SAN MARCOS 8:2 - Lengua Sur (Enxet) Nuevo Testamento

² —Apyósekak ko'o sélano s'e énxet'ák nak, hakte antanxo ekhem wokmok apheykha s'e sekhakxa nak, méko nahan aptéyak.

SAN MARCOS 8:2 Referans Kwoze

SAN MATEO 9:36

Xama axta apwet'a Jesús xa énxet'ák nak, apyósekak axta apkelano, hakte kellapwámeykegkek axta, méko axta nahan ekpasmo, máxa axta aptamheykegkok ma'a nekkések meykel'a eltakmelcheso.

HEBREOS 5:2

Apwanchek kapyóshok elanok apkemha apmonye appasmo apkelmaxnéseso Dios énxet'ák apagkok ma'a énxet'ák melya'áseyak nak aksok, tén han ma'a énxet'ák ektaha nak megyakhémo apkeltémakxa, hakte hawók ektémakxa apyelkamákpoho ektaha nak appasmo apkelmaxnéseso apnámokkok ma'a ektémakxa nak apkelyelkamákpoho énxet'ák.

HEBREOS 4:15

Hakte apya'ásegkok ektémakxa negyelkamáxkoho m'a apkemha apmonye sempasmo nak sẽlmaxnéseso negko'o, hakte hawók axta ektémakxa ekyekkónma m'a ektémakxa nak segyekkónma negko'o; axta eyke eláneyk mey'asáxma xama enxoho.

SAN LUCAS 15:20

Keñe axta aptakháwo xa wokma'ák nak, apyap apxagkok axta apmeyákxak. “Makhawók axta apwet'ak apkexyekmo apyap xa wokma'ák nak. Apyósek axta apkelanawo. Apketchágkók axta apkelanyexágko, appathetchek axta anhan appetsesa.

SAN LUCAS 7:13

Xama axta apwet'a Wese' egegkok ma'a tampe' nak, ayósek axta apkelano. Aptahak axta apcháneya s'e: —Nágkalekxagwaha.

SAN MARCOS 9:22

Neyseksa táxa nahan cha'a étnók ekyaknegkesa enxoho xa espíritu ekmaso nak tén han ma'a neygmen, yakwayam enxoho kakhek, apwanchek agkok xép elának xama aksok, yepyósho henlano negko'o, hempásem hana.

SAN MARCOS 6:34

Xama axta aptepa Jesús kañe' yántakpayhe, apwet'ak axta énxet apxámokma, apyósekak axta anhan apkelano xa énxet'ák nak, hakte máxa axta aptamheykegkok ma'a nekkések meykel'a eltakmelcheso; xámok axta aksok apkelxekmóso m'a.

SAN MARCOS 5:19

Axta eyke ya'awok Jesús. Aptahak axta aksa apcháneya s'e: —Emyekxa apxagkok, ekhágkaxa nak apnámokkok, eltennasha sat nahan ekyókxoho aptemésesakxa nak Wese' egegkok, tén han ektahakxa nak apkepyósawo apkelano exchep.

SAN MARCOS 1:41

Apyósek axta apkelano Jesús xa énxet nak. Appaknegwokmok axta, keñe axta aptaha apcháneya s'e: —Emenye'. ¡Yáxñekxoho!

SAN MATEO 20:34

Apyósekak axta apkelano Jesús, appaknegkesakmok axta apakta'ák. Yetlókók axta apkelweteykekxaxma énxet meyke apakta'ák, apkelyetlákxeyk axta anhan Jesús.

SAN MATEO 14:14

Xama axta apteyapwokmo Jesús kañe' yántakpayhe, apwet'ak axta énxet apxámokma, apyósekak axta apkelano, apkeltakmelchesekmek axta apkelháxamap apnaklo axta xa énxet'ák nak.

HEBREOS 2:17

Ekeso eñamakxa apheyáseykpoho apagko' axta Jesús ma'a apkelyáxeg, yakwayam enxoho etnehek nápakto' Dios meyenseyam appasmo apkelmaxnéseso Dios énxet'ák apagkok, tén han etnehek apmopyósa elanok pók, yakwayam enxoho anhan étaksek meyakmagkáseykekxa Dios apkeltémakxa melya'asáxma énxet'ák, eñama m'a apketsapma axta segyanmaga.

SAN MARCOS 6:32

Ekeso eñamakxa apkelchánta axta yántakpayhe Jesús yetlo apkeltámeséyak apkelmahágko mók yókxexma meykexa énxet.

SAN MARCOS 8:3

Eláphásek agkok apxanák yetlo metéyak aptéyak, káhapwakxak katnehek xama náxet ámay, hakte makhawók apkeleñamakxa nápakha.