SAN MATEO 10:2 - Lengua Sur (Enxet) Nuevo Testamento

² Keso apkelwesey axta doce seykha amya'a s'e: Simón axta sekxo', apkeltamhomakpo axta nahan Pedro, keñe axta anhan ma'a apyáxeg apwesey axta Andrés; Santiago axta anhan ma'a yetlo apyáxeg apwesey axta Juan, aptaha axta Zebedeo apketchek;

SAN MATEO 10:2 Referans Kwoze

LOS HECHOS 1:13

Xama axta apkelwákxo m'a nepyeseksa tegma apwányam, apkelchenátweykxeyk axta tegma netno', cham'a aphágkaxa axta. Pedro axta m'a, Juan axta anhan, Santiago axta anhan, tén han Andrés, Felipe, Tomás, Bartolomé, Mateo, axta nahan ma'a Santiago aptaha axta Alfeo apketche, Simón axta anhan ma'a kéltéma axta Celote, Judas axta anhan ma'a, aptaha axta Santiago apketche.

SAN MATEO 4:21

Apxegákxeyk axta makham Jesús, apwetágwokmek axta makham apkánet énxet apyáxeg apagko' axta apxegexma m'a, Zebedeo axta apketchek xa apkánet nak: Santiago axta apwesey xama, keñe axta pók apwesey Juan, yetlo Zebedeo axta anhan apkelánegkakxo yam'én apagkok kañe' yántakpayhe awáxok xa énxet'ák nak. Apkelwóneyha axta Jesús.

SAN JUAN 12:22

Apxegkek axta Felipe apkeltennásekxo Andrés, keñe axta apkelxega xa apkánet nak apkeltennásekxo Jesús.

SAN JUAN 6:8

Keñe axta aptaha anhan apcháneya Andrés Jesús se'e, cham'a Andrés aptaha axta anhan Jesús apkeltámeséyak, Simón Pedro axta anhan apyáxeg xa:

SAN LUCAS 5:10

Hawók axta anhan ektahakxa m'a Santiago, tén han ma'a Juan, aptaha axta Zebedeo apketchek, cháxa aptaha axta apkelxegexma'a Simón xa. Aptahak axta Jesús apcháneya Simón se'e: —Nágyé' aksa; sakhem eyeynawo exchep yakwayam etnehek aptegye énxet.

SAN MATEO 4:18

Apweynchámeyha axta Jesús neyáwa wátsam ekpayhegwayam ekwesey nak Galilea, apkelwetágwokmek axta apkánet énxet, apyáxeg apagko' axta apxegexma: Simón axta apwesey xama, apkeltamhomakpo axta Pedro, keñe axta pók apwesey Andrés. Kelasma axta cha'a etegyagkohok xa énxet'ák nak, apyenyenteyk axta yam'én apagkok neygmen.

SAN LUCAS 11:49

“Ekeso eñamakxa aptaha axta appeywa Dios yetlo apya'áseykegkoho s'e: ‘Aláphaksek sat ko'o énxet'ák apkellegaso nak sekpeywa, tén han ma'a énxet'ák seykha amya'a ahagkok nak, etekyók sat eyke nápakha xa énxet'ák nak, kólmenxenmakha sat nahan nápakha.’

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

2 SAN JUAN 1:1

Ko'o sektaha nak sémha emonye, apchakneykekxexa énxet'ák ektaha nak Dios apkelyéseykha ektáxesásak ko'o s'e weykcha'áhak nak, cham'a énxet'ák apkeleñama nak xa kélakneykekxexa nak, cham'a ekmámnaksoho nak selásekhayo ko'o; háwe eyke exakko' ko'o selásekhayo kéxegke, akke nahan apkelásekhayok kéxegke m'a apyókxoho énxet'ák apkelyekpelchágwayam nak amya'a ekmámnaksoho.

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

1 SAN PEDRO 1:1

Ko'o Pedro, sekteme Jesucristo seykha amya'a apagkok. Enxet'ák apkexpakneykha mexneykha apkelókxa ektáxesásak ko'o s'e weykcha'áhak nak, cham'a apheykha nak yókxexma Ponto, Galacia, Capadocia, Asia tén han ma'a Bitinia,

HEBREOS 3:1

Elyáxeg, kélteme nak Dios énxet'ák apagkok, kéltaha nak han Dios apkelpagkanma, kéxegke ektaha axta apkelwóneykha Dios yakwayam kóltehek énxet'ák apagkok, kaxén kélwáxok Cristo Jesús, aptaha nak seykha amya'a, aptaha nak han apkemha apmonye appasmo apkelmaxnéseso Dios énxet'ák apagkok, cha'a keñamak nenxeyenma ekyetna negko'o magya'áseyam ma'a.

EFESIOS 4:11

Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

1 CORINTIOS 15:7

Keñe axta anhan apxekmowáseykpekxoho Santiago, keñe axta anhan apxekmowáseykpekxoho m'a apyókxoho seykha amya'a ektaha axta apwetayo Jesús.

LOS HECHOS 12:2

Apkeltamhok axta Herodes kólyetxak sawo ekwenakte kólakhek ma'a Santiago, aptaha axta Juan apyáxeg.

LOS HECHOS 3:1

Apkelmeyákxeyk axta tegma appagkanamap Pedro tén han Juan, las tres taxnam axta m'a, ektamhomaxchexa axta cha'a nempeywa nelmaxnagko. Apheyk axta xama énxet apkelyelkamap eyeynamókxa sekxo' apteyékmo m'a tegma appagkanamap nak. Kólsakxohok axta cha'a yókxoho ekhem ma'a, axta cha'a kólpekkenwakxohok ma'a átog ekwesey axta ektakmalma, yakwayam enxoho eleyxek aksok apméso m'a énxet'ák ektaha axta apkelántaxnegweykekxa m'a.

