SAN MARCOS 1:8 - Lengua Sur (Enxet) Nuevo Testamento

⁸ Yegmen ko'o ekmáha sekyakpasásegko kéxegke yegmen; eyakpásesagkok sat eyke kéxegke yetlo Espíritu Santo m'a peya nak ewa'.”

SAN MARCOS 1:8 Referans Kwoze

LOS HECHOS 1:5

Nakso' axta apyakpásáseykegko yegmen énxet Juan, kaxwo' sat eyke kólyakpásesagkok kéxegke yetlo Espíritu Santo.

1 CORINTIOS 12:13

Hawók nahan sentémakxa nak negyókxoho xa, ẽlyakpasásegkek axta yegmen yakwayam antemekxak xama negyókxa eñama apmopwána m'a aptaha nak apwánxa xama Espíritu, megkeyxek ma'a nenteme nak judíos tén han ma'a metnaha nak judíos, tén han ma'a nenteme nak negmomaxche esenhan ma'a magmomaxche nak; negyókxoho axta nenxakak yakwayam exek egwáxok xa Espíritu nak, ektémol'a agyenek ma'a negyamol'a.

LOS HECHOS 10:45

Pelakkasek axta apkelwet'a m'a énxet'ák judíos melya'áseyam axta Jesús aptaha axta apkelxegexma'a Pedro apkelwokmo m'a, cham'a apkelxawágko axta Espíritu Santo énxet'ák metnaha nak judíos,

LOS HECHOS 2:4

Kellánegkok axta apwáxók Espíritu Santo xa apyókxoho nak, mók ektémakxa apkelpeywa axta apkelpakmétak, ekhawo m'a ektahakxa axta apméso Espíritu Santo yakwánxa katnehek apyakmaga mók ektémakxa kélpeywa.

LOS HECHOS 2:17

Aptahak Dios se'e: ‘Katnehek sat ekwokmo enxoho ekhem, agkések sat Espíritu ahagkok apyókxoho énxet'ák; eltennaha sat amya'a yakwánxa katnehek, kélketchek kéxegke, tén han ma'a kélketchek kelwán'ák nak, étak sat cha'a aksok kélxekmósamo wokma'ák, keñe sat kawanmaksek cha'a m'a apkelwányam nak.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

SAN MARCOS 1:7

Axta etnohok cha'a apkeltenneykha s'e: “Ewak sat netámen ko'o énxet maxnawo nak ko'o. Apmopwána eghak ma'a. Megkapayhawok nahan ko'o xa waháxek apmonye yakwayam alhexyawásesek axat'ák apkeltéto apmagkok.

SAN MARCOS 1:9

Apxegkek axta Jesús apkeñama tegma Nazaret natámen xa, cham'a yókxexma Galilea, keñe axta Juan apyakpásesa yegmen ma'a wátsam Jordán.

SAN LUCAS 3:16

wánxa agkok, aptahak axta Juan apkeláneya apyókxoho énxet'ák se'e: “Yegmen ko'o ekmáha sekyakpasásegko kéxegke yegmen; apxegakmek eyke netámen xama énxet yakwayam sat eyakpásesagkok kéxegke yetlo Espíritu Santo tén han ma'a táxa. Apmopwána eghak ma'a maxnawok ko'o, megkapayhawok nahan alhexyawásesek ko'o axát'ák ma'a apkeltéto apmagkok.

SAN JUAN 1:26

Aptahak axta apchátegmowágko Juan se'e: —Yegmen agko' ko'o ekyakpasásegkok kéxegke, wánxa agkok apheyk eyke kélnepyeseksa kéxegke megkólyekpelcha nak,

SAN JUAN 1:33

Axta ko'o makham ay'áseykegkok aptémakxa m'a; wánxa agkok, aptahak axta seyáneya ektaha axta seyáphaso yakwayam ayakpásesagkok yegmen énxet se'e: ‘Apwet'ak sat agkok xép apwéweynto Espíritu, tén han apyakwa'a enxoho apyetseksek énxet, cháxa apyakpasáseykegkohol'a yegmen énxet yetlo Espíritu Santo xa.’