SAN MATEO 10:14 - Lengua Sur (Enxet) Nuevo Testamento

¹⁴ Sat agkok emak takha' kéxegke énxet kélwayam apxagkok, tén han ma'a memoko enxoho yeyxhok kéltenneykha, kólántep sat ma'a tegma nak, esenhan ma'a nepyeseksa tegma apwányam nak, kólpalches sat nahan kélmagkok xóp ánek elyepetche.

SAN MATEO 10:14 Referans Kwoze

LOS HECHOS 18:6

Wánxa agkok, apkenmexchek axta eyke énxet'ák Pablo, apwanyeyha axta nahan; ékeso eñamakxa appaxnexcheyncha'a axta aptaxno Pablo magkenatcheso megkalcha apwáxok aptamhágkaxa énxet'ák. Aptahak axta apkeláneya s'e: —Kéxegke kélagko' sat kañék kélmassegwayam, háwe sat eñama ko'o. Sat ay'ókxak kaxwo' ko'o m'a énxet'ák metnaha nak judíos.

LOS HECHOS 13:51

Keñe axta appalchesa xóp elyepetche apmagkok Pablo tén han Bernabé magkenatcheso megkalcha apwáxók aptemésesakxa m'a énxet'ák, keñe axta apkelmahágko m'a tegma apwányam Iconio.

SAN LUCAS 9:5

Agkok kólmáxchek takha' nátegma kélwánxa enxoho, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

SAN MARCOS 6:11

Agkok kólmaxchek takha' mók yókxexma kélwánxa enxoho, mopmenyék agkok nahan yeyxhok kéltenneykha énxet, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

SAN JUAN 13:20

Enxet ektahakxa enxoho apchápeykha m'a ektahakxa enxoho seyáphaso ko'o, heyahapmakha nahan ko'o xa; keñe m'a énxet ektahakxa enxoho seyápeykha ko'o, yáhapmakha nahan ma'a ektaha nak seyáphaso ko'o.

SAN MARCOS 9:37

—Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa; keñe m'a énxet ektaha nak seyápeykha ko'o, meheyáhapmakha exakko' ko'o, yáhapmakha nahan ma'a aptaha axta seyáphaso ko'o.

SAN MATEO 18:5

Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa.

SAN LUCAS 9:48

Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

SAN MATEO 10:13

Enxet'ák eyéméxchexa enxoho keytek meyke ektahakxa egwáxok apxanák, katnehek sat ma'a, keñe m'a megkapayhawo nak keytek meyke ektahakxa egwáxok apxanák, megkeytek sat meyke ektahakxa egwáxok ma'a.