SAN MATEO 10:24 - Lengua Sur (Enxet) Nuevo Testamento

²⁴ “Méko xama kélxekmóso eyeykhágwomhok ma'a ektaha nak apkelxekmóso, keñe m'a énxet ektaha nak kélásenneykha meyeykhágwomok ma'a wese' apagkok.

SAN MATEO 10:24 Referans Kwoze

SAN JUAN 15:20

Kaxénwakxoho kélwáxok sektaha exchek seláneya kéxegke s'e: ‘Enxet ektaha nak kélásenneykha metnehek apyeykhágweykmoho m'a wese' apagkok.’ Elyakmáseykha axta agkok ko'o, kólmenxenmakha sat nahan kéxegkáxa; aptemék axta agkok apkelyaheykekxoho sekpeywa énxet, elyahakxohok sat nahan kélpeywa kéxegke.

SAN LUCAS 6:40

Metnehek apyeykhágweykmoho apkelxekmóso m'a énxet ektaha nak kélxekmóso: apsawhegwokmek agkok ektémakxa apkeltámesamap, keñe exnágwakxohok ma'a ektaha axta apkelxekmóso.

SAN JUAN 13:16

Enxet ektaha nak kélásenneykha metnehek cha'a apyeykhágweykmoho wese' apagkok, keñe m'a énxet ektaha nak kéláphaso metnehek cha'a apyeykhágweykmoho m'a ektaha nak apcháphaso.

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?