SAN MATEO 10:16 - Lengua Sur (Enxet) Nuevo Testamento

¹⁶ “¡Kóllano, máxa ektemesásak kéxegke nekkések seláphasa neyseksa m'a aksok nawha'ák ello nak, kólteme ekha kélya'áseykegkoho ektémol'a yéwa, kólteme anhan megkólyementé aptémol'a wáx'ay.

SAN MATEO 10:16 Referans Kwoze

SAN LUCAS 10:3

Kólxeg kéxegke; kóllano, máxa nekkések apketkók ektemesásak kéxegke seláphasa kólpaxakwók aksok nawha'ák ello nak.

FILIPENSES 2:15

yakwayam enxoho megkataxchék ekyetna kéxegke kélsexnánemaxche tén han eyesógwayam kéllané xama aksok enxoho. Kólteme kéxegke Dios apketchek meyke elenchahamaxche kéltémakxa nepyeseksa xa énxet'ák elmasagcha'a nak apkeltémakxa, cham'a apkelxegányam nak. Máxa yaw'a kéltahak kélápogwata kéxegke nepyeseksa xa énxet'ák nak, keso náxop ekyaktésamakxa nak exma,

1 CORINTIOS 14:20

Elyáxeg, nágkatne aksa elchetamso kélwáxok kéxegke ektémakxal'a sakcha'a elchetamso awáxok; kólhésaxkoho m'a ektémakxal'a sakcha'a megkalané aksok ekmaso. Kólteme elchetamso kélwáxok ma'a ektémakxal'a elchetamso apwáxok énxet apkelwányam nak.

COLOSENSES 4:5

Kólteme cha'a ekha kélya'áseykegkoho kéxegke nepyeseksa m'a énxet'ák apkelya'áseyam nak, kólyentamaxkoho cha'a kóllának aksok ektakmela keso negwánxa nak.

SAN LUCAS 21:15

hakte ko'o sat agkések kéxegke kélpeywa yetlo kélya'áseykegkoho, mopwanchek sat yátegmowagkok kéltahakxa kélpeywa m'a kélenmexma, mopwanchek sat exének ektaha megkamámnaksoho kélpeywa.

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

1 TESALONICENSES 5:22

Kólyetnakhes ekyókxoho ektémakxa nak nentémakxa ekmaso.

2 CORINTIOS 11:14

Magkenatchesek eyke negko'o, hakte kaxnésaxkohok cha'a Satanás ma'a Dios apchásenneykha ekha nak elseyexma apagkok.

1 TESALONICENSES 2:10

Kéxegke kélteme kélwetayo nentéma axta negko'o ektakmela nentémakxa, tén han ekpéwomo nentémakxa, tén han meyke sẽlxéncháseykekxoho nak nentémakxa kélnepyeseksa kéxegke kélteme nak megkólya'áseyam. Dios nahan ektaha apwetayo nentéma negko'o xa.

COLOSENSES 1:9

Ekeso eñamakxa magyensakmo nak negko'o nelmaxnéseso kéxegke eyeynawo m'a nenlegakxa axta amya'a, axta anhan agyensakmok nelmaxnagko Dios neltamho elya'asásegwomhok agko' ma'a ektémakxa nak apmopmenyého, tén han neltamho egkések ma'a ekyókxoho ektémakxa nak negya'ásegwayam, tén han ma'a kélyekpelchágwayam ektaha nak apméso Espíritu,

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

2 CORINTIOS 8:20

Magmenyék negko'o ólxénaxchek ekmaso nentaha nak xa eñama s'e ekxámokma nak negáncheseykekxa aksok.

SAN MATEO 24:25

Ekpenchásók seltennasa kéxegke seyésa xa, amonye ekteme.

SAN MATEO 24:45

“¿Yaksak m'a kélásenneykha meyenseyam nak aptamheykha, tén han ma'a ekha nak apya'áseykegkoho aksok, cham'a apchásenneykekxohol'a wese' apagkok etakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak?

SAN MATEO 25:2

Cinco axta ekyókxoho kelán'a étkók megkatnaheykha axta awáxók, keñe axta anhan cinco ekpenchesamo axta eláneykekxa ektahakxa.

SAN MATEO 25:4

Keñe axta m'a kelán'a étkók ekpenchesamo axta eláneykekxa ektahakxa, kelsókók axta sokpeysyam elláneykegkoho chálewaso égmenek, kelsókók axta anhan chálewaso agkok.

SAN MATEO 25:9

Wánxa agkok, entahak axta elátegmowágko kelán'a étkók ekpenchesamo axta eláneykekxa ektahakxa s'e: ‘Ma', mehegwakxók negko'o xa, megkawakxók nahan kéxegkáxa, akke tásek kélmeyákxo enxoho m'a kélchexakhamakxa nak, kóltegye' yakwayam kólmaha kéxegke.’