SAN MATEO 10:23 - Lengua Sur (Enxet) Nuevo Testamento

²³ Kélmenxenáha sat agkok kéxegke xama tegma apwányam, kólmohok sat kólenyahagkok pók tegma apwányam; hakte ewatak sat aptaha nak Apketche énxet neyseksa megkólsawhomo kélmaheyak apyókxoho tegma apwányam yókxexma Israel. Nakso' xa sektahakxa nak seláneya kéxegke.

SAN MATEO 10:23 Referans Kwoze

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

LOS HECHOS 17:10

Yaktések axta apkeltamho énxet'ák elpekhaksohok elántépok Pablo tén han Silas yakwayam elmahagkok ma'a tegma apwányam Berea. Xama axta apkelwokmo Berea, apkelmahágkek axta apchakneykekxexa énxet'ák judíos ma'a.

LOS HECHOS 8:1

Apkenmáha axta nahan Saulo m'a. Leyawók axta apwáxok ektahakxa apmatña Esteban. Cháxa ekhem eyeynókxa axta kélmenxeneykha ekwányam énxet'ák ektaha axta melya'áseyam Jesús ma'a tegma apwányam Jerusalén. Apkexpakneyk axta apyókxoho énxet apteme axta melya'áseyam ma'a yókxexma Judea tén han ma'a Samaria. Axta eyke elxegak ma'a énxet'ák seykha amya'a.

SAN MARCOS 13:26

Keñe sat kólwetak ektaha nak Apketche énxet éxyok neyseksa yaphopé yetlo ekyawe apmopwána tén han apcheymákpoho.

SAN LUCAS 21:27

Keñe sat kólwetak ektaha nak Apketche énxet éxyok neyseksa yaphopé, yetlo ekyawe apmopwána, tén han apcheymákpoho.

SAN LUCAS 18:8

Eltennásek ko'o peya epasmok ekmanyehe agko'. Apkexyekmek sat agkok ma'a aptaha nak Apketche énxet, ¿éteyágwataya sat makham ekyetna magya'áseyam keso náxop?”

SAN JUAN 7:1

Apweynchámeyha axta Jesús yókxexma Galilea natámen xa. Axta emokók exek ma'a Judea, hakte énxet'ák judíos axta apketámak apmoko yakhek ma'a.

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.

LOS HECHOS 17:14

Apkeltamhok axta eyke énxet'ák epekhaksohok apteyapma Pablo m'a yakwayam enxoho emhagkok neyáwa wátsam ekwányam, keñe axta Silas tén han Timoteo aphákxo m'a tegma apwányam Berea.

SAN MATEO 25:13

Keñe axta anhan aptaha apkeláneya Jesús énxet'ák se'e: “Nágkólnakténho aksa kéxegke, hakte megkólya'ásegkok kéxegke ekwánxa ekhem, megkólya'ásegkok nahan ekwánxa hora.

SAN MATEO 24:48

Wánxa agkok, ekmaso aptémakxa agkok se'e kélásenneykha nak, xénchek agkok apwáxok peya mewakxék heykxa wese' apagkok,

SAN MATEO 24:27

Máxa takha' apkelyenma sat katnehek katyapok elyenma m'a ekteyapmakxa ekhem ekweykekxoho m'a taxnegwánxa ekhem, sat katnehek apkexyekmo sat aptaha nak Apketche énxet xa.

SAN MATEO 23:34

Ekeso eñamakxa peya nak ko'o aláphaksek kélnepyeseksa kéxegke énxet'ák apkellegaso nak Dios appeywa, tén han ma'a énxet'ák apkelya'áseykegkoho nak ektémakxa Dios appeywa, tén han ma'a énxet'ák apkelxekmósamo nak apnámokkok. Kólnápok sat eyke kéxegke m'a, aksok ektegyéso sat nahan kólyepetchesek nápakha, kañe' apchakneykekxexa judíos sat nahan kólnáhapmakha m'a nápakha, kólántaxmakha sat nahan nátegma kólmenxenmakha.

SAN MATEO 4:12

Xama axta apleg'a amya'a Jesús kélhésekmo Juan sẽlpextétamakxa, apmahágkek axta yókxexma Galilea.

SAN MATEO 2:13

Xama axta apkeltakhákxo m'a énxet'ák apkelyetsáteyak axta aptémakxa yaw'a, xama Wese' egegkok Dios apchásenneykha axta wanmeyásak José. Aptahak axta apcháneya s'e: “Exatakha', ema sakcha'a tén han xa egken, emhok yenyehek ma'a Egipto, exnamho sat ma'a ekwokmoho seltennáseykxo makham ko'o, hakte peyk ektamok Herodes sakcha'a yakwayam yakhek.”

LOS HECHOS 20:1

Xama axta ekmassa ekyennamáxma, apkeláneyáha axta Pablo énxet'ák apteme axta melya'áseyam yakwayam enxoho elpakhetchásekxohok makham. Keñe axta apkelpeykásegkakxoho xa énxet'ák nak apmahágko m'a Macedonia.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 23:36

Sat kañék eyahapweykta kéllegasáseykegkoho énxet'ák apheyncha'a nak keso negwánxa nak. Nakso' xa sektahakxa nak sekpeywa seláneya kéxegke.

SAN MATEO 24:34

Katnehek sat xa amonye apkeletsapma énxet'ák apheyncha'a se'e kaxwo' nak. Nakso' xa sektahakxa nak seláneya kéxegke.