Natanael axta anhan aphak ma'a, aptaha axta apkeñama Caná yókxexma Galilea, axta anhan ma'a ektaha axta Zebedeo apketchek, apháha axta anhan ma'a apkánet ektaha axta Jesús apkeltámeséyak.

SAN JUAN 11:16

Aptahak axta apkelpakhetchesa apkelxegexma'a Tomás, apkeltamhomakpo axta Apkánet Appalleykmoho s'e: —Nók negko'o xa, yakwayam enxoho ótsaphok xamo' Jesús.

SAN JUDAS 1:1

Ko'o Judas, sektaha nak Jesucristo apkeláneykha, sektaha nak han Santiago apyáxeg, ektáxésesek ko'o weykcha'áhak ma'a énxet'ák apkelásekhayókxa nak Dios Egyap, cham'a ektaha axta anhan apkelwóneykha, cham'a apkeltakmelchesama nak han Jesucristo.

SANTIAGO 1:1

Ko'o Santiago sekteme Dios apchásenneykha, sekteme nahan Jesucristo Wese' egegkok apchásenneykha, eyáphásesek ko'o ekxeyenma ewáxok doce pók aptémakxa énxet'ák Israel, apkexpakneykha nak keso náxop.

GÁLATAS 2:9

Apkelya'ásegkok axta aptaha Dios segkéso ko'o sektamheykha ektakmela Santiago, Pedro tén han Juan, cham'a apkelxénamakpo axta aptaha apkelámha apmonye'e kélakneykekxexa. Ẽlpeykásegkek axta negko'o xa énxet'ák nak, ko'o tén han Bernabé, yakwayam enxoho etnésesek ekmámnaksoho nentamheykha xamo'. Hawók axta anhan mók apkelpakmeyesma apkeltamho ólmahagkok óltemeykha negko'o m'a nepyeseksa énxet'ák metnaha nak judíos, keñe peya eltemeykha nepyeseksa énxet'ák judíos xa énxet'ák nak.

GÁLATAS 1:19

Axta eyke alwet'ak nápakha seykha amya'a, Santiago axta aksa ekwet'ak aptaha nak Wese' egegkok apyáxeg.

LOS HECHOS 21:18

Mók ekhem axta entahak sẽlyetlawa negko'o Pablo nentaha meyk'a Santiago. Apháha axta anhan apyókxoho apkelámha apmonye'e kélakneykekxexa m'a:

LOS HECHOS 12:17

Wánxa agkok apmek axta eyke aptahak Pedro apkeltamho elwanmak xa énxet'ák nak, apkeltennáseyha axta ektahakxa aptekkesa Dios apchásenneykha m'a sẽlpextétamakxa. Aptahak axta nahan apkeláneya s'e: —¡Kóltennasha sat nahan Santiago xa, tén han ma'a apkelyáxeg. Keñe axta aptepa m'a, apmeyákxeyk axta mók yókxexma.

SAN LUCAS 5:27

Apxegkek axta Jesús natámen xa, apwet'ak axta xama m'a énxet'ák ektaha axta apkelma cha'a selyakye yakwayam kólmések wese' Roma, apwesey axta Leví. Axta aphak ma'a apkelmomakxa axta cha'a selyakye. Aptahak axta apcháneya Jesús se'e: —Hétlogma.

LOS HECHOS 15:13

Xama axta apkelwáteságko apkeltenneykha, aptahak axta anhan appakmeta Santiago s'e: —Elyáxeg, heleyxho sekxo'.

SAN JUAN 14:22

Aptahak axta apkelmaxneyeyncha'a Judas se'e (háwe eyke m'a Iscariote): —Wese', ¿yaksak ektaha apmoko nak henxekmósakpohok negko'o, keñe memoko exekmósakpohok ma'a énxet'ák apkeleñama nak keso náxop?

SAN JUAN 14:9

Aptahak axta apchátegmowágko Jesús se'e: —Felipe, wegkak ko'o sekha xamo' kéxegke, ¿yahekpelchak makham xép? Enxet ektahakxa enxoho seté ko'o, apwet'ak ma'a Táta; ¿yaksak ektaha apkeltamho nak axekmósek kéxegke Táta?

SAN MATEO 27:56

María Magdalena axta eghak neyseksa xa kelán'ák nak, axta anhan ma'a María ektaha axta Santiago egken ektaha axta nahan egken ma'a José, Zebedeo aptáwa axta anhan elxegexma'a.

SAN MATEO 18:17

Agkok nahan yahaxnók apkelpeywa xa, eltennágwakxa m'a apchakneykekxexa nak énxet melya'áseyam; agkok nahan elyahákxohok apkelpeywa xa énxet'ák melya'áseyam nak, keñe sat kóltehek énxet apya'áseyam Dios ma'a, kólxének esenhan aptaha aphawo m'a énxet apkelmomol'a selyakye yakwayam egkések wese' Roma.

SAN MARCOS 15:40

Makhawók axta anhan chaknáha kelán'ák elenmexawo; María Magdalena axta anhan elxegexma'a xa kelán'ák nak, María, Santiago egken axta anhan ma'a aptaha axta apsexyo, José axta anhan egken ma'a, tén han ma'a Salomé.

SAN LUCAS 18:10

“Apkánet énxet axta apkelmeyákxak kañe' tegma appagkanamap yakwayam etnahagkok nempeywa nelmaxnagko: fariseo axta xama m'a, keñe axta pók ma'a apkelmomo axta cha'a selyakye yakwayam kólmések wese' Roma.

SAN LUCAS 18:11

Aptahak axta apkelmaxnagko énxet fariseo apkenmágkaxa s'e: ‘Oh Dios, ekmések ko'o ekxeyenma ewáxok Xép, hakte maxnawok ko'o m'a pók énxet'ák nak, ektaha nak apkelmenyexma, tén han ekmaso apkeltémakxa, tén han apnaktawáseykha elyamhápeyak, maxnawok nahan se'e énxet apkelmomo nak selyakye yakwayam kólmések wese' Roma.

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN LUCAS 19:2

Aphegkek axta anhan xama énxet ekxákma axta selyakye apagkok ma'a apwesey axta Zaqueo, apkemha apmonye nepyeseksa énxet'ák apkelma selyakye yakwayam kólmések wese' Roma axta m'a.

SAN JUAN 1:48

Aptahak axta apkelmaxneyeyncha'a Natanael se'e: —¿Háxko ektahakxa sékpelchawo nak xép? Aptahak axta apchátegmowágko Jesús se'e: —Ekwet'ak xeyk xép kóneg higo yámet amonye apwóneykha exchek Felipe.

SAN JUAN 14:5

Aptahak axta Tomás apcháneya Jesús se'e: —Wese', magya'ásegkok negko'o yakwánxa emhagkok xép, ¿háxko antehek negko'o agya'asagkohok xa ámay nak?