SAN MATEO 10:25 - Lengua Sur (Enxet) Nuevo Testamento

²⁵ Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 10:25 Referans Kwoze

SAN LUCAS 11:15

Wánxa agkok, aptahak axta apkelpakmeta nápakha énxet'ák se'e: “Kelyekhama' wese' agkok ekwesey Beelzebú nak ekméso apmopwána elántekkesek kelyekhama' xa énxet nak.”

SAN MATEO 12:24

Xama axta apkelleg'a énxet'ák fariseos xa, aptahak axta apkelpakmeta s'e: “Kelyekhama' wese' agkok ekwesey Beelzebú nak ekméso apmopwána yakwayam elántekkesek kelyekhama' xa.”

SAN MATEO 9:34

Aptahak axta énxet'ák fariseos apkelpakmeta s'e: —Kelyekhama' wese' nak ekméso apmopwána yakwayam elántekkesek kelyekhama' xa énxet nak.

SAN JUAN 7:20

Aptahak axta apkelátegmowágko énxet'ák se'e: —¿Yaksak ekmoko kakhek xép? ¡Kelyekhama' taxnak apwáxok xép!

SAN MARCOS 3:22

Aptahak axta nahan apkelpakmeta énxet'ák apkelxekmóso axta apnámokkok ektémakxa segánamakxa s'e, cham'a apkelwokmo axta apkeleñama Jerusalén: “Beelzebú nak ekméso apmopwána elántekkesek kelyekhama' xa, cham'a ektaha nak kelyekhama' wese' agkok.”

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN JUAN 10:20

Apxámok axta énxet'ák aptaha apkelpeywa s'e: —Nakso' agkok ekyetna apwáxok kelyekhama' xa, nakso' agkok nahan aptaha ekyéháxma, ¿yaksak ektaha kélyahákxoho nak aptahakxa?

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

SAN MATEO 12:27

Kélxénchek kéxegke selántekkesa ko'o kelyekhama' eñama ekmowána m'a Beelzebú, nakso' agkok ektéma xa, ¿yaksak ekméso apmopwancha'a elántekkesek kelyekhama' m'a apkelyetleykekxa nak kéltémakxa kéxegke? Cháxa keñamak ekwetáxko ekyetna megkólakhémo kéxegke xa.

SAN LUCAS 11:18

Hawók nahan ektémakxa m'a Satanás, cham'a elenmexaxchekxo enxoho, ¿háxko katnehek katepagkok ekmowána? Ektahak seláneya kéxegke xa, hakte kélxénchek kéxegke selántekkesa ko'o kelyekhama' eñama ekmowána m'a Beelzebú;

SAN LUCAS 11:19

Nakso' agkok xa kélxéna nak, ¿Yaksak ekméso apkelmopwancha'a elántekkesek kelyekhama' m'a apkelyetleykekxo nak kéltémakxa kéxegke? Cháxa keñamak ekwetamaxche megkólakhémo kéxegke xa énxet'ák nak.

SAN MARCOS 10:39

Aptahak axta apkelátegmowágko s'e: —Egwanchek neykhe. Aptahak axta apkeláneya Jesús se'e: —Kóllegagkohok sat kéxegke xa nenlegeykegkoho nak, cham'a ekyetchesamaxkoho nak xama egheykok negyal'a aksok ekmáske peya nak ko'o eynek, kólxawak sat nahan nétsapma peya nak ko'o axka' ekyetchesamaxkoho nak yakpasama yegmen;