SAN MATEO 10:1 - Lengua Sur (Enxet) Nuevo Testamento

¹ Apkelwóneyha axta Jesús doce seykha amya'a apagkok, apmések axta nahan apkelmopwancha'a yakwayam elántekkesek kelyekhama', tén han emaseksek ma'a ekyókxoho ektémakxa nak negháxamáxche, tén han ma'a ektémakxa nak nenlegeykegkoho ekmáske.

SAN MATEO 10:1 Referans Kwoze

SAN LUCAS 10:19

Ekmések axta ko'o kéxegke kélmowána yakwayam kólteyammok yéwa, tén han yettaha', tén han kólmalánek nepyeseksa m'a kélenmexma nak yetlo meyke kéllegeykegkoho ekmáske xama enxoho.

SAN LUCAS 24:49

Wáphásesek sat kéxegke m'a apxeyenma axta egkések kéxegke Táta. Kólhakha sat kéxegke s'e tegma apwányam Jerusalén ekwokmoho kélxaka kélmowána eñama nak néten.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

SAN JUAN 3:27

Aptahak axta Juan apkeláneya s'e: —Megkeytek negko'o xama aksok mehegmésa enxoho Dios.

SAN LUCAS 6:13

Xama axta elsaka, apkelwóneyha axta Jesús apkeltámeséyak, doce axta apkelyesáha nepyeseksa xa énxet'ák nak, cháxa aptaha axta anhan seykha amya'a xa.

SAN LUCAS 21:15

hakte ko'o sat agkések kéxegke kélpeywa yetlo kélya'áseykegkoho, mopwanchek sat yátegmowagkok kéltahakxa kélpeywa m'a kélenmexma, mopwanchek sat exének ektaha megkamámnaksoho kélpeywa.

LOS HECHOS 19:15

Wánxa agkok, xama ekhem axta eyke chátegmowágkok aksok ekmaso xa énxet'ák nak. Entahak axta eláneya s'e: “Ekya'ásegkok ko'o Jesús, ekya'ásegkok nahan ma'a Pablo; ¿yaksak eyke énxet kéxegke?”

SAN JUAN 17:2

Hakte apmések axta exchep Apketche yakwayam etnehek meyke ekhémo nepyeseksa énxet'ák keso náxop, yakwayam enxoho elmésagkok elyennakte apnenya'ák ma'a apyókxoho énxet ektaha axta apméso exchep Apketche yakwayam eltakmelchesek.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

SAN JUAN 3:35

Apchásekhayók Apketche Dios, apmések axta nahan apmopwána yakwayam elának ekyókxoho aksok.

APOCALIPSIS 12:1

Tekkek axta néten aksok sempelakkaso agko' nak agweta': xama kelán'a eyaklamaxche ekhem axta m'a ektémol'a apáwa, keñe axta apyetna pelten ma'a kóneg amagkok, keñe axta étcheso akkátek elyenma aphágko doce yaw'a.

SAN MATEO 26:47

Neyseksa appakmeyesma Jesús axta apwokmok Judas, aptaha axta apkeñama nepyeseksa m'a doce Jesús apkeltámeséyak. Apxámok axta énxet apkelxegexma'a apwokmo m'a, yetlo apkelmeykha sókwenakte, yámet axta anhan apkelmeykha. Enxet'ák apkelámha apmonye'e appasmo apkelmaxnéseso Dios énxet'ák apagkok axta apkeláphaso, tén han ma'a énxet'ák judíos apkelámha apmonye'e nak kélakneykekxexa.

SAN MATEO 26:20

Xama axta ekyaktésa, apheyk axta xamo' Jesús doce apkeltámeséyak nekha mésa;

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN MATEO 9:35

Apweynchámeyha axta Jesús ekyókxoho nepyeseksa tegma apwányam, tén han ekyókxoho nátegma, apkelxekmósegkek axta cha'a énxet'ák kañe' apchakneykekxexa énxet'ák judíos ekyókxoho yókxexma. Aplegasegkek axta anhan amya'a ektakmela ekxeyenma nak ma'a aptémakxa nak Wese' apwányam Dios, apmasésegkek axta anhan ma'a ekyókxoho ektémakxa nak negháxamáxche, tén han ma'a nenlegeykegkoho ekmáske nak.

SAN MATEO 9:38

Kólmaxna kéxegke m'a ektaha nak Wese' namyep, yakwayam enxoho eláphaksek ma'a ektaha nak apkeltamheykha yakwayam yanchásekxak xa ekyexna nak.