LOS HECHOS 1:26

Keñe axta aptawásegko xama aksok yakwayam enxoho étak ma'a ektaha axta kélyéseykha, Matías axta pehewokmok ma'a, keñe axta appaxka'a m'a once seykha amya'a nak.

SAN JUAN 21:24

Cháxa Jesús apkeltámeso ektaha axta apxeyenma xa, ektaha axta anhan apchásekhayókxa Jesús, axta nahan aptáxéso m'a. Negya'ásegkok negko'o ektaha ekmámnaksoho aksok apxeyenma.

SAN JUAN 21:20

Xama axta appeynchakpoho Pedro, apwet'ak axta apxegakmo Jesús apkeltámeso ektaha axta apchásekhayókxa, cham'a apyepetcha'awo axta Jesús neyseksa aptéyak, cham'a aptaha axta anhan apkelmaxneyeyncha'a s'e: “Wese', ¿yaksak m'a peya nak etlakkasesek yának emakpok xép?”

SAN JUAN 21:2

Apháha axta Jesús apkeltámeséyak ma'a: Simón Pedro, Tomás, apkeltamhomakpo axta Apkánet Appalleykmoho, Natanael axta anhan aphak ma'a, aptaha axta apkeñama Caná yókxexma Galilea, axta anhan ma'a ektaha axta Zebedeo apketchek, apháha axta anhan ma'a apkánet ektaha axta Jesús apkeltámeséyak.

SAN JUAN 20:2

Ketchágkakxók axta ekmeyákxo m'a aphakxa axta Simón Pedro, tén han ma'a pók apkeltámeso axta Jesús, cham'a apchásekhayókxa axta Jesús. Entahak axta eláneya s'e: —¡kéllekkek Wese' egegkok aphápak kañe' takhaxpop, magya'ásegkok negko'o kélpekkenwánxa!

SAN JUAN 13:23

Apyepetcha'awók axta xama apkeltámeséyak Jesús neyseksa aptéyak, cham'a ektaha axta apchásekhayókxa,

SAN LUCAS 22:14

Xama axta ekwokmo yakwánxa etwok apto Jesús tén han apkeltámeséyak, apháha axta nekha mésa.

SAN LUCAS 22:8

Apcháphásek axta Jesús Pedro tén han Juan. Aptahak axta apkeláneya s'e: —Kólxeg, kóllánegwakxa sat nento yakwayam antók nento taxnam ekhem Pascua m'a.

SAN LUCAS 9:10

Xama axta apkelwákxo aphakxa Jesús ma'a apkeltámeséyak, apkeltennáseyha axta Jesús ma'a ektahakxa axta aksok apkeláneyak. Mók nekha axta apkelya'ásak Jesús apxakcha'awók xa, axta apkelya'áseykxak ma'a nátegma eltamhomaxchexa axta Betsaida.

SAN MARCOS 13:3

Apkelmeyákxeyk axta egkexe Olivos natámen xa, payhawók axta apyetnamakxa tegma appagkanamap ma'a. Aphakmek axta Jesús ma'a néten egkexe nak. Keñe axta apkelmaxneyeyncha'a Pedro, Santiago, Juan, tén Andrés aptahakxa axta apxakko' Jesús,

SAN MARCOS 1:29

Xama axta apkelántepa apchakneykekxexa énxet'ák judíos, apmeyákxeyk axta Jesús Simón apxagkok, Andrés axta anhan apxagkok ma'a. Santiago axta apxegexma, Juan axta anhan.

SAN MATEO 26:37

Apyentegkek axta Pedro tén han apkánet Zebedeo apketchek. Awanhek axta elapwayam Jesús, teyekmek axta anhan apwáxok.

SAN MATEO 20:20

Yo'ókmek axta Jesús Zebedeo aptáwa, yetlo étchek, keltekxekwokmek axta atapnák apkenmágkaxa yakwayam enxoho kalmaxnak xama aksok.

SAN MATEO 17:1

Seis ekhem axta entahak ekyeykhe, keñe axta apnaklawa Jesús mók nekha Pedro, Santiago, axta nahan ma'a Juan, aptaha axta Santiago apyáxeg, axta apkelchenátchesakmok ma'a egkexe netno' axta.

APOCALIPSIS 22:8

Ko'o Juan, ekwet'ak axta ko'o xa aksok nak, ekleg'ak axta nahan. Eltekxekkek axta ko'o etapnák apkenmágkaxa Dios apchásenneykha ektaha axta sexekmóso xa, ekmokók axta alpeykeshok, natámen sekweté xa, tén han natámen seklegé.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

3 SAN JUAN 1:1

Ko'o sektaha nak sémha emonye, eyáxeg seyásekhayo Gayo ektáxesásak ko'o s'e weykcha'áhak nak, ektaha nak ekmámnaksoho seyásekhayo.

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

SAN MARCOS 6:30

Apchaknákxeyk axta xamo' Jesús énxet'ák seykha amya'a natámen xa. Apkeltennáseyha axta ektahakxa apkeltamheykha, tén han ektahakxa apkelxekmóso cha'a énxet'ák.

SAN JUAN 6:67

Aptahak axta Jesús apkelmaxneyeyncha'a doce apkeltámeséyak se'e: —¿Kéxegkeya nahan kélmoko kólxog?

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

SAN JUAN 6:71

Judas axta apxénak Jesús aptaha appeywa xa, cham'a Simón Iscariote apketche, hakte Judas axta m'a peya axta etlakkasesek yának emakpok Jesús, aptaha axta eykhe apkeñama nepyeseksa doce Jesús apkeltámeséyak.