SAN LUCAS 9:8 - Lengua Sur (Enxet) Nuevo Testamento

⁸ keñe axta nápakha énxet apxénak apwa'akto makham Elías aptaha axta Dios appeywa aplegaso, keñe axta anhan nápakha énxet apxéna apxátekhágwokmo xama m'a énxet'ák nano' Dios appeywa apkellegaso axta.

SAN LUCAS 9:8 Referans Kwoze

SAN JUAN 1:21

Apkelmaxneyakxók axta makham xa énxet'ák nak: —¿Yaksak eyke énxet xép? —¿Háweya exchep Elías aptaha axta Dios appeywa aplegaso? —Háwe ko'o, —axta aptahak apchátegmowágko Juan. Apkelenxanakmók axta eyke apkelmaxneyeykha xa énxet'ák nak: —¿Xeyepya Dios appeywa aplegaso apxénamakpo nak ewa'? —Háwe ko'o, axta aptahak makham apchátegmowágko Juan:

SAN LUCAS 9:19

Aptahak axta apkelátegmowágko apkeltámeséyak se'e: —Nápakha énxet'ák cha'a aptahak apxéna exchep Juan el Bautista, keñe nápakha énxet apxéna exchep aptaha Elías, keñe nahan nápakha énxet apxéna apxátekhágwokmo xama m'a énxet'ák apkellegaso axta Dios appeywa nano' axta.

SAN MARCOS 8:28

Aptahak axta apkelátegmowágko s'e: —Nápakha énxet'ák cha'a aptahak apxéna exchep Juan el Bautista, keñe nápakha énxet apxéna exchep aptaha Elías, keñe nahan nápakha énxet aptaha apxéna exchep pók Dios appeywa aplegaso.

SAN MARCOS 6:15

Keñe axta pók énxet aptaha apxéna s'e: —Elías ma'a, aptaha axta Dios appeywa aplegaso. Keñe axta nápakha énxet'ák aptaha cha'a apxéna s'e: —Xama Dios appeywa aplegaso, cha'a aphawo m'a nano' Dios appeywa apkellegaso axta.

SAN MATEO 17:10

Aptahak axta apkelmaxneyeyncha'a apkeltámeséyak Jesús se'e: —¿Yaksaktéma apkelxeyenma nak cha'a énxet'ák apkelxekmósamo nak ektémakxa segánamakxa apxénamakpo ewak apmonye Elías?

SAN MATEO 16:14

Aptahak axta apkelátegmowágko s'e: —Nápakha énxet'ák cha'a apxeyenmak xép aptaha Juan el Bautista; keñe nápakha apxeyenma aptaha exchep Elías, keñe anhan nápakha apxeyenma aptaha exchep Jeremías, tén han apxeyenma aptaha pók Dios appeywa aplegaso.