SAN MATEO 10:22 - Lengua Sur (Enxet) Nuevo Testamento

²² Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxánekmoho nak apyennaktésamo apteme mehey'áseyam ko'o ekwokmoho néxa.

SAN MATEO 10:22 Referans Kwoze

SAN MATEO 24:13

Wánxa agkok ewagkasakpok sat eyke teyp ma'a énxet apteme nak apyennaktésamo mehey'áseyam ko'o ekwokmoho néxa.

SANTIAGO 1:12

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

SAN MARCOS 13:13

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxáneykmoho nak apyennaktésamo apteme mey'áseyam ekweykmoho néxa ekhem.

SAN MATEO 10:39

Kéxegke ektahakxa enxoho kélmasma ektémakxa nak kélyennakte, kamassegwók sat, wánxa agkok kéxegke ektahakxa enxoho kéletsapma eñama ko'o, kólwagkasaxchek sat teyp.

1 SAN JUAN 3:13

Elyáxeg selásekhayo, nágkólchenatches aksa kéxegke aptaknawe enxoho énxet'ák apkeleñamakxa apagko' nak keso náxop.

SAN MATEO 24:9

“Keñe sat kólmaxchek kéxegke yakwayam kólnaktawasagkoho'; kóltekyók sat nahan, apyókxoho énxet sat nahan etaknók kéxegke ko'o eñamakxa.

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

HEBREOS 6:11

Egmenyék negko'o kóllenxanmohok kéxegke kélxekmósamo ekwokmoho ektemegwánxa néxa m'a ektémakxa nak kélwaskápeykekxoho, yakwayam enxoho kólxawagkok ma'a aksok kélhaxanma nak kólxawa'.

SAN JUAN 17:14

Eltennáseyha axta ko'o exchep appeywa xa énxet'ák nak, wánxa agkok, aptaknagkamchek eyke énxet'ák apkelyetleykekxa nak ektémakxa náxop xa énxet'ák nak, hakte háwe apkeleñamakxa apagko' keso náxop, ekhawo nak han ko'o xa magwañamak keso náxop.

GÁLATAS 6:9

Kéméxchek negko'o mehenleklágwomek nenlané m'a nentémakxa ektakmela nak, hakte agkok henleklágwokmok negko'o, agwetak sat ekyakmageykekxa ekwokmo sat ekhem, ektémol'a annakxek ekyexna aksok negkeneykekxa.

SAN LUCAS 6:22

“Kéleñémo agko' kéxegke kéltaknaweyxko enxoho nepyeseksa énxet'ák, tén han ma'a kéltekkesa enxoho nepyeseksa énxet'ák, tén han ma'a kélxénáxko enxoho kéltaha ekmaso kéltémakxa kéxegke eñama m'a aptaha nak Apketche énxet.

2 CORINTIOS 4:11

Negko'o nelyenna nak, keto' cha'a katnehek nétsapma eñama negyetleykekxa m'a Jesús, yakwayam enxoho kataxchek ekyetna negko'o m'a ektémakxa nak Cristo apyennakte keso negyókxa étsapmo nak.

SAN MATEO 5:11

“Kéleñémo agko' kéxegke kéltaha enxoho kélwanyeykha, tén han ma'a kéltawásegkoho enxoho, tén han ma'a kélxénáxko enxoho aksa, cham'a ekxámokxoho ektémakxa nak amya'a megkamámnaksoho, ko'o eñamakxa.

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

SAN JUAN 7:7

Mopwanchek etaknók kéxegke énxet'ák apkeleñamakxa apagko' nak keso náxop; hetaknawhok eyke ko'o, hakte tásek ko'o sekxekmóso eyesagko m'a aksok apkeláneyak nak.

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

HEBREOS 3:14

Nenlenxanakmók agkok negko'o nenteme magya'áseyam ekweykmoho néxa, ekhawo m'a ektahakxa axta magya'áseyam sekxo' axta, cháxa nentaha negko'o nempasmo m'a ektémakxa nak aptamheykha Cristo.

APOCALIPSIS 2:26

Enxet'ák ektahakxa enxoho apkelmalanma, cham'a apkelwagkasamo nak néxa apkeláneyak ma'a ektémakxa nak sekmámenyého, atnésesek sat ko'o ekha kélyaheykekxoho nepyeseksa apyókxoho pók aptémakxa énxet'ák nak,

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

APOCALIPSIS 2:3

Apkelenxáneykmok axta exchep, awanhek axta nahan aplegeykegkoho meyke ekleklágwayam ko'o eñamakxa.

SAN LUCAS 21:17

apyókxoho énxet sat etaknók kéxegke ko'o eñamakxa;

SAN LUCAS 21:19

¡Kóllenxanmoho kélyennaktésamo kélteme megkólya'áseyam yakwayam enxoho kólewának kólwagkasaxchek teyp!